الخميس والجمعة

[ضحية بيشة]

كتب احد الاخوان بخيمة الكشتات البرية موضوع جميل وبصراحه من زمان ابغى اتكلم

بنفس الموضوع والمشرفين هناك طالبو بجعل الموضوع بخيمة الاحوال الجوية لتخصصهم بهذا الطلب ..

تعرفون نهاية الاسبوع غالية على قلوبنا جميعا وننتظرها بفارغ الصبر والكل يستعد لها ويجهز سيارته ويجهز

عزبته بس هناك مشكله ..انا بكره بطلع وين اروح باي اتجاه حاولت اجمع معلومات تعبت الاوراق كلها مبعثرة

ضعنا بين تمير والقصيم وجنوب الرياض وغير كذا ابغى اعرف الجو الزين لليومين الجايين باي اتجاه واذا فيه

غبار او برد قوي وين بيكون وكم مدته يعني لو رحت لمزاين ام رقيبه وش التوقعات هناك ؟ ولو رحت للقصيم

اخاف يكون فيه مطر بالرياض !!

معناها خيمة مخصصه بالخميس والجمعه او موضوع الخميس والجمعه اقل شي كل شخص يذكر لنا بشكل مبسط وين راح

ومتى رجع وش حصل بالمكان اللي راح له وهكذا ...الربيع جاي والمناطق الممطورة كثيرة ونبغى نتواصل مع الاعضاء

حبايبنا وان شاءالله كل عضو معنا يهتم ويسجل لنا مشاهداته

ويوقع حضور وانصراف..

[@أبو زيد@]

هلا أخوي ضحية بيشة

الجو إن شاء الله هاليومين طيب ومعتدل والرياح خفيفة والأجواء صافية مع بعض الغيوم المتفرقة

وقد تزيد خصوصا عند المساء ليوم الأربعاء والخميس - بإذن الله -

من صباح يوم الجمعة تبدأ تتهيأ الفرص لهطول الأمطار الخفيفة في الرياض وماحولها وتستمر معنا - بحول الله - لعدة أيام

أسأل الله الكريم أن يغيثنا من واسع رحماته ومن خزائنه التي لا تفنى

ألف تحية وتقدير لك أخوي الغالي ضحية بيشة

[ضحية بيشة]

والله اخجلتني اخوي السمحان ولن اوفيك حقك مهما تكلمت عسى الله ان يجمعنا على محبته وطاعته وان لايحرمنا من

مواصلتكم انت والاخوان في المنتدى ...الله يجزيك الجنة والمسلمين

[رريح المطر]

موضوع مهم وجاء في وقته



واشكرك على الموضوع

[ب ر ق]

الله يعفيك على هالموظوع وهو في غاية الاهممممية

[ضحية بيشة]

في غاية الاهمية بس وين الإهتمام يارجااااال؟؟؟؟؟؟

[ماسوم]

فكره حلوه والخوان ميقصرون واسال الله ان يوفقه وانت جميل يا ضحية بيشة

[سنعوسي111]

موضوع مهم ويستحق الثناء من صاحبه
حيث ان عطلة نهاية الاسبوع الكل ينتظرها
فياليت يتم تركيز على هذه اليومين من اخبار عاجلة
مع تثبيتها اذا امكن ولن ينصلح هذا الموضوع الا اذا تواجد
مراسلون خلال هذا اليومين في مناطق الترحال الجميله

[ابوعبدالله 2]

بالنسبه حول الرياض ماهنا شي بالحيل الأرض يارجل عطشانه لكن من ناحيه الجو علمه عند ربك وزي ماقلت الخميس والجمعه غاليه علينا صدقت والله لكن وين الأهتمام لكن اكشت والناس تكشت وتجي العلوم بمشيئة الله وربك كريم تحياتي لك وللجميع

[ابراهيم2008]

موضوع جيد تشكر علية

[ضحية بيشة]

ياشباااب ارجو تفعيل الموووضوع والاهتمام به الامطار كثيره ومتفرقه والله اذا ماصار فيه

تنظيم بيضيع الوقت ماشفنا شي ...وترانا ماناكل العشب ولانشرب السيل

[واحد من الناس]

