هل تحديث الخراائط من دار موجة مجاني والا غيرمجاني !!!

[Abo Shahd]

السلام عليكم
مساكم الله بالخير أخواني
من المعلوم أن تحديث الخرائط يكون مجاني من عند دار موجة
لكن أنا اليوم اتصلت على دار موجة في بريدة وسألتهم عن التحديث الأخير السابع وقالي ايوه نزل
وما دريت إلا والعامل يقول لي إن التحديث بـ 300 ريال قلت له مكتوب في الضمان إن تحديث الخرائط مجاني
قالي ما ادري اتصل على الإدارة وعطاني رقم بالرياض


ما ادري هل هذا استغلال من دار موجة لأننا وثقنا فيهم !!!:no2:
وخصوصا إنهم كاتبين بالضمان إنه التحديث مجاني !!!:no2:


ياليت أحد يوضح لنا الموضوع

[هاوي geed]

ماعليك منه الظاهر ان هالعامل نصاااااااااااب انا امس محدثه بالشرقيه مجانا يعني بدون ولا قرش

[عبدالله الدوسري]

أخي الكريم
تأكد من ذلك باتصالك على الوكيل قبل ما تتهجم عليهم
لأنه من الممكن أن يكون المكتوب: التحديث مجاني ويقصدون به تحديث الجهاز
ومعروف أن خرائط دار موجه تحديثها بفلوس يعني ما عندهم تحديثات مجانية
اتصل على الوكيل وتأكد منه
موقع دار موجه على الإنترنت ويوجد فيه كامل بيانات الاتصال بهم (http://www.darmoja.com/)

[لمع السحاب]

وش رايك بمحلات دار موجه يديرونها باكستانيين ملكعين يبيعون بسعر و المحلات اقل من بيعهم ونفس الضمان
الله يرحم الحال

[فهد الخالدي]

السلام عليكم ورحمة الله وبركاته
انقل الكلام عني برمضان اشتريت منهم قاعدة القارمن 267بقيمة 150 ريال من فرع بريده وكانت معي وحده مكسوره قالي الباكستاني اذا معك فاتورة المكسوره نرجعها لك قلت من يحتفظ منا بالفواتير توكلت على الله وقلت للباكستاني اذا صادق عطني ضمان على الجديده قال لك ضمان 3 شهور طبعا القاعدة والله انكسرت من الشمس بالساحل بيومين صار فيها شعور وهي اخس ماركه صناعة سوريه تكلفتها اقل من 20 ريال ومع الجشع والاستغلال والاحتكار تنباع علينا 10 اضعاف مالكم بالطويله فرحان بالضمان رجعت من الساحل بعد العيد لفرع بريده الذي اشتريتها منه لقيت كل طاقم العماله مغير ووجيه جديده وقلت ضمان قالي الهندي اي ضمان هذاك نصاب لعب عليك حلها يالمشرف الدوسري اللي تدافع عن دار موجه
تحياتي

[عاشق البسمه]

على طاري القاعدة رحت أعطيهم وحده منكسرة عندي وبحب الخشوم راح يبدله ويااالله طلع
وحده من كرتون كااااااامل ماانكسرت ...... وكلها يومين وانكسرت اللي معي!!!!!!

[الجنك]

Madinchaina

[asd6244]

السلام عليكم ورحمة الله وبركاته

رجعت من الساحل بعد العيد لفرع بريده الذي اشتريتها منه لقيت كل طاقم العماله مغير ووجيه جديده وقلت ضمان قالي الهندي اي ضمان هذاك نصاب لعب عليك حلها يالمشرف الدوسري اللي تدافع عن دار النصب والاحتيال موجه

تحياتي

وعليكم السلام ورحمة الله وبركاته
أنت ما شتريت من العامل برا المحل وإنما أشتريت من الفرع فالفرع هو الي يضمن ، لكن الحجة في الفواتير وليس من خلال كلامهم

[عبدالله الدوسري]

حلها يالمشرف الدوسري اللي تدافع عن دار النصب والاحتيال موجه
أخوي
أنا أبغى أفهم من وين عرفت أني أدافع عن شركة ما لي فيها أي علاقة (حتى الأجهزة اللي عندي ميب من ضمانهم)
أنا كنت أقول للرجال صاحب الموضوع

