لغز طازج من الفرن (4)s3,,,,{اللغز محلول},,,,{صاحب الحل.برق القصيم}

[راع الصقلاويه]

السلام عليكم ورحمة الله وبركاته :


مساكم الله بالخير جميعاً

ياحيا الله النشاما طلقين الوجوه , الليلة إن شاء الله

عندي لكم لغز خفيف وظريف , يقول :

أنشدك عن رجل ٍ ورزقه بصندوق = مادام للصندوق حافظ ووافي

الناس قالت كل مطرود ملحوق = ماغير هو لو ينطرد مايخافي

مايطمع بصندوقه ايَّـات مطفوق = أمره تساهيل ٍ وخير وعوافي

وان راح مايامن عليه اي مخلوق = مايعقبه ياكود رجل ٍ سنافي

صندوقه يشيل الضواين مع النوق = حموله كبار صغار ثقل ٍ خفافي

لاشاكي ٍ ضيق ٍ ولاخاف من بوق = وخطر ٍ تجد راعيه عريان حافي


وسلامتكم .

[torrjom]

صح السانك

نفتح الباب

السر والصندوق القلب

[قريب الدار]

السلام عليكم يالغالي
خذ الحل ، ويكفيك ضحك البارح يا بعد حيي

السي دي روم (مشغل القرص المضغوط)

[راع الصقلاويه]

صح السانك

نفتح الباب

السر والصندوق القلب



صح بدنك يالغالي , ورمعتك : مالك لوا .

[راع الصقلاويه]

السلام عليكم يالغالي
خذ الحل ، ويكفيك ضحك البارح يا بعد حيي

السي دي روم (مشغل القرص المضغوط)



وعليكم السلام ورحمة الله وبركاته :

لاتكون زعلان مني وانا اخوك , تراني آسف كان ازعلتك .
لا مشغل قرص مضغوط ولا قرص مندي , رمعتك غلط <== محاولة لرفع ضغطك :D
ومالك لوا ياخلف جدي انت .

[قريب الدار]

يا حبي لك ياراعي الصقلاوية
والله لا نيب زعلان و لايحتاج انك تأسف
وانا ضحكت على روحى لين دمعن عيوني

عموما هذه الرمعة الثانية

صندوق المحاسب ، و الحافي العريان هو المحاسب

[راع الصقلاويه]

الله يحبك ياقريب الدار, القلوب عند بعضه يابناخي

ورمعتك : مالك لوا .

[فهد الهلالي]

صح السانك راع الصقلاويه والله يمسيك بالخير مايكون طال عمرك البلاتين اوالشاكوش داخل الديلكو تحياتي لك

[nas44]

اعتقد الصندوق هو سنام الجمل وراعي الجمل مايحفى دام عنده ابل ان شاء الله

[راع الصقلاويه]

صح السانك راع الصقلاويه والله يمسيك بالخير مايكون طال عمرك البلاتين اوالشاكوش داخل الديلكو تحياتي لك



صح بدنك , ومسيت بالخير والعافيه

ورمعتك : مالك لوا طال عمرك .

[راع الصقلاويه]

اعتقد الصندوق هو سنام الجمل وراعي الجمل مايحفى دام عنده ابل ان شاء الله



مالك لوا طال عمرك .

[torrjom]

راع الصقلاويه

مفقود الرجال
الله يرده سالم

[فارس الخبر]

هذا المرسيدس وصندوقه

[راع الصقلاويه]

راع الصقلاويه

مفقود الرجال
الله يرده سالم



الله يجعلك ماتفقد نظرك ولا تفقد رحمة ربك وفضله
جمل الله حالك وسلمك وسلم لك عيالك يابعدي
ماني بعيد مير انشغلت شوي ويحصل مني سجة ٍ
على المنتدى لكن أتعيجز عن المشاركة أحياناً <== زول
واتناسى أحياناً :) لنفس السبب .

الله يحفظك .

[راع الصقلاويه]

هذا المرسيدس وصندوقه



رمعة ٍ طيبة من رجال ٍ اطيب

لكن مالك لوا .

[راعي نت]

القفص الصدري:)

[راع الصقلاويه]

راعي نت : هلا ومسهلا

رمعة ٍ طيبه من وجه ٍ فليح

بس مالك لوا .

أعذروني يالربع أبي أطلع أدوج ضايقن صدري

والجو رش ديم الله يرزقنا واياكم من فضله .

