وش هنوف قدرها فيك اختلف؟s3,,,,(اللغز محلول),,,,(صاحب الحل:torrjm)

[ابو ماجد 2]

السلام عليكم
........................




وش هـنوف قدرها فيك اختلف..........وقت عشقك والبعض عده سـفاه
لو عطـتك الوجه له قدر انعرف..........وتغلـيّه بالزود لو اعـطك قفـاه
الهنـوف في يومنـا دوره وقف..........بالقــلم ويا الورق كلٍ جــفاه




.............
تحيتي وتقديري

[ice.cube]

عليكم السلام
صح السانك ابو ماجد
ورمعه عجله
ممكن السبوره
او الرقعه اللي كان يكتب عليها(وجمعها رقاع)ويكتب عليها بالريشه


وتقبل تحياتي

ايس كيوب

[ابو ماجد 2]

ice.cube
بارك الله فيك
وانا جالس احورف بهاللغز واثرك مكفين بالتعديل لاعدمناك
تحيتي لك وتقديري

[ice.cube]

ice.cube



بارك الله فيك
وانا جالس احورف بهاللغز واثرك مكفين بالتعديل لاعدمناك


تحيتي لك وتقديري


عاد يوم اني شفتك عدلته قلت خل امسحه عن النقاده
لا ينقدون علي الربع ويقولون وش هاللقافه
وتقبل مني كل تحية ود واحترام

[ابو ماجد 2]

والله يالغالي ماهي لقافه الا شهامه ونبل اخلاق
بالعكس ليتك مخليها عشان من زارنا من المنتديات عرف الترابط بيننا والا زملانا ماخفاهم هالشي
الرمعه مالك لوى وترى عين اللغز ان هالبنت يختلف قدرها لاقلبته
تحيتي لك وتقديري

[فهد الهلالي]

ابو ماجد صح السانك والله يديم عليك الصحه والعافيه ماشاء الله تبارك الله اتاء اشهد انك زعيم بابدع الالغاز وزعيم بالحلول وزعيم حتى بالاخلاق الحميده بدون اقصور بالربع وتكفي منك هذه الكلمه
بالعكس ليتك مخليها عشان من زارنا من المنتديات عرف الترابط بيننا والا زملانا ماخفاهم هالشي فهذا دليل على وعيك بالرد الطيب بارك الله فيك اكثر الله من امثالك

رمعه يابو ماجد ماتكون خبنه الثوب في الكم او التي في طرف الثوب
تحياتي لك

[ابو ماجد 2]

ابو محمد الله يرضى عليك ويوفقك دنيا وآخره وانت والله تخجل من يتعامل معك بطيبتك وكرم مدحك
الله لايخلينا منك
الرمعه يالغالي ماصادت الحل وهذا من الالغاز القديمه اللي كنا فيها ندور على الصعب وانتم مايصعب عليكم ولكن زودت البيت الاخير لعله مايتأخر حله
تحيتي لك وتقديري

[torrjom]

صج السانك يابو ماجد

وش رايك بديرة بوش الله ينتقم منه

[برق القصيم]

دام الدعوى وصلت للسياسه برمعة اخوي طرجم ...نقول: مشروع الوحده العربيه ايام عبدالناصر

[ابو ماجد 2]

صج السانك يابو ماجد

وش رايك بديرة بوش الله ينتقم منه

حياك الله اخوي طرجم
والرمعه مالك لوى وماله علاقه بالسياسه
تحيتي لك

[ابو ماجد 2]

دام الدعوى وصلت للسياسه برمعة اخوي طرجم ...نقول: مشروع الوحده العربيه ايام عبدالناصر

مرحبا بك فطن القصيم
والرمعه ماصادت وكما قلت لاخوي طرجم ماله علاقه بالسياسه
تحيتي لكم

[قريب الدار]

السلام عليكم
انا اقول انه ورق الكربون

[عوكاس]

الاخ ابوماجد السلام عليكم ورحة الله وبركا ته ابرمع الغز اولعل اني اوصيبة الحل ماهو(رسالة البريد)

[مطلاع]

حياك الله يابو ماجد
وشرايك
][بسن الذهب][
اللي يلبسونه القدما

[torrjom]

هلابك ابو ماجد
البارح مسير على اخونا ايس
مادريت الا الرمعه بين اعيوني تقل وارده بلحيل ولا يدري به احد
واليوم قلت ابرمع لاكن قلت خله مخفيه لايضحك على ابو ماجد

ودي ارمع رمعة(ن)ماتنعرف....مايعرفه كود من لغزه خفاه
باقي اللى تنعشق خير الخلف...يوم غاب الورع هي خير اخلافاه
وكان انا سجلت برمعه هدف... عندنا محبوسة(ن) بين الشفاه

