ياجماعه اللي يعرف قصيدة ابن لعبون (سقا غيث الحيا مزنن تهاما

[غيّام]

ياجماعه اللي يعرف قصيدة ابن لعبون (سقا غيث الحيا مزنن تهاما على قبر بتلعات الحجاز)

[خوي حسن]

اخوي غيام السلام عليكم ورحمة الله وبركاته
القصيدة هذي قالها ابن لعبون يرثي زوجته
سقاغيث الحيا مزنا تهاما على قبرا بتلعات الحجازي
وهي مشهوره وموجود ديوان بن لعبون في المكتبات
الذي يضم روائع شعر بن لعبون
ومنها يعالي صحت بالصوت الرفيع الذي غناها الفنان سلامة العبدالله

[عابر سبيل]

تفضل اخوي /// غيام



سقى صوب الحيا مزن تهاما = على قبر بتلعات الحجازي
يعط بها البختري والخزامى = وترتع فيه طفلات الجوازي

وغنى راعـبيات الـحماما = على ذيك المشاريف التوازي
تكدر ما صفا يامـا ويـاما = صفالي من تدانبه المجازي

مضى بوصلها عشرة عواما = وعشر كنهن حزات حازي
بفقدي له ووجدي والـعراما = تعلمت النياحه والتعازي

عزولي في هواها بالملاما = يعزيني وانا مانا بعازي
اسلم له ولا رد الـسلامـا = عزيز من عزيزات عزازي
صلاة الله مني والسـلامـا = على من فيه بالغفران فازي

[سبشل]

السلام عليكم ورحمة الله وبركاته




مزن تهامى

سقى صوب الحيا مزن تهاما =
على قبر بتلعات الحجازي

يعط به البختري والخزاما=
وترتع فيه طفلات الجوازي

وغنا راعبيات الحماما =
على ذيك المشاريف النوازي

صلاة الله ربي والسلاما=
على من فيه بالغفران فازي

عفيف الجيب ماداس الملاما =
ولا وقف على طرق المخازي

عذولي به عنيد ما يراما =
ثقيل من ثقيلات المرازي

ابو زرقا على خده علاما =
تحلاها كما نقش بغازي

عليه قلوب عشاقه تراما =
تكسر مثل تكسير الجزازي

الاياويل من جفنه على ما =
مضى له عن لذيذ النوم جازي

ومن قلبه الى هب النعاما =
يجرونه على مثل الخزازي

تكدر ما صفى ياما وياما =
صفالي من تدانيه المجازي

ليالي مشربي صفوا المداما =
وثوب الغي منقوش الطرازي

مضى بوصالها خمسة عواما =
وعشر كنهن حزاة حازي

بفقدي له ووجدي والغراما=
تعلمت النياحة والتعازي

يعضوني على فرقا ولاما =
ومن فرقاه مثل الخاز بازي

عذولي في هواها يالملاما =
يعزوني وانا مانيت عازي

وكل البيضى عقبه لوتساما=
فلا والله تسوى اليوم غازي

سلينا لا حلال ولا حراما =
عليهن الطلاق بلا جوازي

حياة الشوق فيها والهياما =
وقدمنه يهتز اهتزازي

وخذتم فيه بدر للتماما =
وجعد فوق منبوز المجازي

على لي فيه لا زادو لا ما =
وجرت من الغوى والغي جازي

وخضت بحور ليعات تطاما =
خلفت الخل ما ادري وين بازي

نكيف الهم في قلبي تراما =
وجيش البين بالغزوان غازي

أريده ونكسركسر السلاما =
بسيف جره ما هوب هازي

على بخت الدهرليته تعاما=
عفى عنها وليته ما يوازي

وليتني حلمت بها وياما =
بكيت لها وفي قلبي حزازي

اسلم له ولا ردا السلاما =
عزيز من عزيزات أعزازى

وصلات الله مني والسلاما =
على قبر بتلعات الحجازي

اظل هايم بها وفي دواما =
همومي فيه تنحاز انحيازي

وصرت بوحشة من ريم راما =
ومن فرقاه مثل الخاز بازى

عذولي في هواها بالملاما =
يعزيني وانا مانيب عازي



محمد بن لعبون

[غيّام]

خوي حسن:
ماقصرت اخوي 00
والله انه مالي في الغناء0 ولا ادري عنهم لاكنها جايزه لي وبغيت احفظها

عابر سبيل:
ماقصرت يعطي الف عافيه 0000

شبشل :
عز الله انك سبشل وماقصرت يعلم الله اني من زمان ادورها