آخر أسعار القارمن ...

[فتى المجمعة]

السلام عليكم ورحمة الله ...
حيا الله الذيابه كلً(ن) بأسمه ... ما لكم بالطويله أنا رجالاً (يا حظك وشلون صرت رجال) يتميلح :D ودي اطق لي قارمن "مع أنه ما غلط علي" لكن مثل ما أنتم عارفين الواحد يحتار من كثر الانواع وكل(ن) يعطيك راي وميزة في جهازه لكن بعد الاستشارات قررت يكون c276 وبعد الفرفرة في المنتدى والذهاب للمرسلات جبت لكم الاسعار ليوم الثلاثاء وهي على النحو التالي :
الجهاز بدون ذاكرة بـ 2000 ريال .
ذاكرة 64ميقا بدون خرائط بـ 240 ريال ، ومع الخرائط
بـ850 ريال .
ذاكرة 128ميقا بدون خرائط بـ 300 ريال . ومع الخرائط
بـ950 ريال .
تحميل خرائط دار موجه الاصدار السابع بـ 500ريال :confused: .
مع إنها في المنتدى ببلاش !!

الضمان سنتان ... بدل ما كان سنه ، وتحديث الاصدارات برسوم !! لكن ما أدري بكم .

إن كانك بتاخذ الجهاز جميع مع ذاكرة 64 ميقا بـ 2900 ريال.
فأبي رايكم الله لا يهينكم هل آخذ الجهاز وأحمل الخرائط من المنتدى مع العلم إني ما أفهم في تحميل الخرائط !:p
أو أتوكل على الله واشري الجهاز مع الخرائط ولو هي غالية ..

هذي معاناتي والله الموفق ;) قاعد يطر الاخ :D .

ودمتم بود .ابو عزوز

[فهد 978]

دار موجه نزلت الاصدار السابع عزيزي ؟؟
وبأي منطقة تكرما ً ..

[ابوباسل111]

اكيد نزلوا الاصدار السابع ولا لا
لاني مريت عليهم في الفرع الرئيسي على طريق الملك فهد
قبل اسبوع و نص وقالوا مانزل

نبي الخبر الاكيد

[بو فهيدان]

أنت جبتها بالصميم يا بو عزوز أنا مثلك أودي بقارمن بس محتار وشفتها في موقعها الأمريكي أرخص من عنا بكثير بس ما عندي فيزا للانتر نت، ويبغالها شهر على ما توصل
، وسلامتك

[فتى المجمعة]

دار موجه نزلت الاصدار السابع عزيزي ؟؟
وبأي منطقة تكرما ً ..
هلا أخوي عاشق البر ... المقصود التحديث الجديد للخريطة .. وعلى كلام الباكستاني إنه الاصدار السابع لدار موجه ... منطقة الرياض ؛؛؛ شاكر مرورك .

[فتى المجمعة]

اكيد نزلوا الاصدار السابع ولا لا

لاني مريت عليهم في الفرع الرئيسي على طريق الملك فهد
قبل اسبوع و نص وقالوا مانزل


نبي الخبر الاكيد

يا طويل العمر والسلامه أنا مارهم يوم الثلاثاء القريب ... والاصدار الجديد نازل .

[فتى المجمعة]

أنت جبتها بالصميم يا بو عزوز أنا مثلك أودي بقارمن بس محتار وشفتها في موقعها الأمريكي أرخص من عنا بكثير بس ما عندي فيزا للانتر نت، ويبغالها شهر على ما توصل
، وسلامتك
هلا والله أبو فهد " أحس أبو فهيدان عياره" ...شد حيلك وخلنا نشوف أيهم أقل سعر ... لكن إذا كانو حول بعض فأحتمال آخذ من دار موجه ..
شاكر مرورك .

[نقا المطوع]

السلام عليكم ورحمة الله وبركاته
اخر استعلام عن الاسعارلجهازc276 من دار موجه فرع الدائري الشرقي اليوم الاربعاء 1429/10/29هـ 2900 ريال قيمة الجهاز مع الاصدار السابع خرائط المدن والصحراء،او خرائط الصحراءفقط 2400 للعلم ذكرة 64ميقا .الضمان سنتان .

[ابوريناد1979]

يارجال يانوكيا 95 يغنيك عنهم كلهم

[فتى المجمعه]

السلام عليكم ورحمة الله وبركاته


اخر استعلام عن الاسعارلجهازc276 من دار موجه فرع الدائري الشرقي اليوم الاربعاء 1429/10/29هـ 2900 ريال قيمة الجهاز مع الاصدار السابع خرائط المدن والصحراء،او خرائط الصحراءفقط 2400 للعلم ذكرة 64ميقا .الضمان سنتان .

الله يعطيك العافيه أخوي نقا المطوع .... لكن هل يشمل دول الخليج ؟!!

[فتى المجمعه]

يارجال يانوكيا 95 يغنيك عنهم كلهم
شاكر مرورك ابو ريناد ...

[الاداري]

كنت بالقصيم وسعر عند دار موجه 267

قال كامل 2850

[رمال النفود]

فيه عرض بمكتبة جرير 276 سي ب2650 ريال تقريبا ..
ما ني متأكد من السعر .. بس قريب من كذا ، أنا قريته عرض ببرشور موزعينه هم ..
وأنا شخصيا أقول أفضل اشتر الجهاز من دار موجه أحسن لك ..