[ابو ماجد 2]

هلابك ابو ماجد
البارح مسير على اخونا ايس
مادريت الا الرمعه بين اعيوني تقل وارده بلحيل ولا يدري به احد
واليوم قلت ابرمع لاكن قلت خله مخفيه لايضحك على ابو ماجد

ودي ارمع رمعة(ن)ماتنعرف....مايعرفه كود من لغزه خفاه
باقي اللى تنعشق خير الخلف...يوم غاب الورع هي خير اخلافاه
وكان انا سجلت برمعه هدف... عندنا محبوسة(ن) بين الشفاه

ماشاء الله تبارك الله
لغزنا لو عن عيونك التحف........لك عيون لو تلـحف ماخفاه

[torrjom]

ماشاء الله تبارك الله


لغزنا لو عن عيونك التحف........لك عيون لو تلـحف ماخفاه


صح السانك يابو ماجد على التركيب الجميل والطرق العاصي شوي

واللغز حي مامات واللى يرمعه اتسجل الرمعه له

مفتوح لرمعات

يستاهل التفكير لو يقعد سنه

[برق القصيم]

مبروك التألق المستمر يازعيم لهذا الشهر وترانا نتحرى العشاء....رميعه : التابعيه

[ice.cube]

مادام اللغز انحل ما شاء الله عليكم
وش رايكم بالمحبره
تحياتي للجميع

[الكنور]

صح لسانك ياطرجم ويابو ماجد مليارات وخوكم مطفى النور وكفوو ياطرجم ووالله انك بحلك دفنت اللغز اكثر

[ابو ماجد 2]

مبروك التألق المستمر يازعيم لهذا الشهر وترانا نتحرى العشاء....رميعه : التابعيه


الله يبارك فيك وانا ابارك لنفسي اولاً بقدومك القوي الله يديم عليك وصراحة انت مكسب للمنتدى تضاف لبنه الى لبناته المتماسكه ان شاء الله .
والعشاء والله انكم تستاهلونه حصلت علىدرع التفوق او لم احصل عليه
والتابعيه مع الاسف مالك لوى يالغالي

[ابو ماجد 2]

مادام اللغز انحل ما شاء الله عليكم
وش رايكم بالمحبره

تحياتي للجميع


مرحبا بك يالغالي
والرمعه ماصابت والحل متعلق بشي يمك تعشقه ويمكن لا والبعض يعد هذا العشق سفاه
انتظر رمعتك القادمه

[ابو ماجد 2]

صح لسانك ياطرجم ويابو ماجد مليارات وخوكم مطفى النور وكفوو ياطرجم ووالله انك بحلك دفنت اللغز اكثر


هلا بك ابو منصور وصح بدنك وما يطفى نورك
وتلميح طرجم انا ضعت فيه وانا صاحب اللغز هههههههههههههه

[قريب الدار]

ابو ماجد
الله يرعاك ويحفظك

هل هي ورقة اللعب

[الدوسرية]

هي لعبة؟؟

تكون لعبة عظيم ساري

[T U R K I 0 9 0]

صح لسانك وش رايك بريشه الكتابه

[ابو ماجد 2]

ابو ماجد
الله يرعاك ويحفظك

هل هي ورقة اللعب

قريب الدار
حياك الله يالغالي
وانت خطيييييييييييييييييييييييييييييييييييييييييييير

[ابو ماجد 2]

هي لعبة؟؟





تكون لعبة عظيم ساري


تشرفت بمرورك والرمعه ماصابت
تحيتي لك

[ابو ماجد 2]

صح لسانك وش رايك بريشه الكتابه



صح بدنك ومرحبا بك يالغالي
والرمعه ماصابت
تحيتي لك

[فهد الهلالي]

ابو ماجد مساك الله بالخير رمعه ماتكون 9 الحكم تجي بعد الولد ولك خالص المحبه والتقدير

[ابو ماجد 2]

مساك الله بالنور يابو محمد
والرمعه يالغالي ماصابت ولاتنسى
الهنـوف في يومنـا دوره وقف..........بالقــلم ويا الورق كلٍ جــفاه
والحقيقه دورها تقريباً وقف ولكن الشطر الثاني هو عين لتحديد المطلوب

[برق القصيم]

نقول البرقيه ياطويل العمر

[النداوي HZ2AF]

أعتقد أنها نوتة أرقام التلفون إذا كان ماسبقني لها أحد لأني ما قريت جميع الرمعات

[سالم غانم]

يعطيك العافيه
وعندي رمعتين 1: العمله النقديه الحديد .
والثانيه هي2 : الرساله الورقيه .

