وين اماكن الرحلات الي حوالين شمال الرياض لروئية الامطار للعوائل

[khaled1417]

الاخوة الاعزاء

السلام عليكم ورحمة الله وبركاته،،

اردت التنزهة انا وعائلتي يوم الخميس الصبح الي المغرب فايا ليت النصحة لاخوكم المسلم،وين اماكن الرحلات اللي حوالين شمال الرياض لروئية الامطار للعوائل.

جزا الله خير من يفيدني واب الوصف لاني جديد بالرياض من مخرج 7 الي الموقع.

الله يجزاكم الجنة

[الكشَات]

عندك شعيب الثمامة , أو الطوقي والحفنة والتنهاة..

الطوقي اليوم والحفنة سايلات الحمد لله..

[نسناس ليل]

انا انصحك لاتقرب الشعبان اذا كانت الاجواء مثل هالايام (امطار) النفود بأذن الله اكثر امان وتكون متلبده يعني راح تنبسط برحلتك أن شاء الله

[عاشق الزلفي]

السلام عليكم

أطلع شرق حتى يجيك مخرج الجنادرية ووجهك شرق لا تاخذ الملف الأول خذ الثاني اللي يخلي وجهك شمال وأدعس لين تجيك إشارة بعدين لف يسار وعقب ماتخلص المزرعة اللي على يمينك أمش شوي يجيك شعيب على يدك اليمين تقدر تنزل له بسيارتك الصغيرة وانت اختار يا يمين يا يسار .

أو قبل الإشارة بعد سوق البعارين بشوي فيه شعيب يارب يكون سايل الجلسة حوله حلوة.

أو تعد الإشارة حتى يجيك مفرق الطوقي والحفنة والصمان ولف يمين مع المرق وادعس بترقى طلعة عقب الطلعة بتلقى شعيب على يدك اليمين أو كمل وبتشوف الخير قدامك .

أتمنى أني أكون افدتك

[الطيري 2006]

الأخوان ما قصروا معك لكن أنا أشوف إن الأماكن اللي وصفولك كلها زحمة وشباب أنا بصراحة أفضل أروح شرق على طريق الدمام لين مخرج سعد اطلع يمين النفود يحبه قلبك وإذا بغيت شعبان وماء رح مع المخرج يسار لفيضة ام القطا وفيها شعيب يحبه قلبك ولا فيه زحمة الأماكن بتلقاها بسهولة وقريب 100 كيلو بالظبط

[saad8794]

انا أقول لك اخوي

ان كان معك جيب فماعندك مشكلة بإذن الله أما إذا كان معك صغيره فاحذر ياخوي من الأماكن المنخفضة والوديان الله يستر عليكم ..

بالنسبة للمناطق الزينه واللي تصلح للعوايل أنا أقول لك منطقه جميلة فيها رمال ..

تطلع من الرياض باتجاه مكة واذا نزلت من القدية اطلع مع مخرج ضرما ورح كأنك تبي ديراب ثم أول لفه يمين اطلع معها وامش تقريباً 3كم يجيك على اليمين واليسار أماكن حلوة تصلح للعوائل والاطفال

[سهم الحرية]

إخواني
من يعرف إحداثيات مكان مناسب لكشتة العوائل فلا يبخل علينا أيضا
لأن إذا مشيت ما يقارب 100 كيلو وأخطأت بالوصف فستكون أضعت الوقت والجهد دونما فائده
أخوكم أبومحمد

[khaled1417]

الله يجزاكم خير والله انكم ماقصرتوا

انا من اهل الشرقية واحب اي مكان على خط الشرقية ومخرج سعد زين وانا عندي جيب صغير اكسبلورر يعني تنصحوني بسعد اروح هناك مافية مضايقات وهل تقصدون منتزة سعد الوطني.

[الطيري 2006]

اخوي Khaled1417 نعم مخرج منتزه سعد الوطني لكن المنتزه مقفل لا تقربه رح للنفود اللي قباله والله يوفقك

[ابن دهيمان]

السلام عليكم



أطلع شرق حتى يجيك مخرج الجنادرية ووجهك شرق لا تاخذ الملف الأول خذ الثاني اللي يخلي وجهك شمال وأدعس لين تجيك إشارة بعدين لف يسار وعقب ماتخلص المزرعة اللي على يمينك أمش شوي يجيك شعيب على يدك اليمين تقدر تنزل له بسيارتك الصغيرة وانت اختار يا يمين يا يسار .


أو قبل الإشارة بعد سوق البعارين بشوي فيه شعيب يارب يكون سايل الجلسة حوله حلوة.


أو تعد الإشارة حتى يجيك مفرق الطوقي والحفنة والصمان ولف يمين مع المرق وادعس بترقى طلعة عقب الطلعة بتلقى شعيب على يدك اليمين أو كمل وبتشوف الخير قدامك .



