يوسف الخليفة1
29/10/2008, 09:20 PM
زانت لحون الحمامه على غصن الغضا=غصنن اخضر مرتوي شاترن به البريض
بيمن الطعس الحمر حسها وقت الضحا=رفرفت فوق الشجر باقي ايام وتبيض
شفت انا مزنن تدانا مع القبله وضا=ولعت بابروقها ونوها ثعله يهيض
هملت فوق الجذيب الخضر مرعى النضا=دلا يصفق بالمحاجر على الوادي يفيض
ضيق وبلها هطل منها ساعه ما قضا=وامكثت سبعة ليالي وهي ديم ونفيض
واعشبت كل الفيافي والاشجار برضا=والزهر تخالف ونسمها دون المفيض
والزبيدي مثل قطن المصانع ابيضا=بين نبت الحوا والربله في قفا الحميض
وارتحلنا يمها بنجعتن وقتن مضا=نطرب حسوس الخفا في خلا الدو العريض
مع ربوع نفوسهم والفت طبع الرضا=لو يغيب اثنين منهم ترا واحد يعيض
واشعلوا نارن تثنا لهبها باللضا=وقدها عرن السماره طرف عرقه وشيض
واحمسوا بنن هراري له الضو خفضا=فوحوه بملقمه لين يصبغها النجيض
واسكبوه بدلتن والخلا صافي فضا=ليلتن فيها القمر مستبينن له وميض
قدموها للنشاما مساريع انهضا=والتمر مع زبدة الضان والبقل وقريض
باطرف المرباع اتشوف البهم به اركضا=والغنم شبعانتن واللي يتلاها ربيض
هذي الدنيا لياليها مد واقفضا=تستوي حزاتن وحالتن تقبض قبيض
الخلايق فيها باحوال صحه وامرضا=تنطوي بايامها بين مرباع ومقيض
الملا في ميلها بين فتنن واوعضا=اشهد اللي سالمن من بلاويها حضيض
طالبك يا ربي عفوك والانظار جحضا=يوم سل الروح يتبع لها يبس اللحيض
( يوسف الخليفة )
بيمن الطعس الحمر حسها وقت الضحا=رفرفت فوق الشجر باقي ايام وتبيض
شفت انا مزنن تدانا مع القبله وضا=ولعت بابروقها ونوها ثعله يهيض
هملت فوق الجذيب الخضر مرعى النضا=دلا يصفق بالمحاجر على الوادي يفيض
ضيق وبلها هطل منها ساعه ما قضا=وامكثت سبعة ليالي وهي ديم ونفيض
واعشبت كل الفيافي والاشجار برضا=والزهر تخالف ونسمها دون المفيض
والزبيدي مثل قطن المصانع ابيضا=بين نبت الحوا والربله في قفا الحميض
وارتحلنا يمها بنجعتن وقتن مضا=نطرب حسوس الخفا في خلا الدو العريض
مع ربوع نفوسهم والفت طبع الرضا=لو يغيب اثنين منهم ترا واحد يعيض
واشعلوا نارن تثنا لهبها باللضا=وقدها عرن السماره طرف عرقه وشيض
واحمسوا بنن هراري له الضو خفضا=فوحوه بملقمه لين يصبغها النجيض
واسكبوه بدلتن والخلا صافي فضا=ليلتن فيها القمر مستبينن له وميض
قدموها للنشاما مساريع انهضا=والتمر مع زبدة الضان والبقل وقريض
باطرف المرباع اتشوف البهم به اركضا=والغنم شبعانتن واللي يتلاها ربيض
هذي الدنيا لياليها مد واقفضا=تستوي حزاتن وحالتن تقبض قبيض
الخلايق فيها باحوال صحه وامرضا=تنطوي بايامها بين مرباع ومقيض
الملا في ميلها بين فتنن واوعضا=اشهد اللي سالمن من بلاويها حضيض
طالبك يا ربي عفوك والانظار جحضا=يوم سل الروح يتبع لها يبس اللحيض
( يوسف الخليفة )