يا أهل العرف من له الحق

[بحريني اصيل]

السلام عليكم يا الربع

يالربع صادني موقف وأبي الحكم فيه
يوم الاحد الماضي فالبر مريت على شباب
أعرفهم وهم معينين طير ويحاولون يطرحونه
وقفت معاهم سلمت قعدت شوي ومشيت ويوم
الثلثاء (أمس العصر) مريت مع صاحبي نفس
المكان ألي فيه الطير وعينت الطير في نفس المكان رميت
له حمامه عليهه شبكه والحمد لله تم طرح الطير (وكري) واليوم
فالبر لاقيت واحد من الشباب ألي شفتهم يوم الاحد وقلت له
(والنيه صافيه بس من باب المزح) ألطير ألي عجزكم
طرحنا وقا النصيب ألي كاتبه ألله لك ماياخذه غيرك
ويم راح الرجال رجع مع ثنين من ربعه ويقول
أكبرهم (معصب) حسب العرف الطير
لنه وشلون تروحون له من غير
أذن منه ويطالب بالطير!!
وشرايكم يالربع من له الحق؟
أذا الحق له ولله أعطيه الطير

سمحولي على
الاطاله

[.تقوى الهجر.]

الطييير لك انت يالحبيب وانت الي جاك الطير على حضك انت ولا عليك من احد والطير موهب مكتوب باسمه يوم يقول عطني الطير الطير في الخلا وانت وفقك الله وطرحته ....تقبل مروري....

[ماسوم]

الطير لك ولا لحد حق وهذ اسمه طير معليه وسم الحد

[مشبر البران]

لك طبعا ما فيها كلام أنت الي طارحه

[شاص2003]

انا من رايي تسال اهل شبك الطيور هم ادرى الناس بالموضوع
ومهوب قصور بالي ردو عليك بس هم لهم سلوم هم متعودين عليه ويعرفونه
وسلامك

[اليورو تو]

الطير ان كان وحش عزالله انه حقك وما فيها كلام وان كان فيه سبق وهم فاقدينه لاو الله ألا طيرهم ويرجع لهم

[طارق الحربي]

تبيعه وتتقاسمون حقه

او تقيمه وتعطيهم حقهم

لانهم محاولين فيه قبلك وانت تشوف

دع مايريبك الى مالا يريبك :)

[نايف الخالدي]

لا ياخوي طيرهم امس مو اليوم
لا بالله الطير لك هاذا طير يطير مهو مربوط لاحد لا بالله مالهم فيه حق
اذا كان الطير وحش طبعا
لا بالله ماعليك منهم

[جرناس دبي]

الطير لك ما يباله كلام

[هواي داورد]

طيرك يارجال


وياليتك ماهرجت

[stewrd]

ما يبغالها واحد اثنين الطير لك وسلامتك

[شمس المغيب]

حلال زلال عليك .....

[الباتريوت]

اخوي لاهنت
الطير وحش ولا ربيب ؟
الطير وين موقعة في الخلاء ولا في مزرعة من املاك الربع اللي ذكرتهم
ياخي يمكن الطير مؤالف عندهم ويمكنهم في عزبة ولا في مزرعة فيها كلام يقال ؟؟
لكن الشور هو ياخي تعرض عليهم الشراكة ولا تصيير اخير منهم وتقول هذا الطير ويالله بعوه بمليون
ترا راس ماله وكري
وتقبل تحياتي

[طال الصبر]

والله ان كان الرياجيل مرابطين عند الطير والطير في البر يعني جالسين يراقبونه وماهد , يحترونه يهد وانت جاين بجنبهم وحاط شبكتك فالطير لهم , وان كان الطير مخلينه وانت جاي وهم ماهم في المنطقة فالطير لك .
وانا اقول التفاهم سيد الحل سيد الحلول وبيني وبينك الطير وكري ؟؟

[بحريني اصيل]

السلام عليكم يا الربع
مشكورين على ردودكم
ويا جماعع الطير وحش ومكان طرحه البر
وحسب ردودكم يالطيبين الطير لي وانه أحاول
أني أوصل لحل يرظي الطرفين وأن ما حصل
الطير أقصاه وكري وما يسوى وجع الرلس والله
يرزقني ويرزق الجميع بالحرار الندّر
مشكورين على تواصلكم

[الرّمااااي]

الطير لك ميه ميه ان كان طرحته ثاني يوم وهم تاركينه وغيره مهو بكيفهم والله يوفقك

[أصيل911]

اخوي لوكانو الربع يحاولون في الطير واختفى عليهم بنفس الوقت ولقيته انت ترى الطير لك ما عاد هو لهم
مابالك تلقاه ثاني يوم مالهم اي حق فيه وهذا العرف عند الصقاره.

