يا مشرفين أسمعوا كلامي ... وإلا يبي يترككم أغلب الأعضاء ...!!!

[سماوي]

بسم الله الرحمن الرحيم
السلام عليكم ورحمة الله وبركاته

بسم الله عليكم .... يا مشرفين ....;) ;)

والله أنا أدري إن المشرفين جايين يتجاكرون ...

يبون يشوفون وش اللي يبي يخرّب منتداهم ...

وهذا والله من حرصهم ... الله يوفقهم ويبارك فيهم ..:good: :good:

أقول يا مشرفين ... ويا أعضاء

حنا والله استحينا من كثر ما ندخل في هالمنتدى ...
وناخذ من المعلومات ... النصائح ...الاحداثيات ... المواقع .... وغيرها

ودايم يدينا فاضيات ... ونطلع وإيدينا مليانات

فحبيت والله إني أقترح هالإقتراح ... وعساكم ما تردّوننا ..

الإقتراح يقووووول :

إنكم يالمشرفين تفتحون المجال لنا ( كأعضاء ) ...

بأن نساعدكم ونعاونكم في اللي تبون ..

من أمور تجعل المنتدى شامخ وقوي طول الزمان ....

فمثلاً : تضعون رقم حساب للمنتدى ...
وكلٍ يحط اللي يقدر عليه ...
أو مساعدات عينية أو ...:confused: :confused:

المهم إننا نحس إننا نشارك في رفعة هالمنتدى ...

طبعاً أنا أبكون الأول ...
وأبدفع ريال عليه صورة الملك فيصل ...
لأن ( قديمك نديمك )

وريال عليه صورة الملك حسين ( حق الأردن ) ..

وعندي مسحات ، و( 4 ) مخالب ، و طرمبة هواء للسيكل ، وشبك غنم ، وتمر حويل ...:D :D

إن كان تبونهن وإلا إبكيفكم ..

ما على الكريم من تشرّط ...( ماله دخل )

وش رايكم يا أعزاء ( أعضاء بالمصري ) ...

شوفوا يا أعضاء ...
لزّموا عليهم ، تراهم يبون يستحون ...:mad: :mad:

ربي يرعاكم

[صقر]

السلام عليكم ورحمة الله وبركاته


مشكور يا سماوي على هذا الاقتراح الرائع

والحقيقة انني كعضو استفدت من هذا الموقع ووسعت مداركي واستمتعت بتداول المعلومات والخبرات في هذا المنتدى الكبير...

وأنا أؤيد اقتراحك بفتح حساب خاص بمكشات حتى نرد الدين الذي علينا لــه.

وننتظر باقي آراء الأعضاء............

والسلام عليكم

[الملثم]

وعليكم السلام ورحمة الله وبركاته
هذا الكلام الصح وأنا اضم صوتي لصوتكم وأقول لاتحرمونا الأجر والله أنا نستحي على وجيهنا (( حنا والله استحينا من كثر ما ندخل في هالمنتدى ...
وناخذ من المعلومات ... النصائح ...الاحداثيات ... المواقع .... وغيرها ))

تكفون يالمشرفين لاتردووووونها

[سيف السيف1]

معاكم بلي تبون , فكرة ممتازة وينكم يالمشرفين..:good:

[ابو شكاع]

ياحليلك ياسماوي


حبيب انت بقوة وعلى نياتك

انت ما تدري ان المشرفين هنا مستفيدين وبقوة بعد


انا سمعت ان مكشات يدخل شهريا 30000 ريال من الدعايات والإعلانات

وهي موزعه على مايلي

مكشات ياخذ 20000 ريال شهريا

والسمح ياخذ 5000 ريال شهريا

وكل مشرف ياخذ شهريا 2000 ريال ترى المنتدى مهوب بسيط واصبح له وضعه بالنت عموما

وكل هالكلام قايله لي صقر بالمسنجر <<<< ورطه ههههههههههههههههه

انا سمعت ان بيل قيتس بكبره جاي لمكشات بالإستراحة وحلت عليه البرنيطه (مثل اللي يجدعون شمغهم )

وقال ......... انا داخل علي الله ثم عليكم انكم تخلون سيرفركم وسيرفر مايكرو سوفت واحد

قل تم يا مكشات .............. قل تم والا ترى منب شاربن فنجال قهوتك قل تم

قال له مكشات ...........عمر ام وابو جابوك ما شربته ...... قم طس يالله تقلع عنا يالحبصي

من حبنا لك بعد ............. ما بلعنا شركة مايكروكروم نبلع مايكرو سوفت يالله قم انقلع

ومير يطلع بيل قيتس يجر اذيال الهزيمة بخيط كندرته الله يكرمكم

8
8
8
8
8
8
كل ما ورد من باب الدعابة ............. واذا كان يضايق احد فلا تخلونه احذفوة .... بس ما اضن انه يزعل ,,,,,,, اولا ؟

