ابي فزعتكم يالربع وش الحل

[ابو الخير]

قدر الله علي وطحت في اصحاب مايحبون الطلعات والبر

يحبون لعب الورقه والجلوس في الشقه بين اربع حيطان والروتين واحد


انا يالربع احب الطلعات والكشتات الي تبيض الوجه

والله مقهور مررررررررررة تخيلو ان عندي مخيم يبيض لوجه فيه بيت شعر 11× 5

خسران عليه فوق 50 الف ----- بس الصراحه انا ماحطيته الا من اجل جمعت الاهل والوالده الله يخليها لي

بس احيانا ودي بجمعت الزملاءءءء نبي نطلع نطبخ ونشب الضو والسوليف الي تبيض الوجه ونغير روتين الشقق ولعب الورقة الكنكان بس هااااااة

المشكله هم اذ طلعو ينبسطون بس اذ جاء الاسبوع الثاني استبعدو المكان

وقالو مشكلته المشوار يقلون 70 كيلو بعيده

مع العلم مخيم جاهز من كل شي حتى الحمامات عزكم الله فير قلاس وافرنجي

ومطبخ متكامل من ----الى ----بس للاسف ------

المشكله مايقدر الواحد يغير اصحابه بعد سن الاربعين صعبه


بصراحه مدمنيييييييييييين على لعب الورقه ولعبه الكنكان

[abo abdulaziz]

طيب قل لهم يلعبون ورقة هناك

أنت حاول بهم يطلعون مره وحده .. وأتوقع بعدها انهم بينشبون بحلقك :D

ليتك خويي .. كان لقيتني ماأطلع إلا بفراشي :D

موفق للخير يالغالي ،،،

[اخت الشقرديه]

اقول الله يعينك
بس تبي نصيحتي خل اهل الورق لانهم لواطلعو معك ماراح يبردون كبدك يعني ورق في ورق
دور على النشاما اهل البريه والنار الحيه
حتى لوكانو قليل ومع الوقت راح تزيدون لان الصحبه تجمع
وتكون صدت عصفورين بحجر
اذابغيت تلعب ورق الربع موجودين واذا بغيت هبت ريح النشاماجاهزين

يااخواني نصيحه لوجه الله من اخت تحبكم في الله ابتعدو قدر الامكان عن لعب الورق والله انها ضيعت رجال بشنابهم وشتت اسر وضيعت مسؤليات
معليش اخواني يامن تحبون اللعبه لاتزعلون تراها من اسمها لعبه

[سرهيد]

يقول الشاعر

يمنى بلا يسرى تراه ضعيفه

------- مثل رجل بلا ربع على الغبن صبار

يا اخي عز الله ان البر بدون ربع ما ينبغى

هي امزجه جعلك تسلم ، ولا تغير ربعك ، بل زدهم وحاول تخليهم من اهل البر اللي يبردون قلبك بالنوماس وهبة الريح

وعسى الله يرزقك الرفقه اللي تسعد معهم آمين

تقبل احترامي

[رياح الشرق1]

الين هذا الي صاير معي انا احب الطلعات والروحات والجيات يعني بس بعقل مو كل يوم يعني اذا قميري طلعتله واذا طيور طلعت عل ها المواسم وخوياي خراطين مهم حقين بر ولا طلعه بس مخمرين عند حريمهم وعيالي وعيالي تقل ما في احد عنده عيال غير هم كل ما قلت طلعنا قالو ها السالفه بس اخذ معي طير شلوا بناخي عل الشده ومثل مزاجي .........وانصحك اخوي الي مو حق بر خلص لا تحول فيه تلقاك انت تستانس لا جلستلك بفويضه وشبت النار والطبخ والسوالف وهم منجمبها ......المهم لا تاخذ الا الي مثلك لو انت واحد بس والله غير تستانسون ولا تاخذلك واحد وانت بعز المقناص ينكد عليك ونفخ اوووه تعبنا سرينا ..............وسلامتك

[اذكر ربك]

انا وثلاثه شرواك طالعين يوم الإربعاء ان شاء الله ...

الله يحييك معنا محفول مكفول ...

[جواثا]

السلام عليكم
بالحقيقه انت قلت كلمه حلوه الرجال بعد الاربعين صعب يلاقي اصحاب من جديد انا يامحاكيك مالي الا صديق واحد ولايردنا الا اقصى المملكه كل محل تقريبا جيناه واذا بقيت الصحيح مرتاحين اخر وناسه الله لايغير ونحاول نتأقلم بالصيف نتواجد اغلب وقتنا بالبيوت والشتاء نصير طيور كل محل نجيه
تحياتي

[عاشق السيل]

أفا يابوالخير ،،،، أفا والله أفا !!!

أنت من رجال مكشات وماتلقى أخويا راعين بر ؟؟؟؟؟؟

أبشر بعزك وأنا ولد أبوي ،،، ارسل جوالك على الخاص وأبشر بأحلى مكاشيت وأحلى ربع ومالك إلا سعة الصدر وخل عنك حقين الملاحق ولعب الورق ،، بس تكفى فكنا من المخيمات ترانا طيور بر نحب نجول ونصول ونغير المكان كل شوي !!

وتراك محفول مكفول وكل أغراضنا جاهزة بس أنت قل تم (( والكلام للجميع يالربع )) .....

[فوتغرافي]

تبغى تروح واليوم جاي المطر