أشوفكم بكرا إن شاء الله .

[قريب الدار]

الله يحفظك ويردك وانت :) عقب هالدوجان

رمعة + رمعتين (وكل وحدة تقول وشكاري من اللي قبلي)

علية الكبريت
سيارة الأمانات
الروح

[الدوسرية]

مرحبا بدليي برمعتيي
عداد الكهرب او صندوق الجرائد

[راع الصقلاويه]

الله يحفظك ويردك وانت :) عقب هالدوجان

رمعة + رمعتين (وكل وحدة تقول وشكاري من اللي قبلي)

علية الكبريت
سيارة الأمانات
الروح



ياهلا والله بالغالي نورتنا يالعزوة الله يحفظك بحفظه

أنت ومن تحب يابعدي .

بالنسبة لرمعاتك ودي لو انهن صح مير مالك لوا .

[راع الصقلاويه]

مرحبا بدليي برمعتيي


عداد الكهرب او صندوق الجرائد




مرحبا بك يابنت علوا , ورمعتينك مع الأسف

مالك لوا يالأجوديه حاولي مرة ً أخرى .

الله يستر عليك ياخيتي .

[الدوسرية]

نقول المخ( العقل )

رمعة ثانيية

الصندوق الاسود اليي في الطائرة

[راع الصقلاويه]

نقول المخ( العقل )



رمعة ثانيية



الصندوق الاسود اليي في الطائرة




مالك لوا يابنت اخي .

[الخيال2006]

صح لسانك اخوي راعي الصقلاويه على اللغز الطيب وبارك الله فيك

ورمعتي طال عمرك بطن الآدمي

تقبل تحيتي,,,

[راع الصقلاويه]

صح بدنك يامشرفنا العزيز وفيك بارك الله

والرمعة : مالك لوا يابناخي .

[حين يبتسم]

الرجل وحسابه اللي في البنك

اما مليان يشيل كلش

ولا فاضي

وراعيه اما يطرخ من خير الله

ولا مقتر على نفسه ومحروم

وسلامة تسلمك يا راعي اللغز وتسلم الجميع

[knk]

السلام عليكم

الجواب (التابوت)

[ice.cube]

صح السانك اخوي
راعي الصقلاويه

وش قولك
بالرجال هو: المصور والصندوق :كمرة التصوير

وتقبل تحياتي

[راع الصقلاويه]

الرجل وحسابه اللي في البنك

اما مليان يشيل كلش

ولا فاضي

وراعيه اما يطرخ من خير الله

ولا مقتر على نفسه ومحروم

وسلامة تسلمك يا راعي اللغز وتسلم الجميع



الله يسلمك ويسلم غاليك يابعدي , انت حول الحل تحوم

لكن وسع مجال تفكيرك شوي وبتاصل إن شاء الله .

[راع الصقلاويه]

السلام عليكم

الجواب (التابوت)



وعليكم السلام ورحمة الله وبركاته :



مالك لوا ياالغالي .

[راع الصقلاويه]

صح السانك اخوي

راعي الصقلاويه


وش قولك
بالرجال هو: المصور والصندوق :كمرة التصوير



وتقبل تحياتي




صح بدنك ياغالي , ومالك لوا يابعد حيي

وبعدين وش الغبار اللي في صورتك الرمزيه

شكلكم ما مطرتو :D

[ice.cube]

وبعدين وش الغبار اللي في صورتك الرمزيه



شكلكم ما مطرتو :D
[/quote]

ابشرك اخوي ان ديارنا وديار اهالينا ماشاء الله ممطوره وجايه خير الله ينفع به البلاد والعباد
والغبره ذي من الطفاقه وقت الصيد:)
وبالنسبه الغزك اعتقد انه النقد وصندوقه مؤسسة النقد والمحافظ
وممكن يكون بنك التسليف
وتقبل مني كل تحية ود وتقدير

[راع الصقلاويه]

آيس كيوب : صدقني مانت ببعيد عن الحل فكر شوي .

عسى الله يوفقك .

