راع الصقلاويه
28/10/2008, 01:23 AM
السلام عليكم ورحمة الله وبركاته :
قصيدة أتمنى تنال رضاكم .
ياليل ياليل العنا والغرابيل = ياللي على المبلي تكاثر همومه
ياليل ياسمّ الكبود المغاليل = امسي بك ارقى ماعلى من رجومه
وياليل عقب السِّهْـر مهنا محاصيل = غير التعب يصلى المعنَّى سمومه
ياليل مالي بك من العدل والميل = مثلي فلا هو بك يفسِّر كمومه
يكفي نهاري بالعنا والبهاذيل = اتعب إلى بانت بشاير قدومه
وانته تجي وتزوِّد الطين تبليل = والى شكاك القلب ترجع تلومه
ماهو بعدل تزيد بالحمل واشيل = وغيري شكت وسادته كثر نومه
ودي ولو مرَّه يجي منك تدليل = لعيونيَ اللي من المنام محرومه
لاشك بك ماهي تفيد المعاذيل = شكواي للمعبود منشي غيومه
ناس تنام الليل وتريِّح الحيل = وانا تقل حرّاس اعدِّد نجومه
اسهر ادير الفكر مثل المحاحيل = ودلوي تقطـَّـع لامتحته وذومه
اسنى على بير العنا كنَّس ٍ حيل = ورشاي مثله بالوجود معدومه
واشوف زرعي عدل ويعود ويميل = عاد و ثمود ٍ بالحياض محطومه
ويعقِب حصاد الزرع دوس ومكاييل = وان ماحرن عيري تردت عزومه
وان ديس حبي مايبي له حماميل = ويزيد به سوسه إلى زاد سومه
يارب عدلها الليال المقابيل = وارفع نبا عبدك وطيِّـب علومه
وسلامتكم .
قصيدة أتمنى تنال رضاكم .
ياليل ياليل العنا والغرابيل = ياللي على المبلي تكاثر همومه
ياليل ياسمّ الكبود المغاليل = امسي بك ارقى ماعلى من رجومه
وياليل عقب السِّهْـر مهنا محاصيل = غير التعب يصلى المعنَّى سمومه
ياليل مالي بك من العدل والميل = مثلي فلا هو بك يفسِّر كمومه
يكفي نهاري بالعنا والبهاذيل = اتعب إلى بانت بشاير قدومه
وانته تجي وتزوِّد الطين تبليل = والى شكاك القلب ترجع تلومه
ماهو بعدل تزيد بالحمل واشيل = وغيري شكت وسادته كثر نومه
ودي ولو مرَّه يجي منك تدليل = لعيونيَ اللي من المنام محرومه
لاشك بك ماهي تفيد المعاذيل = شكواي للمعبود منشي غيومه
ناس تنام الليل وتريِّح الحيل = وانا تقل حرّاس اعدِّد نجومه
اسهر ادير الفكر مثل المحاحيل = ودلوي تقطـَّـع لامتحته وذومه
اسنى على بير العنا كنَّس ٍ حيل = ورشاي مثله بالوجود معدومه
واشوف زرعي عدل ويعود ويميل = عاد و ثمود ٍ بالحياض محطومه
ويعقِب حصاد الزرع دوس ومكاييل = وان ماحرن عيري تردت عزومه
وان ديس حبي مايبي له حماميل = ويزيد به سوسه إلى زاد سومه
يارب عدلها الليال المقابيل = وارفع نبا عبدك وطيِّـب علومه
وسلامتكم .