حفيد اعقيل
30/10/2008, 04:38 PM
.
.
.
بعد إنقطاع طويل هآنـذا أعـود إليكم بهذه القصيدة ..
.
.
.
السيل جانا وأشوف النفس مسرورة = يالله عسى ماطره يصبح ويمسينا
يسقي بلادي من طريف لشروره=ومن البحر غربها للشرق يروينا
سحاب بأمر الولي تمشي ومامورة = يصب وبله على الدار وبوادينا
تربّع الأرض تنبت عشب وزهوره = والسيل يلطم على فياضة ويسقينا
الطير غنى على الأغصان مجرورة = بألحان عذبه تسلينا وتشجينا
راع الولع زهّب العزبة ودافورة = وأقفى على موترٍ به رشة المينا
جيب جديد به (الجابان) ممهورة = موديل توّه جديدٍ تسع وألفينا
مع رفقة تشترى راي معه شورة = المرجلة ساسهم ومجمله دينا
وأضحوا على فيضة بالليل ممطورة = طقوا بها خيامهم بشمال ويمينا
ثم أشعلو نارهم بالرمث مخشورة = وصفوا عليها من البغداد ثنتينا
ودارت سوالفهم على نيران معمورة = سوالف تذكر علومٍ من سنينا
ماهي علوم عن الأسهم ولا الكورة = ولا الذي سجل أهدافه بنادينا
هذي مناتي على الأبيات مسطورة = البر عشقي ماهو بجنيف وآثينا
ما أمل من طلعتي لو دامت شهورة = يضيق صدري إلى من حرّك وجينا
.
.
.
.
.
بعد إنقطاع طويل هآنـذا أعـود إليكم بهذه القصيدة ..
.
.
.
السيل جانا وأشوف النفس مسرورة = يالله عسى ماطره يصبح ويمسينا
يسقي بلادي من طريف لشروره=ومن البحر غربها للشرق يروينا
سحاب بأمر الولي تمشي ومامورة = يصب وبله على الدار وبوادينا
تربّع الأرض تنبت عشب وزهوره = والسيل يلطم على فياضة ويسقينا
الطير غنى على الأغصان مجرورة = بألحان عذبه تسلينا وتشجينا
راع الولع زهّب العزبة ودافورة = وأقفى على موترٍ به رشة المينا
جيب جديد به (الجابان) ممهورة = موديل توّه جديدٍ تسع وألفينا
مع رفقة تشترى راي معه شورة = المرجلة ساسهم ومجمله دينا
وأضحوا على فيضة بالليل ممطورة = طقوا بها خيامهم بشمال ويمينا
ثم أشعلو نارهم بالرمث مخشورة = وصفوا عليها من البغداد ثنتينا
ودارت سوالفهم على نيران معمورة = سوالف تذكر علومٍ من سنينا
ماهي علوم عن الأسهم ولا الكورة = ولا الذي سجل أهدافه بنادينا
هذي مناتي على الأبيات مسطورة = البر عشقي ماهو بجنيف وآثينا
ما أمل من طلعتي لو دامت شهورة = يضيق صدري إلى من حرّك وجينا
.
.
.