[نبع الدموع]

اخوي اذا ان الطير وحش وهم مبيتينة ما ضيعوه يصير الطير لهم
و انت تعديت عليهم

اما اذا ان الطير ضيعوه يعني نزل عن نظرهم و دربيلهم و نور موترهم طفى
الطير لك مافيها كلام

[راشد العلي]

الطير لك

لانك انت اللى صايده

وانت صدته ثاني يوم وبلحالك وهم ما هم معك

والله ارزقك الطير

والله ما رزقهم اياه يوم يطردونه

[العمراني]

الطير لك لا ترد على احد والله لو اعطيتهم الطير تغير علوومك حقك لك لاترد

[s.a]

تبي الحق الطير لهم واتمنى مايكدرك

هم يعينون الطير والمنطقه حقت الصقر معاينيها قبلك

وانت يوم شفتهم جبت حمامه وشبكته


وهذ مو من حقك ابد ... لانهم شايفينه قبلك ويشهد الله اني ماعرفك ولاعرفهم

لا من بعيد ولا من قريب .........


اذا نيتهم يطرحونه فللاسف انت غلطان ويجب اعطائهم الطير وصدقني ربي بيعووضك اما انهم يتنازلون او ربي يرزقك بأفضل منه ان شالله

اخووك محب القنص بدون مقناص :)

[صقار الهواشم]

الطييييييييير من نصيبك

[قناص البردويل]

اخوي بحريني انا اخالف اخواني اللي قبلي
واقولك ان الطير لك ولهم تتقاسمونه
لأان يأخوي انت مارحت للمكان اللي فيه الطير
الى وانت معين ان فيه طير وهم اللي دلوك عليه
انا اشوف الحق والعقل يحكم في مثل ه الامور
اشوف ان الطير بينك وبينهم

[شنوان]

اخوي في سلوم الطواريح من اول
اذا لقيت الطير اليوم وعلف من حمامتك او سمانه الي تكون الي انت رميتها له
مالك حق بالطير الى بعد ما يروبج الطير يعني يطوف عليه يوم من اكله للعلف
اما اذا ماهد الطير عليهم في نفس اليوم ولا اكل شي من الي رموه من علفهم
وختفا منهم الى اليوم التاني وجيت انت وطرحت الطير فما لهم شي
اما اذا كان شافوه في نفس اليوم وختفا عنهم وصادفته انت وصته فلهم النص في الطير
(والعلم عند الله)

[adil33]

من تنازل عن شيء لله عوضه الله خير منه واكسب اخوتهم وعطهم الطير وما يدريك ان النفس في هذا الطير وصدقني بدل الطير الف طير يبي يجيك

[النداوي999]

على البركة وجعل فالك تطرح قناس الوحش الصافي اللي يروع القلب اما الطيرانشد شباكة الطيور ترا لهم سلومهم وامورهم لكن انكانك تبي تكسبها مزارق طيب فاكسبها عز وجماله وشف اللي يرضيهم والا اضاهر انه طيرك ما يبيله مخاير عذرا للاطاله تقبل مروري

[بحريني اصيل]

السلام عليكم يالربع
مشكورين على الردود والطير أتفقنا أن نبيعه
ونقسم فلوسه والطير أنباع أمس
ونقسمت فلوسه
وصفينه لنفوس
الحمد لله

[طارق الحربي]

احسن ماسويت

والله يرزقك الحر النادر

[طرح.ماجد]

السلام عليكم ورحمه الله وبركاته اخوي الطير لك اذا انت لقيته بعد ماعجزوا عنه والحق ينقال وريح بالك والله يوفق الجميع انشاءالله

[KAYD]

عين العقل أخوي بحريني أصيل
والله يرزقك على قد نيتك

[ابوسيف الغامدي]

تبي الصراحه أخوياك مالهم حق والله لو أنا لو تاصل روسهم السحاب ماياخذوه مو من غلاه لكن ليه الخداع
والظلم يعني لو أشوف طير وبعد شهر طرحه أحد الصقاره في أي مكان هل لي حق أروح أقول هذا لي
ياأخي علوم الرجال وسلومهم معروفه وهناك عرف بين الصقاره يجب إحترامها والتقيد بها

والله حلوه هذه أجل كل ماأحد طرح طير أروح له وأقول هذا لي لأني شاهدته قبلك
قال أيه قال لي قال
ابوسيف الغامدي

[فهرنهايت]

والله والنعم فيك على ألى سويت

بالشرع الصيد لهم ومالك أي حق فيه

وتقاسمك المبلغ معهم يجوز مع رضاهم

وتقبل مروري

[شنوان]

انت طيب وكريم
والله يبارك فيك
وجزاك الله خير

[ديزل1]

السلام عليكم اخوي الكريم
المسألة عند اهل الشبك معروفة وتحصل دايم
ارجع لفعلتهم الأولة حيث انة في سلم اهل الشبك اذا جا خويهم وعندهم طير يخشرونة فية .
وربعك ما خشروك في الطير يو جيتهم (الطير لك )
والله يوفقك .