[قريب الدار]

الله يرفع قدرك يابوماجد

رمعة ثالثة:
يمكنها الألواح اللي كانوا يكتبون عليهن

ولك التحية ومبروك هالأمطار

[الدوسرية]

مرحبا اخوي ابو ماجد وهذه رمعة يارب اكون حوله


الة الكتابة القديمة او طابعة الاستسل

[ابو ماجد 2]

نقول البرقيه ياطويل العمر

هلا بك اخوي فطن القصيم
ولا تباعد عن رمعة اخوي قريب الدار (ورقة اللعب )
تحيتي لك

[ابو ماجد 2]

أعتقد أنها نوتة أرقام التلفون إذا كان ماسبقني لها أحد لأني ما قريت جميع الرمعات

مالك لوى يالغالي
واقرا ري على برق القصيم

[ابو ماجد 2]

يعطيك العافيه

وعندي رمعتين 1: العمله النقديه الحديد .

والثانيه هي2 : الرساله الورقيه .


حياك الله يالغالي
وكما وضحت بالردود السابقه

[ابو ماجد 2]

الله يرفع قدرك يابوماجد

رمعة ثالثة:
يمكنها الألواح اللي كانوا يكتبون عليهن

ولك التحية ومبروك هالأمطار

يالغالي خلك حول رمعتك ورقة اللعب

[ابو ماجد 2]

مرحبا اخوي ابو ماجد وهذه رمعة يارب اكون حوله





الة الكتابة القديمة او طابعة الاستسل


الله يحييك
وخليك حول ورقة اللعب ان كان لك معرفه بتفاصيلها
تحيتي لك

[الخيال2006]

صح لسانك ابو ماجد

ومن توضيحك برمع الضومنه

تحياتي ,,,

[ابو ماجد 2]

مشرفنا المتألق
حياك يالغالي ولا تباعد عن ورقة اللعب
تحيتي لك

[T U R K I 0 9 0]

وش رايك ب بنت السبيت

[ابو ماجد 2]

وش رايك ب بنت السبيت


مالك لوى يالغالي
تحيتي لك

[T U R K I 0 9 0]

لعبه الصبه

[ice.cube]

صح السانك ابو ماجد على هاللغز
وما شاء الله عليك اخوي طرجم على هالرمعه
في الصميم

عشرة(ن)لام القفاء ابتنوصف
وباقي التعداد بالوجه بتراه

وتحياتي للجميع

[arrow]

بسم الله الرحمن الرحيم.......

لي كم يوم طايح بهالخيمة اللي كلها طيبين شرواك ابو ماجد..
وانا من عشاق الالغاز,,,,,,,,,,واتمنى اكون واحد من نجوم حل الالغاز بهالخيمة.........

اللغز هذا اعتقد بدون توضيحاتك بيكون صعب,,لكن بعد ماوضحته اعتقد انه (( نشرة البلوت ))

[الخيال2006]

وش رايك ابو ماجد بلعبة الباصره في الورقه

[ابو ماجد 2]

لعبه الصبه

مالك لوى يالغالي

[ابو ماجد 2]

صح السانك ابو ماجد على هاللغز



وما شاء الله عليك اخوي طرجم على هالرمعه
في الصميم


عشرة(ن)لام القفاء ابتنوصف
وباقي التعداد بالوجه بتراه



وتحياتي للجميع


صح لسانك انت واخوي طرجم واخوي الكنور على ترك الفرصه
نعم الحل لمن لايعرف البالوت
هي الورقه العلياء بالحساب
فجميع الاوراق التي تحتها مقلوبات وكل وحده تحسب عن عشره اما العلياء فهي غير مقلوبه وتحسب حسب رقمها
مثلا لو كان الحساب 66 توضع ست اوراق مقلوبات وتو ضع من فوقهن ورقه ست السبيت او غيرها واذا ماقلبناها اصبحت 10
هذه الطريقه قديمه واما الآن فيستخدمون التدوين
تحيتي للجميع

[الخيال2006]

صح لسانك انت واخوي طرجم واخوي الكنور على ترك الفرصه

نعم الحل لمن لايعرف البالوت
هي الورقه العلياء بالحساب
فجميع الاوراق التي تحتها مقلوبات وكل وحده تحسب عن عشره اما العلياء فهي غير مقلوبه وتحسب حسب رقمها
مثلا لو كان الحساب 66 توضع ست اوراق مقلوبات وتو ضع من فوقهن ورقه ست السبيت او غيرها واذا ماقلبناها اصبحت 10
هذه الطريقه قديمه واما الآن فيستخدمون التدوين

تحيتي للجميع



ماشاء الله عليك اخوي ابو ماجد واخوي طرجم محترفين بلوت الله يعطيكم العافيه

وبارك الله فيكم وصحت السنتكم على اللغز والحل,,,