صحيح البيان في مقناص الزير في كازاخستان ( حياكم ياهل الوحوش)

[قنيص غبر]

السلام عليكم ...

العلوم طيبه الحمدالله .. مثل مانتم خابرين انا كنت مسافر تقريبا شهر وكلي حسره على المواضيع المميزه اللي اقراها في هذا المنتدى . احدن صايد واحدن فايد .. عاد تخبرون هل الجيره مايطوفونها بسهاله ..

مقدمة الموضوع . اخوي الكبير كان ناوي يسير كالعاده مقناص كزخستان .. وكان في امس الحاجه لطير طلع . بحثنا في كل مكان وللاسف الطير اللي انحصله طلع مايجي سبوق .. فقلت حق اخوي. اتدور طير وعندك اللي ابوه جير بيور . توكل على الله وخذ الزير عباره طيرك .. الله هداه وخذ الطير .. وكان يقولي يا بومحمد ترا ماريد اتفشل هناك ناس عندها طيور من كل نمونه .. من شاهين الى بيور .. قلت اتوكل على الله وانشالله بياض وجه الزير ... الجماعه وصلو .. واول طلعه اخوي كان حاط الطير عالتكيه .. للعلم الطير مب طلع لما كان عندي لكن الطير راكد ..

المهم ماطيل عليكم الكلام .. الطير فاجئ الجميع وكان من اول ماوصلو مكان المقناص انه يخافق ويتركز .. قال اخوي خلني اجرب واشوف . اثريه مطلع جول حباري فيه ثلاث حبر .. ولله الحمد صاد الولى والباقي خمرن .. اتباشر الصيد بعجاب الجميع .. وتم طول السيره على التكيه مفرع .. وصلت الحصيله 8 حباري والتاسعه حلن عليه عقبان وخلاها .

والحين بعد المقدمه .. نبتدي بالصور .. والسموحه اخوي مش ذاك الزود في التصوير وحب الكاميره فقالي انه مع الناس تنسى التصور . لكن هذا اللي قدر يطلع منه ...


هذا المعسكر يسرحون ويجون المساء له

http://www.mekshat.com/pix/upload02/images83/mk78179_dscn0028.jpg


هذي سيارة اخوي في المقناص .. يبين صورة الخيمه .. وهي من داخل مزروده بكهرباء وكل شي . يعني امورهم طيبه

http://www.mekshat.com/pix/upload02/images83/mk78179_dscn0079.jpg


الجميع كان مستعد لاي حركه .. للعلم الحبر هناك تطير من بعد 3 كيلو يعني انسى . والاخوان الشوف والله مش لين هناك ..

http://www.mekshat.com/pix/upload02/images83/mk78179_dscn0082.jpg



هااااااااااااااااااه صايد من العوايد الزير ابوه جير بيور .. للاسف التصوير مايساعد .. لكن لانه مطلع من مسافه بعيده فيلحقون يعزلون عنه ومش فاضيين مثلي حق تصوير وسوالف جيل كبير معذور

http://www.mekshat.com/pix/upload02/images83/mk78179_dscn0032.jpg


امسكو اعصابكم يا جماعه هذي حبارى .. ماشالله حبر سمينه

http://www.mekshat.com/pix/upload02/images83/mk78179_dscn0092.jpg


هذي صوره لكن لطير بن عمنا جير شاهين من فالكون سنتر .. صاروخ عابر ماشالله عليه

http://www.mekshat.com/pix/upload02/images83/mk78179_dscn0070.jpg



طبعا الرحله ماتخلى من مواقف بايخه مثل بنجر في وقت ماله داعي .. الجماعه متمللين مالهم خاطر شكلهم .. لكن القنوص ماعنهم وقت دقيقه ورتبو امورهم

http://www.mekshat.com/pix/upload02/images83/mk78179_dscn0093.jpg



صايد من العوايد ... الزير


http://www.mekshat.com/pix/upload02/images83/mk78179_dscn0074.jpg





النهايه .. مقيال وتنظيف الحبر .. طبعا الاخوان ماقصرو في التلاويح جابوه هبات الريح ...

http://www.mekshat.com/pix/upload02/images83/mk78179_dscn0004.jpg




يتبع الرجاء عدم الرد ...