[الجوال 77]

الســـــلام عليكم ورحمة وبركاتة
الجواب انشاء اللة هو (صندوق البريد )

[فرغالي]

الله يعطيك العافيه
والله العالم انه الصرافه الى يسحب منه

[ice.cube]

نقدر نقول العقار وصندوق التنميه العقاريه
تحياتي

[الفلوجة]

السلام عليكم ورحمة الله وبركاته :


مساكم الله بالخير جميعاً

ياحيا الله النشاما طلقين الوجوه , الليلة إن شاء الله

عندي لكم لغز خفيف وظريف , يقول :

أنشدك عن رجل ٍ ورزقه بصندوق = مادام للصندوق حافظ ووافي

الناس قالت كل مطرود ملحوق = ماغير هو لو ينطرد مايخافي

مايطمع بصندوقه ايَّـات مطفوق = أمره تساهيل ٍ وخير وعوافي

وان راح مايامن عليه اي مخلوق = مايعقبه ياكود رجل ٍ سنافي

صندوقه يشيل الضواين مع النوق = حموله كبار صغار ثقل ٍ خفافي

لاشاكي ٍ ضيق ٍ ولاخاف من بوق = وخطر ٍ تجد راعيه عريان حافي


وسلامتكم .


أنشدك عن رجل ٍ ورزقه بصندوق !!!!!


لو قلت : أنشدك عن بنتٍ ورزقها بصندوق


كان أقولك بطاقة الصراف الآلي !!!!

[الفني999]

السلام عليكم اقول صح لسانك وعندي رمعه وش رأيك في الوادي والسيل


الرجال <~ السيل

والوادي <~ الصندوق اللي فيه الضاوين واللي فيها النياق والصغير والكبير


وهذي اول مشاركه في الالغاز وان شاء الله تكون صح

[راع الصقلاويه]

الجوال 77 , فرغالي , آيس كيوب , الفلوجة , الفني 999


وعليكم السلام ورحمة الله وبركاته :

صحت أبدانكم وحياكم الله جميعاً إخوان وغالين الله يرفع مقداركم

ورمعاتكم مالكم لوا .


وأنت يا آيس كيوب ارجع لرمعتك السابقه وخلك في مجالها

ولاتبعد عنها تراك حول الدعوى ولا تضيع الحل من يدك .


الله يوفق الجميع .

[قريب الدار]

السلام عليكم
الشيكات السياحية

[الجوال 77]

ماهو (القفل ) وراعية (المفتاح )عريان حافي

[راع الصقلاويه]

قريب الدار , الجوال 77

حياكم الله وتفضلتوا علي بتواجدكم

وبالنسبة لرمعاتكم مالكم لوا .

ونصيحة للجميع : ارجعوا لرمعة آيس كيوب قبل الأخيرة

وخلوكم في بحرها لاتبعدون .

[برق القصيم]

نقول صندوق التنميه العقاري

[ice.cube]

وش رايك بموظف البنك (الصراف)

تحـــــــــــــــــياتي

[راع الصقلاويه]

برق القصيم

حييت حييت يالغالي , ورمعتك مالك لوا

ولكن كبر نطاق البحث تاصل بحول الله وقوته .


آيس كيوب

ياهلا بهالطلة العزيزة

تراني ابي ازعل منك , ارجع لرمعتك ام صندوق

وكبر نطاق البحث وتاصل بحول الله وقوته .

ولا تراني أبي أركِّـبك حق يالعزوه .

[برق القصيم]

اخونا ايس فتح لنا الباب الله يفتح له ابواب الرزق
نقول طال عمرك صندوق النقد الدولي

[الخيال2006]

صح لسانك على اللغز

وش رايك صندوق التوفير حق الاطفال

شكرا لك

[راع الصقلاويه]

اخونا ايس فتح لنا الباب الله يفتح له ابواب الرزق
نقول طال عمرك صندوق النقد الدولي




ياخي وينك من زمان الله يرحم والديك

إيه هو صندوق الزفت الدولي <== زهقان من اللغز ووده يخلص

الله يبيض وجهك ووجه آيس كيوب عدد شعر روسكم من غير سوء

ولايهونون بقية الإخوان .

ريحتوني الله يريحكم مما يوذيكم .

تحية للجميع .


ومشرفنا الخيال أقول له :

تعيش وتجيب يابعد حيي هالراس .

[الخيال2006]

شكرا راع الصقلاويه على اللغز ورى ماعطيتني الحل ماهو بعيد عن صندوق النقد الدولي هههههههه صح لسانك ولسان اخوي برق القصيم
وبارك الله فيكم,,,