السلام عليكم و رحمة الله

شكرا على الموضوع و لكن يأخي كل التحليلات و التوقعات يخالفها ما هو ملموس على الارض الواقع
فمثلا الآن صور الاقمار الصناعبة تعطي ان اجواء الخفجي و النعيرية صافي و الحقيقة ان فية رش مطر . هذا الكلام من بعد مغرب الاربعاء
و الحقيقة كل هذا اجتهاد و العلم عند الله .
يا ما خالفت أرادة الله التوقعات اللي يتوقعها البشر . فتفائل بالخير

[starmoon]

اللهم أغثنا الغيث ولاتجعلنا من القانطين

[خيال الغلبا]

اقتراح رائع وفي محله ......................

[مكشات الليل]

اقتراح رائع

[ضحية بيشة]

اخوي عارفين انها توقعات لاكن ناخذ بالحسبان مايتوقع والله يكتب اللي فيه خير

بعدين مانبغى الجو لوحده حنا نتكلم على المناطق الممطوره القريبه من الرياض او اي منطقه ولازال فيها ماء او فيها عشب او اي شي الان فيه غبار قوي عند لوحة الثمامة دقله
عن طريق الجوال من احد الزملاء خارج من الرياض ...

[hgstdv]

مشكووور يالغالي على طرحك ..


ما انصحك تكشت في الرياض لأن ماجاها امطار الا الخميس اللي راح رش ..


والقصيم امطارها استمرت الى يوم الاحد ووقفت ..


والرياض التوقعات حولها نهاايه هذا الاسبوع وبدايه الاسبوع الاخر ..


* انا ما اعرف في هذي الامور ولا انا خبير بس حبيت اساعدك من معلوماتي في موضوعك يالغالي :)

[ضحية بيشة]

ابشرك بيجينا الخير الليله بالرياض بأذن اللي ماتنام عينه وخل كلن يكشت في ديرته ...

[ضحية بيشة]

كما ذكرت لكم دخل الغبار منطقة الرياض وان شاءالله تكونون سكرتو الدرايش زين

[ابو شورى]

تحياتي لكم جميعا ايها الاصدقاء
هذه اول مشاركة لي معكم في هذا المنتدى الرائع وكن منذ زمن اتباع كمتصحف فقط اما الان فارجو ان اكون مشارك معكم في الطرح
بالنسبة للموضوع المشار الية فهو رائع واقتراح مناسب
انا من القصيم فالجو قمة في الروعة ولكن فية بعض الغبرة الغير مؤثرة ان شاء الله
الجو معتدل يميل الى البرودة نوعا ما وفية مع البرودة رطوبة
الارض ممتلئة بالامطار وكل الشعاب والاودية مليئة بالماء وخاصة في شرق القصيم من ناحية المستوي والنبقي
فية اماكن رائعة للطلاعات البرية ونرجو من الله لكم الاستمتاع
ولكم تحياتي

[ابو سحاب]

بارك الله فيك أخوي ابو شورى

و حياك الله في منتدانا جميعا منتدى (مكشات) الرائع
و الذي بحق يضم - الرجال الطيبين أمثالك -

تحاتي و تقديري لك أخوي مرة أخرى
و شكرا
أخوك ابو سحاب

[غرة سهيل]

الله يحييك يابو شورى بين ربعك وناسك وانا اييد كلامك 100 بالميه الكشته هاليومين بالقصيم عامتا جميله جدا

[s3oood]

السلام عليكم ورحمة الله وبركاته...........
موضوع يستحق الشكر عليه

[فتى المجمعه]

يا جماعة الخير اليوم الجو مغبر الله يرحمنا برحمته ...
الساعه الان في حي المروج بالرياض 1.30 وياله تشوف لمبات الاناره في الشوارع ..
نسأل الله يرحمنا ويمطرنا من خيره

[المغرز]

يا خوي تعا ل

لشعبا ن ثا دق

فيها الجوووووووووو

العليل والطلح الظليل

وتقبل تحيا تي

[ضحية بيشة]

اخوي ابو شورى شرفني مرورك ومشاركتك شرف لنا وان شاءالله تفيد وتستفيد من الرجال

الطيبين شرواك ....وبالنسبه للاسبوع هذا والله ذكرو الغبار وجلسنا بالرياض وعسى خير يارب