[قنيص غبر]

الحين مجرد مقاطع للاجواء الرائعه والجو اللي يحبه قلبك

تابعوا المقيال والارض اللي قنصو فيها

http://www.mekshat.com/pix/upload02/images83/mk78179_dscn0005.jpg


خوة نشاما طبعهم ماتمله

http://www.mekshat.com/pix/upload02/images83/mk78179_dscn0009.jpg


حد جوعان !!!!!!

http://www.mekshat.com/pix/upload02/images83/mk78179_dscn0016.jpg


كااااااااااااااااااااااااااااااااااااااااااااااااب سه .. اخ بس ماشي فلفل حار


http://www.mekshat.com/pix/upload02/images83/mk78179_dscn0069.jpg



لازم راحه بعد المغدا

http://www.mekshat.com/pix/upload02/images83/mk78179_dscn0101.jpg


منطقه ثانيه .. الصوره تتكلم عن الجو لوحدها


http://www.mekshat.com/pix/upload02/images83/mk78179_dscn0114.jpg

مقناص طيب مافيه تعب .. شاهي مخدر وجدر ينطح بالخير

http://www.mekshat.com/pix/upload02/images83/mk78179_dscn0120.jpg



خير وغدا لازم يريح ...

http://www.mekshat.com/pix/upload02/images83/mk78179_dscn0129.jpg


http://www.mekshat.com/pix/upload02/images83/mk78179_dscn0206.jpg


قاهرني بس وسم الجمال .. والله ماتقول وسم المزاريع في زمانه ولا حد من قبايل الخليج .. وسم هالكبر !!!!
حد بيشتري !!

http://www.mekshat.com/pix/upload02/images83/mk78179_dscn0163.jpg


فالاخير . اتمنى ان الصور نالت اعجابكم .. والسموحه صور كثير بس مابغيت اطول عليكم

مني اجمل التحيه للجميع

اخوكم .. قنيص غبر راعي الزير في بلاد المناعير خخخخخخخخخخخخخخ

[متعب الكواويخ]

سلمت وبيض الله وجهك على التقرير الرائع
وطول الله عمرك على الصور الطيبه وبلعون ان الزير مافشلك
تستاهل انته وخوك

[مبسوط]

اخوي قننيص غير
يشرفني ارد على موضعك الاكثر من رائع وبيض الله وجهك ووجه الزير والحمد لله على سلامة السفر

اخوك الصغير مبسوط

[ابوعبدالله 3504]

مشاء الله تبارك الله على المقناص الرائع والطيور الطيبة بيض الله وجهك على التقرير الي يوسع الصدر

[][ الأصيل ][]

بيض الله وجهك صور ولا اروع وموفق ياقنيص
وعسى الله يطول عمر هالشيبان
بالتوفيق

[أخو وضحة]

بيض الله وجهك يا قنيص على هل التقرير الأكثر من رائع
وبصراحه أجواء جميله أجواء مقناص :cool: :cool:
والله يخليلك الزير الي بيض بوجهك ووجه أخوك ;) ;)
عاد هذا مقناص أخوك نبي مقناصك انت والمزروعي الله يخليكم لبعض على الموده والخير
وهه تراني انتظر ولا :no2: تقول بعدين نسيت

[الطبشي]

ماشاء الله تبارك الله وعساهادوم والله يزيدكم من فضله .....

[سيف الظفير]

كفووووووووو يا الذيابة على هذا التقرير المميز

بارك الله فيك وفي أخوك


عز الله انكم صقور صيد يا النشامـــــــــــى

[محمد الفهيد]

ماشالله .. ماشالله

تقرير طيب ومقناص روعه
وواضحه خفت النفس بينهم
الله يوفقنا ويوفقهم انشالله

وماقصر الزير وراعيه بيضوا الوجه

تحياتي ياغالي

[جلاد الصحراء]

تسلم يمينك على هل التقرير الأكثر من رائع
وشكرا لك

[اعقاب]

صايد وفايد
تقرير ممتاز
ننتظر الجديد

[قرناس صلا]

مقناص ولا أروع مع الوجيه السفره

بيض الله وجهك انت واخوك على التصوير والتقرير المشوق للمقناص واجواء المقناص


مشكور

[E7saas]

ماشاء الله وباين ان الطير مبروووك

رحله موفقه مع وجيه طيبه

ومشكور ع التقرير

[روووح]

ما شاء الله تبارك الرحمن
طيورهن طيبه شروا راعيهن

وبيض الله وجهك عل التقرير

[أبو فهد العيد]

يامرحبا بالغالي قنيص غبر,,
ماشاء الله عليك وعلى الزير,,,عز الله انك لغبت باعصابنا بها الصور ,, وخاصة صور المضحّى..اوووووووووووف شي ثاني,,

[وَسَام!]

