كم أكثر هدد يقدر يهد الطير بيوم واحد؟

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم جميع؟علكم بخير؟العلم سلامتكم
أحفظ بيتين على جهازي من مدة ولا اعلم من قائلها
وهي كالتالي:
عباث صاد بيوم من غلب الأرواش *** عشر وثمان وزاد حواش ثنتين
ولا نافسه في مركزه غير بطاش *** اللي بيومه صاد واحد وعشرين
حقيقة ان الأعداد المذكورة هائلة 18 و 20 و 21 طبعًا انا والله على
مااقول شهيد اني مااقول هالكلام تكذيب لراعي القصيدة كائنًا من كان
لإني ماادري من قائلها ، ولكن جاء ببالي أستفسار عن اكثر هدد للطير
بيوم واحد كم يكون؟؟أبي الشي الي شفته بنفسك أو نقله لك ثقة مانبي
وكالة يقولون ههههههههه ، لإن الطير مهما كانت ليقاته ونفسه له عدد
محدد لايمكن يتعده والعدد يفرق من طير لطير كذلك لو كل صيدها نسرته
عليها شوي شبع وطق وخلاك ، بالمختصر المفيد
كم أكثر هدد سمعت عنه او شفته أو صار معك لطير بيوم واحد؟؟ووش كان
نوع الطير؟؟وشكرًا

[الصقر البعيد]

يفيدونك الاخوان تقبل مروري

[طيرحوران]

حياك الله ياخيال الصبحا
وهذه الأبيات للشاعر عبد الله بن عون قالها في طير الأمير نايف بن عبد العزيز عباث بعد ماذبح 18 في يوم
والطير يذبح لو تبي 100 باليوم بس على حسب نوع الهدد
مثل كان كل واحد تكوبر له ويدبسها مكانه عد واغلط وإذا كان والله طيار وقوي والله انه صعب يتعدى الخمس وان كان طيار حليل ياصل 15 في اعتقادي والطيور نفسيات وامزجه
والله اعلم

[اعقاب]

عليكم السلام ورحمة الله وبركاته
كيف حالك ياخيال الصبحا
بالنسبه لي اكثر شي شافته عيني
9 حباري بفرخ شاهين في العراق
شي قبل نضحي والباقي عصير
وسمعت ان حالول وهو فرخ شاهين
لامير قطر وصل 25 في يوم
واهل قطر ابخص بمدى صحة هذا الخبر
تقبل مروري

[صاحب الطير]

يا بو نايف..مساك الله بالخير..

كانت معي شيهانه الليعلتمك بها العريضه..المهم أنا هديتها من يدي حول 24 هدة..فالطير له مدي ولكل طير مدى

[بالون]

كان عندي وكري هد على اربع وعشرين كروان بيوم

[خيال الصبحا]

الاخوة الاعزاء
ماشاء الله تبارك الله
ردود وافية وكافية وحقيقة
ماقصرتوا ، والله لا يهينكم جميعًا
وننتظر مشاركة باقي الاخوان وهلا بكم

[بعيد الشوح]

القصيده لشاعر الكبير عبدالله بن نايف بن عون في طييور الامير نايف بن عبد الغزيز في مقناص باكستان والطيور والحباري ماهي سواء انا هدية وكريه على جول كراوي 9مهاد وراء بعض والعصر 4 يعني 13 كروان في يوم واحد وتقبل مروري

[محمد الفهيد]

ماشالله تبارك الرحمن

الله يرزقنا الجول الطيب هالسنه
ونبلغكم الزمان الجاي

[طلق الصيد]

السلام عليكم،،، كيف الحال كلا بحاله،،، فيه شاهين ،،، العام كان فرخ وعند احد ابناء امير قطر وهدوه في يوم 6 مرات على حباري بعد طيور ((مخالا او تلقيف)) وشكرا

[stewrd]

والله يالربع الحمد لله مافيه احد مثلي بالهدد من 9 سنين وانا اقنص الكروان والحمد لله ما فعل معي طير واحد ولله الحمد والمنه جميع انواع الطيور اخذتها ولكن الصلاح من الله خلى الربع ماشاء الله 21 حبارى ابغى رجل كروان يالربع بس

[هواي داورد]

ياليت عندي طير
(~_~)

[الخرابي]

بالنسبه لي شفت قدامي 7 مهدات على كراوين وكلها في كبد السما 4 الصبح بدري و3 عصير لقرناس شاهين في حياتي ماشفت مثل طيب طيار ذيك القرناسه وصملتها ولابعد انقهرت على طيره مثلها على انها مهيب لي بس حبيتها ماتت فالمقيض.
خيال بأسألك بشر عسى الله عقل طيرك؟
تقبل تحياتي أخوك الخرابي

[طواش]

تجربه شخصية عندي فرخ شاهين في الجزائر وصاد معي 8 حبر خمس في الصباح و3 مساء وحبر الجزائر ماتجي الابشق الأنفس يشهد الله أن الطير صاد في مقناصنا 28 في عشرة أيام ولا سبق والله أن نهده تلقيف بعضها مانشوفه:cool: هذا مقيال فقط صدنا 14 أول النهار والعصر هدينا عل 4 وروحنا من بدري :D
http://www.mekshat.com/pix/upload02/images84/mk22570_dsc02807.jpgaaaaaaaaaaaaaaaaaa.jpg

[بـلـيـهـان 1]

أنا على حسب ما قرأت يتسطيع الهدد على 18 كحد أقصى و لكن ليس أي طير ، و إنما طير (مايحتاج) وافي و طيب .

[المزروعي]

موضوع جميل لكن الردود بتزيدك حيره أكثر !!! لأن عزوم الطيور تختلف من طير إلى طير و صعب أي شخص يعطيك الحد الاقصى لأي طير .

[خيال الصبحا]

الاخوة الاعزاء
ماشاء الله تبارك الله
ردود وافية وكافية وحقيقة
ماقصرتوا ، والله لا يهينكم جميعًا
وننتظر مشاركة باقي الاخوان وهلا بكم

[الحرالاكحل]

الله اعلم انه يهد على حسب نوع الطير والطيور الموجوده