طلب إستفسار عن كشاف ستريم لايت

[الوسم]

السلام عليكم ورحمة الله وبركاته

أخواني 0000 ما فيه إلا سلامتكم

واحد من الجماعة شرى له كشاف (( تشارج )) أو يعاد شحنة على بطارية السياره يعني على 12 فولت

ستريم لايت

وخربت بطاريته ولا ندري هل له وكاله أو محلات تبيع بطاريات له ؟؟

وللأسف لم أجد صورلأضيفها مع الموضوع !!

أرجو ممن يعرف محل يبيع بطارياته يعلمنا مشكورين

[أبوسلطان1]

ممكن مجداف على طريق الملك فهد بعد اسواق العويس وانت حاط وجهك شمال على يسارك يبعون انواع من البطاريات بس خذ الكشاف معك

[ظبي]

شف الهدف في التخصصي هو وكيله
واذ ا لم تجد عنده رح للصقر والصقار شارع سلمان الفارسي

[قاهر القرقاص]

اخي الكريم شركة المصباح حقة العطورات هم الوكلاء

واتصل فيهم قبل الزياره

[برق و سحاب]

نصيحة ابعد عن ها الكشافات الله لايردها . قرصتني عقرب وكان معي كشاف مثله ولا شفتها ويوم جبت المقلايت الله لا يخلينا شفتها على طول وذبحتها. ادفع 500 ريال في شي يستاهل ولا ادفع 100 في كشاف مثل اللي عندك .
تحياتي لك

[سرهيد]

نصيحة ابعد عن ها الكشافات الله لايردها . قرصتني عقرب وكان معي كشاف مثله ولا شفتها ويوم جبت المقلايت الله لا يخلينا شفتها على طول وذبحتها. ادفع 500 ريال في شي يستاهل ولا ادفع 100 في كشاف مثل اللي عندك .
تحياتي لك

هلا برق وسحاب

شف اولا قدر الله لا يمكن الفكاك منه ،

ثانيا - عز الله انه المقلايت عليه الكلام ، كان واحد ناصحني بكشاف ، لكن ما جاز لي الا هالنوع وفعلا اشتريته بحدود الاربع مئة او اقل بس يستاهل

عليه الكلام

[الوسم]

جزى الله بالخير كل من تعنى وكلف نفسه ليرد على الأستفسار


أما بالنسبه للهدف دقيت عليهم 000 وما أطروا لي أنهم وكلاء هذا النوع


وللأمانه يقول ما عندنا شيء لا هو ولا الشورفاير لا حجر ولا كشافات


والمصباح يقول عطني الماق لايت وأسنعه لك لو أنه قطع في كرتون ولا تدفع غير قيمة القزازه والحجر 00 وغيره ما نيب وكيل كشاف ثاني


وإقتراحك يا ( سلطان 1 ) بخصوص مجداف 00 بصراحة ممتاااااااااااااااز !!


بس ما أدري بصراحه ؟؟ واحد يقول أن الهدف هو الوكيل


والثاني يقول المصباح ؟؟


يا ليتكم يالربع تعطوننا الخبر الأكيد علشان أعرف أتصرف ؟؟


أبا أطق خيمة عند باب المحل وأحررررج


لا أحد يشتري من هذولي !!!


تراهم حرامية !!!


يممممكن يحننون عليه ومن هم مثلي في هذي المشكلة ويشوفون لي ولهم حل


مرة أخرى 0000 جزاكم الله خييييييييييييير

[أبو براك]

طيب ممكن اقترح عليك اقترح مع اني ماني متاكد منه.. لماذا لاتجرب بطارية الشحن التي متوفرة بالاسواق المركزية وشوف المقاس والعدد اللي يناسب كشافك .. واسال عن هالشي قبل لاتشتري هالبطاريات واعطنا خبر لنستفيد من تجربتك

[الوسم]

جزاك الله خير يا أبو براك



الله يجزاك خير أكد كلامك !! علشان أروح وأشتري وأركب وأشحن وأستعمل


ولا 00 وش رايك ؟؟

[أبو براك]

ركز على الصورتين البطارية اللي باللون الابيض هي بطارية الكشاف الاصلية واللي على اليمين بطاريات شحن متوفرة بالاسواق المركزية وكلهم يؤدون نفس الغرض
واتمنى هالصورتين توصل لك المعلومة بالشكل الصحيح

http://www.mekshat.com/pix/upload02/images85/mk23101_9.jpg

-
http://www.mekshat.com/pix/upload02/images85/mk23101_8.jpg

ولازلت اكرر تاكد من هالشي من اصحاب الخبره ,, لاني مجرد مجتهد حاب اساعدك بالمعلومات المتوفره لدي

[جمعان 22]

بالضبط يا أبو براك

ولكن يراعى في ذلك .... كم فولت بطارية الكشاف الاصلية

لان الثلاث بطاريات اللي بالصورة بتعطيك 4.5 فولت

والله العالم انها مثل الاصلية ...اغلبها 4.5 فولت

[سرهيد]

انا عندي المقلايت وان شاء الله اشوف هل بالامكان ان يعمل على النوع العادي

حقيقة المقلايت ما عليه كلام

يبرد الخاطر

صحيح سعره غالي شوين ، لكن راعي اللازم ما يهمه السعر اذا لقى السلعة اللي تبرد خاطره

[ظبي]

اناعندي نفس ها لمشكلة رح للهدف اذا ما حصلت رح للصقر والصقار

كشافهم تركب حجرته اما مجداف لايهمك ما عنده شي


البطارية السالب والموجب كله فوق

[الوسم]

على كلٍ 000

جزاكم الله خييييييييير

و أخوي أبو براك ما قصر جزاه الله خير مع هالصور !!!! واضحة

ولا يهون باقي الأخوان اللي تعنوا وشاركوا جمعان وعميدنا سرهيد

وتسلم لي يا ضبي على المعلومة

[أبو براك]

العفو .. وسامحنا على القصور