[سعد بن محمد]

السلام عليكم ورحمة الله وبركاته
او شي صبحك الله بالخير
انت تبي قارمن سي 276
وتقول هذا بالسعر الفلاني وذاك مش عارف ايش
ادخل على موقع امازون موقع امريكي مضمون اجهزه جديده ومضمونه
بس انه مافيه خرايط السعوديه والخليج يعني
بس الشباب ما يقصرون
انا عندي جارمن نوفي 760 بس لاني في امريكا ما احتاج اشتري خرايط منزل فيه كلشي
دخلت موقعهم من شوي بشري الخريطه حقت الخليج لقيتها 199 $
دخلت هذا الموقع الله يعطيهم العافيه كل شي موجود
يعني لا تشيل بخاطرك جيبه من امريكا بيكلف سعر الجهاز 1750 تقريبا غير الشحن
يمكن الشحن ما اتوقع بيكلفك واجد انا نصيحتي اطلبه من النت احسن لك
وشكرا

[ابو عمر النوح]

مساك الله بالخير أخوي فتى المجمعة
أنا رأيي إذا كان مالك بتحميل الخرائط خبرة إشتر واحد بخرائطه أحسن لك و ممكن تدخل بيع و شراء الأجهزة و تساوم على واحد بيطيح لك فيه مبلغ و يكون كامل بخرائطه و كل شيء ، و تقبل مروري .أخوك ابو عمر النوح .

[قاصد الصمان]

ا حسن لك دور جهاز مستعمل مع الذاكرة بنصف القيمة

[فتى المجمعة]

كنت بالقصيم وسعر عند دار موجه 267

قال كامل 2850
كلامك صحيح يالغالي ... شاكر مرورك

[فتى المجمعة]

فيه عرض بمكتبة جرير 276 سي ب2650 ريال تقريبا ..
ما ني متأكد من السعر .. بس قريب من كذا ، أنا قريته عرض ببرشور موزعينه هم ..
وأنا شخصيا أقول أفضل اشتر الجهاز من دار موجه أحسن لك ..
الله يحييك أخوي لكن هل هو عربي ؟ .... وهل معه خرائط ؟ اتوقع انه ما معه خرائط علشان كذا رخيص .

[فتى المجمعة]

السلام عليكم ورحمة الله وبركاته
او شي صبحك الله بالخير
انت تبي قارمن سي 276
وتقول هذا بالسعر الفلاني وذاك مش عارف ايش
ادخل على موقع امازون موقع امريكي مضمون اجهزه جديده ومضمونه
بس انه مافيه خرايط السعوديه والخليج يعني
بس الشباب ما يقصرون
انا عندي جارمن نوفي 760 بس لاني في امريكا ما احتاج اشتري خرايط منزل فيه كلشي
دخلت موقعهم من شوي بشري الخريطه حقت الخليج لقيتها 199 $
دخلت هذا الموقع الله يعطيهم العافيه كل شي موجود
يعني لا تشيل بخاطرك جيبه من امريكا بيكلف سعر الجهاز 1750 تقريبا غير الشحن
يمكن الشحن ما اتوقع بيكلفك واجد انا نصيحتي اطلبه من النت احسن لك
وشكرا
هلا بالامريكي سعد بن محمد ... المشلكة انك اذا شريته من امازون او غيره الضمان ما يكون عند دار موجه بالعربي يكون بدون وكيل في السعودية .. شاكر مرورك .

[فتى المجمعة]

مساك الله بالخير أخوي فتى المجمعة
أنا رأيي إذا كان مالك بتحميل الخرائط خبرة إشتر واحد بخرائطه أحسن لك و ممكن تدخل بيع و شراء الأجهزة و تساوم على واحد بيطيح لك فيه مبلغ و يكون كامل بخرائطه و كل شيء ، و تقبل مروري .أخوك ابو عمر النوح .
شاكر مرورك ابو عمر ...

[فتى المجمعة]

ا حسن لك دور جهاز مستعمل مع الذاكرة بنصف القيمة
هلا اخوي قاصد ,,, شاكر لك النصيحة ...

[رهيف المشاعر]

كنت بالقصيم وسعر عند دار موجه 267

قال كامل 2850

السلام عليكم

انا قال لي الاصدار السابع بدون دول الخليج 2800 مع الديسكاون ويقول شامل كل شي بطارية شاحن سيارة وبيت وقاعده له بالسيارة وعليها ضمان سنتين

واذا بغيت دول الخليج ادفع 600 والسماعات 160 هذا الكلام بتاريخ 03/11/1429هـ ليلاً

الموقع دار موجه اللي بالدايري الشرقي بمخرج 12 ولا بعد كنه متردد بـ 2750 يعني لو ملزم عليه شوي

كان قال لي نصيبك لأنه يقول اذا جزمت نتفاهم وانا امس جاي استفسر بس واسوي مقارنه بينه وبين النوفا

[aljady]

السلام عليكم جهاز قارمن 276C عربي مع الخرائط الإصدار السابع بــ 2850 ريال لدى فرع دار موجة بالقصيم بريـدة (مشتريه يوم الأحد 26/10/1429هـ) تحياتي