لاهنت على الضغط النفسي الله يوفقهم!

[غشام قطر]

حيك وحي علومك
وتستاهل الصيد
والصور الصراحه ماعليها كلام
ولا هنت وبيض الله وجهك

[كشات اماراتي]

مقناص رائع .. وصور جميله جدا لسمو الشيخ سيف بن محمد ال نهيان وخوياه

[نبع الدموع]

ما شاء الله تبارك الله تقرير ولا احلى اخوي قنيص ولا هنت

[بو هاشم]

مشاء الله تبارك الله على الطير الف مبروك
ويعطيك اعافيه على الطرح المميز

[حطاب 123]

ماشاء الله تبارك الله وعساهادوم والله يزيدكم من فضله

[طهطام]

بيض الله وجهك على التقرير بس ابسألك عن اجراءات المقناص في كازاخستان ادا تكرمت؟

[قناص الحبارى]

أخوي الغالي / قنيص غبر

بيض الله وجهك وبارك الله فيك

كفيت ووفيت (( هذي الطلعات ولا بلاااااااااااش )))

والحمد لله على السلامه ولحى غانمه والله بيض الله وجيهكم


تكفى كا عندك صور زياده لا تبخل على أخوانك في المنتدى


تقبل مني أجمل حيه

أخوك/ أبو عبدالعزيز
قناص الحبارى

[قنيص غبر]

سررت بجميع الردود بدون استثناء .. وانشالله ان كان فيه جديد وافيناكم به ..

للاخ كشات اماراتي .. هذا مقناص سرور اخو سيف ولكن الشيخ سيف كان متواجد في مكان ثاني ... واللي في الصور من ربع الشيخ سرور ...

[صقار زعب]

ماشاء الله مقناص جميل وجو جميل وتغطيه اجمل

[جرناس دبي]

صايد وفايد
التقرير روعه والصور أروع ونتظر جديدك

[ذياب999]

تستاهل الصيد يا قنيص غبر

وسعت صدورنا الله يوسع صدرك

[هوى القرانيس]

مشاء الله تبارك الله صايدين وفايدين
الف شكر على التقرير ...

[كشات اماراتي]

سررت بجميع الردود بدون استثناء .. وانشالله ان كان فيه جديد وافيناكم به ..

للاخ كشات اماراتي .. هذا مقناص سرور اخو سيف ولكن الشيخ سيف كان متواجد في مكان ثاني ... واللي في الصور من ربع الشيخ سرور ...
صادق ياخوي دائما مقناصهم مع بعض ... بس معظم الصور فيها سمو الشيخ سيف بن محمد ال نهيان

[حب الوطن]

السلام عليكم ورحمة الله وبركاته ....


اخوي الغالي(قنيص غبر ) ماشاءالله والله يعطيك العافيه وطيرك الزير قايد لواء غير شكل .... :good:


متمرس من كف راعيه وان كان مب طيب بيجي غصب طيب صقاره من انت ...


الف شكر لك على الموضوع الرائع ...


اخوك / حب الوطن

[خيال الصبحا]

وعليكم السلام ورحمة الله وبركاته
الاخ ابو محمد
ماشاء الله تبارك الله
الله يلوم الي يلومك بحب الزير
طير طيب وانت اطيب عسى الله يبارك لك به
على كل حال ننتظر المواضيع الجديدة الي صور الصيد
والطيور اكثر من صور البناشر والكبسات والجيوب ، وشكرًا

[قعقاع التميمي]

ماشاء الله يعطيك العافيه على الصور الجميله

[احمدالصالح]

ماشاءالله صيد طيب ،،بالتوفيق انشاءالله

[قلب شاهين]

http://www.mekshat.com/pix/upload02/images83/mk78179_dscn0114.jpg

آآخ .. يآزين الجو :)

تقرير رائع جدا ياعيسى وبيض الله وجهك ،،

والزير آكيد مايقصر بس ترا ماتكفى هذا الصور نبي صور وانت الي تقنص فيه << لها طعم ثاني ههههه

مشكوور على الصور وبارك الله فيك ،،

تحياتي / قلب شاهين ،،

[عاشق الموطن]