أتمنى أني أكون افدتك



ممكن توضح الوصف اكثر؟؟؟

[fayez188]

اي بالله دلّوُنا على الطلعات الزينة للعوايل

[ثادق بلادي]

أن كنت تبي شعيب رح شعيب عبيثراان أو شعيب حريملاء أو صلبووخ
أما نفود فأخواني قالولك

[ابوخالد38]

السلام عليكم ورحمة الله وبركاته
يعطيكم الله العافية وكثر الله من امثالكم اهل فزعات عزالله من يزور هذا المنتدى غصب عنه مو بكيفة يتشرف يكون عضو اتمنى اكون اخوى لكم انا من الرياض واعشق البر بجنووووون عاشق البر واحيانا اذا ماحصلت رفقه شغلت موتري وعزبتي معي وسرحت اتمنى من كل قلبي اكون من اخوان هالوجوه الطيبة

[ابوعبدالله 2]

السلام عليكم ورحمة الله وبركاته
يعطيكم الله العافية وكثر الله من امثالكم اهل فزعات عزالله من يزور هذا المنتدى غصب عنه مو بكيفة يتشرف يكون عضو اتمنى اكون اخوى لكم انا من الرياض واعشق البر بجنووووون عاشق البر واحيانا اذا ماحصلت رفقه شغلت موتري وعزبتي معي وسرحت اتمنى من كل قلبي اكون من اخوان هالوجوه الطيبة


ابو خالد 38الله يحيك وحطني أخوك بالله والي تأمربه جاهزين طال عمرك

[تميمي11]

انا أقول لك اخوي

ان كان معك جيب فماعندك مشكلة بإذن الله أما إذا كان معك صغيره فاحذر ياخوي من الأماكن المنخفضة والوديان الله يستر عليكم ..

بالنسبة للمناطق الزينه واللي تصلح للعوايل أنا أقول لك منطقه جميلة فيها رمال ..

تطلع من الرياض باتجاه مكة واذا نزلت من القدية اطلع مع مخرج ضرما ورح كأنك تبي ديراب ثم أول لفه يمين اطلع معها وامش تقريباً 3كم يجيك على اليمين واليسار أماكن حلوة تصلح للعوائل والاطفال



مثل ما قالك الاخ هو انسب مكان لك اذا كان معك عائله

كان الله في عونك

[سفير الشمال]

السلام عليكم ورحمة الله وبركاته
حياك الله أخوي الغالي
khaled1417
الأخوان الكرام كعادتهم لم يقصرو قاموا بالواجب بارك الله فيهم
عليك اخي الكريم بأخذ الحيطه والحذر من التعمق بالأوديه نظرا لغزارة الأمطار الي هطلت عليها هذه الأيام وأدت الى جريانها ولله الحمد خاصة وان العائله الكريمه سيكونون معك
متمنيا لكم نزهه جميله ان شاء الله
تقبل تحياتي

[دايم البر]

اخوي Khaled1417


الأخوان ما قصروا معك لكن أنا أشوف إن الأماكن اللي وصفولك كلها زحمة وشباب أنا بصراحة أفضل أروح شرق على طريق الدمام لين مخرج سعد اطلع يمين النفود يحبه قلبك وإذا بغيت شعبان وماء رح مع المخرج يسار لفيضة ام القطا وفيها شعيب يحبه قلبك ولا فيه زحمة الأماكن بتلقاها بسهولة وقريب 100 كيلو بالظبط
:good: :good: :good:

[ضويان]

انا اشووف شعيب صلبووخ حلو للعوائل

[أبووو محمد]

بسم الله الرحمن الرحيم

عندك اول شي شعيب الطوقي هذا حلو بالحيل وتاصله السيارات الصغيره لكن انتبه وانا اخووك من الشعبان

وصفه ياطويل العمر

اطلع وجه للثمامه الين ماتجيك محطة خزام خله يدك اليسار وسيد الين مايجيك التفتيش ويضيق بك الشارع عقبه ابتل سيدا ياطويل العمر لين يجيك مفرق على ايدك اليمين مافيه مفرق مزفلت الاهو

رح يمين وسيد الين مايجيك لوحه فيه شي يروح يمين خفيف وعليه لوحه الصمان وطريق يروح يسار ومكتوب او علامة طريق غير نافذ رح يسار مع طريق الغير نافذ تشووف الشعيب


او

وفيه مكان بعد للعوايل ممتاز

وسهل وصفه

امسك طريق مكه لى ماتجيك نزلة ( القديه)


بعده على طوول تبي تشووفه على يدك اليمين مكان حلو وسهل وصفه

وبالتووفيق

[khaled1417]

الله يجزاكم خير

والله انكم ماقصرتوا اشهد انكم وفيتو وكفيتوا،

طيب بغيت اسال هل فية اماكن على طريق الخرج زينة للعوائل وهل فيه طعوس هناك

[السفاري سابقا]

