يوسف الخليفة1
27/10/2008, 08:58 PM
عديت راس اللي مطلن على الدو=ارقب صحاري نجد شرقن وقبله
ولا ابصرت غير الرمث واقطون دنو=واشجار طلحن في متاليع عبله
وابصرت هيفن ضوحها غرت النو=مبدار وسمن يبذر الدمث ربله
وقام يتراكم مزنها في فضا الجو=ثم يرجف بمفساحة الكون طبله
وتلاسب بروقن كما ملعج الضو=ويثور عج الحزم من شد وبله
وفاح الثرا بالدعب والجو محلو=ثم سال واديها كما نهر دجله
والناس بافجوج المساريح فلو=وام سالم ترفرف بها تقل خبله
وتثنى غصنن كنه الحبل لرخو=غصنن تقول انه طواليع شتله
وهبت نسايم زهرها بفايحن تو=وقطر الندى باوراق يا بعد ذبله
وتمايلت عوج الزماليق لضحو=مع هبت الذعذاع تنعاج رجله
ولمسى نهار الكون رعيانها جو=مع كل فجن يتبع النوق نسله
وابصرت بيتن فيه ناسن تنادو=لفاهم احدن وانزل الضيف رحله
واوحيت نجرن في كنافيه رنو=تسمع هشيم البن والهيل مثله
ناسن قرومن يوم جا الضيف قامو=احدن سكبها واللي خدام لجله
والبعض يم الشبك قامو وراحو=واحدن يقلط زين سمنه وبقله
بيت النشاما بيت ناسن تعلو=كرامن تجيد الضريبه بفعله
وادرت شوفي يم مزبور بلو=وجوز النصايب بالطواريف عدله
ناسن عن الدنيا والاوطان شدو=في برزخن للدار الاخرى مضت له
يا سعد من جنات عدنن لهم خو=ويا تعس من نار الجحيم اضرمت له
ونزلت من راس الثنيه من علو=وصديت عن دنيا مجانيها حثله
( يوسف الخليفة )
ولا ابصرت غير الرمث واقطون دنو=واشجار طلحن في متاليع عبله
وابصرت هيفن ضوحها غرت النو=مبدار وسمن يبذر الدمث ربله
وقام يتراكم مزنها في فضا الجو=ثم يرجف بمفساحة الكون طبله
وتلاسب بروقن كما ملعج الضو=ويثور عج الحزم من شد وبله
وفاح الثرا بالدعب والجو محلو=ثم سال واديها كما نهر دجله
والناس بافجوج المساريح فلو=وام سالم ترفرف بها تقل خبله
وتثنى غصنن كنه الحبل لرخو=غصنن تقول انه طواليع شتله
وهبت نسايم زهرها بفايحن تو=وقطر الندى باوراق يا بعد ذبله
وتمايلت عوج الزماليق لضحو=مع هبت الذعذاع تنعاج رجله
ولمسى نهار الكون رعيانها جو=مع كل فجن يتبع النوق نسله
وابصرت بيتن فيه ناسن تنادو=لفاهم احدن وانزل الضيف رحله
واوحيت نجرن في كنافيه رنو=تسمع هشيم البن والهيل مثله
ناسن قرومن يوم جا الضيف قامو=احدن سكبها واللي خدام لجله
والبعض يم الشبك قامو وراحو=واحدن يقلط زين سمنه وبقله
بيت النشاما بيت ناسن تعلو=كرامن تجيد الضريبه بفعله
وادرت شوفي يم مزبور بلو=وجوز النصايب بالطواريف عدله
ناسن عن الدنيا والاوطان شدو=في برزخن للدار الاخرى مضت له
يا سعد من جنات عدنن لهم خو=ويا تعس من نار الجحيم اضرمت له
ونزلت من راس الثنيه من علو=وصديت عن دنيا مجانيها حثله
( يوسف الخليفة )