:)


ــــــــــــــــــــــــــــــــــــــــــــــــــ ـــــــــــــ


نجي للصدز


انا معك ......................... كلام حلو ............................ وحنا يد وحده ............... ولازم ما نكون اعضاء سلبيين ............... واللي نقدر عليه نبي نسويه


لاهنت وانا اخوك

[* ضب *]

وعليكم السلام ورحمة الله وبركاته

اذا الدعوى فيها فلوس ودخل 30000 ريال وتقسيم على المشرفين
فانا من هنا (لندن) :D من هنا اطالب باجراء انتخابات لاختيار المشرفين
وكل وشطارته في ترشيح نفسه:flog:


8
8
8
8
8

اقول يالسماوي
احمد ربك الي تجي فاضي وتطلع مليان :)
الشباب مو مقصرين:no2: فيهم البركة
ولا يضرهم اذا جيت انا ولا انت ولا فلان فاضين وطلعنا
محملين الخروج (جمع خرج (هو مايوضع على ظهر الراحلة))
بس لاتنسى اذا طلعت تقول (انعم الله عليكم وكثر الله خيركم وزادكم الله من زوايد فضله)
وتقول كفارة المجلس وتوكل ..


8
8
8
8
8
الله يوفقهم ويعزهم ويقويهم
و الله يعينهم علينا ويتحملونا

والله يوفق الجميع

[صعفق الصعفقون]

السلام عليكم ...

لا اظن ان المنتدى افتتح لوضع المعلومة بمقابل مادي !

فالمنتدى يدخل ان شاء الله من الاعلانات , اما كوننا ندفع فلوس مالها داعي !!!!!

اللي يبي يرد الجميل يجيب مواضيع صح ويحرك المنتدى مظبوط

هذا رايي واختلاف الراي لا يفسد للود قضية

شكرا :)

[سماوي]

الله يعافيكم يا أخواني ...

ومشكورين على طرح آرائكم ...

واختاف وجهات النظر .... لا يفسد للود قضيّة ..

لكن الشيء الغريب ..
إنه ولا واحد من المشرفين ... ردّ على الموضوع ...

أقووووول :-

لا يصيرون زعلانين علينا

الله يستر

[عبدالعزيز الدباسي]

اشكر الاخوة الأكارم على هذه المشاعر الطيبة تجاه منتداهم ( مكشات ) واخص بالذكر الغالي سماوي الذي اورد هذه الفكرة والتي تدل على كرمه وطيبة نفسه .

-------------------- والحين خلونا في المهم -----------------

من ناحية التبراعات ما عندي مانع اعطيكم رقم احسابي والله الله بالتبرعات ،،،، واذا وصل الرقم الى مائة الف مستعد اني انسحب من المنتدى ولا عمركم تشوفون اسمي عندكم .:p

------

اخواني الاكارم نشكر لكم هذه المشاعر النبيلة وهذا الكرم الجم ، والحمد لله المنتدى قائم بكم وبمواضيعكم وانتم اهل الحل والعقد ،،، وانتم من رفع مكانته واعلى شأنه .

وما نحن الا منظمون لما تقدمونه من معلومات ومواضيع تخدم الهدف العام لمكشات ، كل الامل في الاخوة الاعضاء بان نحرص كل الحرص على امتاعنا بمواضيع مميزة وذات اهداف ( مكشاتية ) تخدم الاعضاء والزوار ، وان نتنافس بطرح ما لدينا من معلومات لنخدم بعضنا البعض .

بارك الله فيكم وفي حرصكم .

[العود الازرق]

دخل الاعلانات فيه بركه واقتراحي كل واحد يحاول ان يعلن او يشجع على الاعلانات لكن امرك غريب لانك قبل فتره تسئل عن الذبيحه وانت تعرف طرمبه هواء السيكل وشبك الغنم والتمر الحويل

[راعي الحلوه]

فعلا يا صعفق صعفقون اللي يبي يشارك ويدعم بموضوع مرررررتب وحلووووو

[mus]

السلام عليكم

عزز الله إنك صادق ياخوي والله إن هالمنتدى ممتاز لدرجة عالية

الرجاء إحتسابي من الداعمين

شكراَ

[بركان]

يا اخوان
اتركوا عنكم المجاملات
المفروض هم اللي يمشون للأعضاء رواتب لاننا موظفين عندهم ولكي تتأكدوا من صدق كلامي خلونا نضرب عن المشاركة في المنتدى ليوم واحد وبعد نطلب منهم حذف كل مشاركاتنا بيصير المندى صفحة البدايه بس.
يعني مواضيع ماكو.

المفروض كل موضوع تنزله تاخذ عليه 100 ريال وكل رد على موضوع تاخذ 50 ريال وكل رد بشكر على موضوع تاخذ 10 ريال.

وش رايكم يا جماااااااااااااااااعه.؟؟؟؟ يا ويلي ويا سواد ليلي.