أخي الكريم
تأكد من ذلك باتصالك على الوكيل قبل ما تتهجم عليهم
لأنه من الممكن أن يكون المكتوب: التحديث مجاني ويقصدون به تحديث الجهاز
ومعروف أن خرائط دار موجه تحديثها بفلوس يعني ما عندهم تحديثات مجانية
اتصل على الوكيل وتأكد منه
موقع دار موجه على الإنترنت ويوجد فيه كامل بيانات الاتصال بهم (http://www.darmoja.com/)
وهو الشيء اللي أمر به رب العالمين (فتبيّنوا أن تصيبوا قومًا بجهالة...)
قضية أنه غشك أو ما غشك هذا شيء يرجع لك وبينك وبينه
أرجو أنك ما تحمّل كلامي شيء ما يتحمله
وأما بالنسبة لقاعدة الجارمن لو سألت عنها لقيت إجابة وفيه كذا واحد من الشباب سأل وعرف الجواب وش الفرق بين القواعد (الأمريكية من غيرها)

[سيف الناصر]

أخوي
أنا أبغى أفهم من وين عرفت أني أدافع عن شركة ما لي فيها أي علاقة (حتى الأجهزة اللي عندي ميب من ضمانهم)
أنا كنت أقول للرجال صاحب الموضوع

وهو الشيء اللي أمر به رب العالمين (فتبيّنوا أن تصيبوا قومًا بجهالة...)
قضية أنه غشك أو ما غشك هذا شيء يرجع لك وبينك وبينه
أرجو أنك ما تحمّل كلامي شيء ما يتحمله
وأما بالنسبة لقاعدة الجارمن لو سألت عنها لقيت إجابة وفيه كذا واحد من الشباب سأل وعرف الجواب وش الفرق بين القواعد (الأمريكية من غيرها)

الصراحه انا اضم صوتي الى صوتك انه قضية غشك او ما غشك شي يرجع لك
لانه فيه فرق بين عميل وعميل
فيه عميل ما يخرج من المحل الا ومعه حاجته اللي يبغاها
وعميل يكتفي بقول لا حول ولا قوة الا بالله وقد تكون نفس الحاجه
اعتقد قصدي واضح

[asd6244]

الصراحه انا اضم صوتي الى صوتك انه قضية غشك او ما غشك شي يرجع لك
لانه فيه فرق بين عميل وعميل
فيه عميل ما يخرج من المحل الا ومعه حاجته اللي يبغاها
وعميل يكتفي بقول لا حول ولا قوة الا بالله وقد تكون نفس الحاجه
اعتقد قصدي واضح
لا غبار على كلام الأستاذ عبدالله الدوسري
لكن مسألة أن الفرق بالعميل ،
المفروض أي شركة أو وكالة تحترم عميلها و تقدم له الخدمة المتفق عليها في العقد بغض النظر عن أسلوبه

[تويجري]

انا اشتريت قارمن جديد وبعد يومين جيت قال فيه تحديث جديد قلت سولي قال ادفع 300 ريال

[االعاصوف]

على طاري القاعدة رحت أعطيهم وحده منكسرة عندي وبحب الخشوم راح يبدله ويااالله طلع
وحده من كرتون كااااااامل ماانكسرت ...... وكلها يومين وانكسرت اللي معي!!!!!!



نفس المنوااال ياعاااشق


الا لو نرجع الثانيه مايردون لنا فلوسنا


او يعطوننا ثالثه ويقولون القدر مايركب الا على ثلاث :D


س/هل فيه فرق بين الاصدار السابع عن السادس للي جرب

[أفق]

تصدقون انا عند دار موجه البارح بالياض بمخرج 12 بتاريخ 7/11/1429هـ
وقالي العامل شكله بنقالي التحديث 750 للاصدار السابع لان اللي معك الاصدار الثالث وفات عليك الرابع والخامس والسادس فلازم تدفع سبع مية وخمسين يعني بيدفعني حق التحديثات السابقة اللي ما اخذتها
بالله عليكم لو صارلكم هالموقف وش بتسوون والله لو خوفي من الله اني لأدبغ البنقالي لان تعامله اصلا كان سيء

[الفرق الجديد]

السلام عليكم يا إخوان

حسب تجربتي

فإن خرائط الصحراء تجدد مجاناً ...... و لكن أين ؟

ليست دار موجة خرائطها ليست الأفضل !!!

بل لدى السياري ( منتج خرائط الصحراء ) الحقيقي

و قد جربت الإصدارين ( دار موجه و السياري )

و وجدت فرقاً جيداً لصالح خرائط السياري

منذ أن اشتريت جهازي و أنا أحدث خرائطي مجاناً

أما نظام تشغيل الجهاز فهو أساساً مجاني من شركة قارمن و ينزل على النت باستمرار

طبعاً سيأتي من يقول هذه ( دعاية لخرائط السياري ) .. فليقل ما شاء ....

فهذه تجربتي الشخصية