استفسار من اهل الخبره ....

[ولد الجنوب]

انا لدي سلق لكن ضعيف شوي مادري ويش السبب ويمتنع عن الاكل شوي


ممكن تخبروني عن الاكل المفيد والافضل للسلق واللي يخليه ينتعم ......... وشاكر لكم تعاونكم

[شهاب حايل]

ننتظر هاوي سلق .... ولا يهنون الاخوان ....تقبل مروري

[خيال ابن خيال]

وش نوع الأكل اللي تعطيه ويمتنع عنه

[ولد الجنوب]

حليب وخبز مع بعض

[أبو فيئ]

السلام عليكم...
والله يا أخوي ولد الجنوب..
الكلب وانت بكرامه .(والاخوان الاعضاء) يمكن انه مريض.. اذا جاء بكره الصباح ان شاء الله خذه للبيطري.. يشوف وش فيه..
اذا ماهوب مريض عطه لحم وعضام لأن العضام مفيده جدا للسلق..:good: وكم عمره؟؟
واتمنى اني افدتك..
وتقبل مروري..

[هتلر مدايه]

انا اقول تجوعه يومين بدون اكل

بعدين هو يدور الاكل بنفسه

وهذا مجرب

[رماع]

السلوقي اذا ما كلا معناها تعبان
لذالك وده البيطري أحسن لك وأشوف انك ماتعطيه خبز والاحسن له ما يتعود عليه

كثره تنوع الاكل تسبب المغص في البطن

ارجو اني افدتك

تقبل مروري

[ولد الجنوب]

الله يعطيكم العافيه يااخوان ولايحرمنا من ارائكم وتسلمون



وبالنسبه للعمر ممكن سنه

[الابتر]

اسمع يالذيب
رح للصيدليه البشريه وقله عطن ملين (شراب)
وعطه بالغطاء غطاء اللعلبه وإنشاء الله راح تنفتح شهيته بعد تنظيف المعده .

[صيدوبس]

ولايهنون الربع اذاكنت تبية يكون صحتة أفضل وأحسن أول شي شوفة عندالبيطري وثانيشيعليك باالحليب الأبل وزبيب وشوف اذامازان صحتة وتقبل مروري

[ص ن ح 888]

هلا اخوي ولد الجنوب السلوقي فيه دود في بطنه وده للبيطري يعطيه ابره حقت الدود ولا حبوب بس الابره تجيب ام الدود على طول انا مجرب عندي سلوقي طلع كنه مسطره ولا ياكل زين والمرض صار دود وتراه خطير اذا ماتعالج بسرعه بيكثر الدود ثم يموت السلوقي وبعدين عطه حليب اي نوع بس معه ملعقتين حلبه لاتعطيه مويه من الصبح الين الساعه 2 ثم عطه حليب حط فيه حلبه قبل الاكل ثم اذا جاء باليل الساعه 10 الى 12 عطه الاكل عظام دجاج والى لحم وان شاء الله يصير احسن من كذا واذا ماكان كلامي صحيح احلق شنبي انا لي في السلق وعمري 10 سنوات انا اربيها واطلع مع اخواني الكبار نصيد ؟ الحليب كل يوم عطه على الصبح بدري يعني اذا طلعه الشمس والجو بارد عطه حليب ؟ والحلبه في الاسبوع ثلاث مرات بس وبتشوف وتدعيلي والموضوع يخص الشاب المتواجدين وهذي فايده للسلق علشان يجبر عظمه واذا طاح ماينكسر ولا يتعور قوه الحلبه زينه حيل واسف على الطاله والله يوفكم ياشباب ويزوجكم وانا اولكم والسلام عليكم وارجو ان تهتمون بالموضوع .

[نفاج]

عليك بالحليب و دجاج والعضم وأنشاء الله بياكل ون ماكل وده البيطري بس جوعه قبل والحين في أكل يمدحونه لسلق زي البسكوت متخصص لكلاب أعز الله الجميع يقلون مفيد

[سلطان العوني]

لا تجوعه ابد اصلآ هو ضعيف والجوع الزايد بيذبحه


سلوقيك فيه دود
وده بيطري

او روح لأي صيدليه بشريه واخذ حبوب دود وعطه بانتظام قبل الاكل