ماشاء الله رحله موفقه ومرتبه
والحمدلله على السلامه

[سوبر152]

بيض الله وجهك صور ولا اروع وموفق ياقنيص
وعسى الله يطول عمر هالشيبان
بالتوفيق

[مذخور]

بيض الله وجهك يا قنيص على هل التقرير الأكثر من رائع ,,,

[مفسر احلام]

:) بيض الله وجهك على هل التقرير الأكثر من رائع

[قنيص غبر]

الله لايهينكم جميعا بدون استثناء .. والحمدالله اللي قدرني اني اطرح التقرير بالطريقه اللي تعجبكم ...

مجرد تنويه للاخ خيال الصبحا وهو معروف انه من الصقاقير اللي يشار اليها البنان .. اعتقد طربة القنص مش في صور الصيد او كثرة الصيد .. اعتقد ان كل واحد يخرج للصيد وبطنه شبعان . واكثر همه تغيير الجو وطلعة البر .. والصيد توافيق .. انا من الناس اللي اهتم في اجواء المقناص اكثر عن كثرة القنص .. على قولة الشاعر لذة العمر طربه وانا بتبع مرادي
وشكرا

[صقر الرحيبة]

تقرير طيب ومقناص روعه

تقبل تحياتي

[راعي الشهامه]

يامال العافيه ياقنيص غبر على هالتقرير الكااااااايف .. هذا واخوك مهو راعي تصوير ابدع هالابداع اجل لو كان محترف تصوير بسوي الهوايل ماشاء الله عليه

والزير ينشد به الظهر بس لوه حر كان يكمل هههههههههههههههههههه امزح يابعدي

سلمت وغنمت وننتظر تقرير مقناصك انت والمزروعي نبي مناوشاتكم

[خيال الصبحا]

مجرد تنويه للاخ خيال الصبحا وهو معروف انه من الصقاقير اللي يشار اليها البنان .. اعتقد طربة القنص مش في صور الصيد او كثرة الصيد .. اعتقد ان كل واحد يخرج للصيد وبطنه شبعان . واكثر همه تغيير الجو وطلعة البر .. والصيد توافيق .. انا من الناس اللي اهتم في اجواء المقناص اكثر عن كثرة القنص .. على قولة الشاعر لذة العمر طربه وانا بتبع مرادي
وشكرا
أبو محمد
أخشى أن تكون
فهمت ردي غلط ، لابد
من البناشر ولابد من الطبخات
ولابد من كل شيء ، لااخفيك أنا طلعت
السبت الي راح ولا توفقت بشي ولكن كانت
طلعة من أفضل الطلعات عندي، أنت موضوعك
رائع جدًا بكل مافيه حتى صور البناشر هذي ماتخلا
منها الطلعات ولكن كان القصد انه ودنا نشوف صور طيور
وحباري اكثر والا كلامك سليم ومابه شك ، والعذر والسموحة ان
كان اخطيت بشي ، وشكرًا

[المتفاعل]

ماشاء الله على هذا الصور الزينة

[أبو رداد]

ماشاء الله
مقناص طيب وصور طيبه

[ابو دعفس]

الله يعطيك العافيه وتقبل مروري وننتظر جديدك

[قنيص غبر]

مرحبا ومسهلا بالجميع وانشالله عما قريب سوف يكتمل العقد انشالله بتصوير فيديو باذن الله .. معزم على سيره وانشاء الله بنوافيكم بما يستجد ..

خيال الصبحا .. اخو عزيز وعالعين والراس ومايجي من مثلك نقص او زله .

[شبراق]

مشاءالله تبارك الرحمن

صايد وفايد والعقبال ماتقنص انت وتوفق

[الــنــشــمــي]

تسلم والله على ها الصور والله هيضتنا

[قرناس 22]

بيض الله وجهك وماشاء الله والا حول والا قوة الابالله

طيور طيبه بالحيل الله يعطيك العافيه
تقبل مرورى اخووووووووك ابو بندر

[القرناس المهاجر]

ماشاء الله تبارك الله .. اشهد انك قنيص غير وماقصرت :)
http://www.mekshat.com/pix/upload02/images83/mk78179_dscn0120.jpg
اعجبتني هذي الصورة لانها تنومس وفيها طعم الصيد وعلومه :D

مشكور ولاهنت عل التقرير:good: :good: :good: