وين ألقى جرابات سكاكين

[كتاب]

عندي كم سكين صغيرة ومتوسطة وهي سكاكين ثابتة ما تنطوي فأتمنى ألقى لها جرابات أحطها فيها . أرجو من اللي يعرف محلات في الدمام أو الخبر أن يدلني عليها

وكذلك سؤال هل اللي يشتغلون في تصليح الشنط و الأحذية ( أعزكم الله ) يسوون جرابات سكاكين ؟

جزاكم الله خير

[manfromjubail]

تحصلهم عند نحل المقناص على طريق الملك فهد

[كتاب]

جزاك الله خير يا أخي رحت للقناص بس ما عنده إلا سكاكين أنواع محدودة وأغلبها مطوية بدون جراب واللي لها جراب تباع مع جرابها وما عنده جرابات خالية بدون سكين

بصراحة أنا متعجب منه أن سكاكينه أنواع قليلة وأغلبها صغيرة ما عدا رفوف اللي فيها السواطير وسكاكين الذبح فيها كمية كبيرة بس أغلبها سكاكين ذبح وسكاكين مطبخ بدون جراب و ما شفت بينها سكاكين صيد

[سيف الظفير]

مر على برق الحيا في الرياض تلقى مطلوبك

[ford]

عندي كم سكين صغيرة ومتوسطة وهي سكاكين ثابتة ما تنطوي فأتمنى ألقى لها جرابات أحطها فيها . أرجو من اللي يعرف محلات في الدمام أو الخبر أن يدلني عليها

وكذلك سؤال هل اللي يشتغلون في تصليح الشنط و الأحذية ( أعزكم الله ) يسوون جرابات سكاكين ؟

جزاكم الله خير

شوف اخوي الباكستانيه اللي يصحون الاحذيه اكرمك الله تراهم يصلحون جرابات لكل شي وعندك ايضا اللي يفصلون خيام والله بالتوفيق

[بن نويشر]

عند محلات الرحلات شنطة خاصة للسكاكين مفصلة من قماش يحبها قلبك ، وكما قال أخي وزميلي سيف الظفير تلقاها عند برق الحيا .

وموفق يالذيب ،،،

[ابولولو]

اخوي سوق الزل بالديره عنك راعين تصليح بيوت البنادق والنعال اكرمك الله

[كتاب]

بارك الله فيكم أنا بالدمام ورحت القناص وما عنده
وكذلك أظن الرماية ما عندها جرابات فاضية

لكن أمر اللي يصلحون الشنط والجلود وأسألهم إذا كانوا يصلحون جرابات .
الله يجزاكم خير

ما دمنا سولفنا شوي عن الجرابات ودي أسأل الإخوان القناصين من واقع خبرتهم
لأني في الواقع لا قناص ولا حتى كشات محترف ما عندي إلا طلعات خفافية بين فترة والثانية وأتلصق في منتديات الكشاتة لأني أتمنى يوم من الأيام أزيد طلعاتي أكثر

المهم يا شباب سؤالي هو عن الجرابات .
أشوف كثير من سكاكين الذبح والمطابخ وبدون جرابات
فمثل ما أدور على جراب ففي نفس الوقت أسأل نفسي أيضا ( ليه القناص يشيل السكين في حزامه ؟ )
ما يكفي أنه يحطها في العزبة مثلا مع عدة الطبخ ؟

أفيدونا بالعلم والخبرة وجزاكم الله خير

[باوزير]

عشان اذا صاد شئ يحلله على طول