مرحبا اخي الكريم

اذا كنت تبي مكان يحبه قلبك عليك بالمناطق اللي بشرق الرياض حول سعد بس لا جاك مفرق سعد لاتروح يمين رح يسار كنك تبي ترجع للرياض ويجيك مدخل يمين ادخل معه كيلوين تقريبا يجيك تقاطع فيه مطبات لف يمين استمر كم كيلو يجيك النفود على اليمين وفيه بحيرة اذا مشت الشعبان تصب بالنفود منظر روعة وامن وامان ان شاء الله وحولك المجاهدين اللي يحرسون مصفاة ارمكو , وتقريبا المسافة من الرياض 105 , اما اذا تبي مكان قريب عليك بطريق الخرج بعد التفتيش اللي عند شاليهات اليمامة يجيك شارع يمين ادخل معه وخمسة كيلو وتجيك النفدان روعة ولافيه زحمة واجد زي الثمامة واغلبهم عوايل وتقريبا عن الرياض 40 كيلو وموفق ورحلة ممتعة

واي خدمة آمر

[قلمس]

تحية طيبة اخي الكريم عليك بوبيب مناسبة جدا للعوايل لعدم وجود الزحمة وقلة تواجد الشباب المستهتر
اطلع باتجاه مطار الملك خالد وابتل لين تجي منطقة المطار خلك على نفس الخط وخل صالات المطار باليمين وتعد من تحت الكباري لين توصل اشارة على يسارك يصير محطة ارامكو والتوانكي وابتل على طول يجي قدام دوار مزرعة خزام ادخل يمين وابتل لين تنزل على محطة خزام افرق يسار من قبل المحطة تصير على يدك اليمين المحطة خلها بظهرك وتوجه كنك تبي كسارة العويضة من ترقى بداية العرمة صعود قوي يبيلك تنتبه اذا به مطر ولين تعديت الطلعة ابدا تخير المكان اللي تبي واهم شي لا تقرب من الكسارة لين صيرت فوق بالعرمة لانه خطرة عقب الطلوع امشي حول خمس كم وعليك بالفروع على يميك الخط مناسبة وطيبة وبالتوفيق وقبل المغرب زهب عفشك وبطريقك للعودة

[نفس السحاب]

شعيب صلبوخ ممتاز بس تطرف عنه شوي

[ابو عبدالكريم]

ان طعتني شل غداك الحين ولحق الامطار قبل الزحمة ،، وعلى طول على الطوقي ...
وقبل تطلع طلعة الطوقي يجيك على اليسار شعيب صغير وراقي(اللي ينزل من الطوقي ويصب في الخفس)،،سهل وتصله السيارة الصغيرة ولا فيه طين ولا تغاريس ولا تتعمق بالحيل ،، مثل الصور..

http://file11.9q9q.net/img/43588232/P1011663.jpg (http://file11.9q9q.net/preview/43588232/P1011663.jpg.html)

وتقدر تتوجه للشلالات
http://file11.9q9q.net/img/94163588/P1011654.jpg (http://file11.9q9q.net/preview/94163588/P1011654.jpg.html)

[ابوع بدالله]

اخوي خالد
عندك شعيب الحيسيه الشعيب سايل امس وتقدر تدخل حتى لو كانت سيارتك صغيرة ومايمنع الحذر عند الدخول
وعندك صلبوخ بس خلك على طرف لاتدخل الشعيب الا اذا كان معك جيب
عندك حفيرت نساح قريبه بعد نزلت القديه
ورحله سعيدة موفقه باذن الله

[khaled1417]

الله يعطيكم الصحة والعافية ويبارك فيكم جميع

اشهد والله انكم عطيتوني اللي ابي واكثر انشاء الله ابي اروحهم جميع خلال الشتاء

بس ماحد منكم جاب طاري روضة خريم يعني ماتصلح اروح هناك

[بن فيصل]

انا أقول لك اخوي

ان كان معك جيب فماعندك مشكلة بإذن الله أما إذا كان معك صغيره فاحذر ياخوي من الأماكن المنخفضة والوديان الله يستر عليكم ..

بالنسبة للمناطق الزينه واللي تصلح للعوايل أنا أقول لك منطقه جميلة فيها رمال ..

تطلع من الرياض باتجاه مكة واذا نزلت من القدية اطلع مع مخرج ضرما ورح كأنك تبي ديراب ثم أول لفه يمين اطلع معها وامش تقريباً 3كم يجيك على اليمين واليسار أماكن حلوة تصلح للعوائل والاطفال

انا مع الاخ سعد ونشوفك هناك ان شاء الله موعد الاقلاع عندي سيكون الساع العاشره صباحا ان شاء الله مع عايلتي العزيزه

[بن فيصل]

الله يجزاكم خير

والله انكم ماقصرتوا اشهد انكم وفيتو وكفيتوا،

طيب بغيت اسال هل فية اماكن على طريق الخرج زينة للعوائل وهل فيه طعوس هناك

نعم هناك منطقة الزويليات

ووصفها تمشي مع طريق الخرج وتتعدي شاليهات اليمامه تجيك مزارع الوادي للدواجن وتلف قبله بالضبط يمين وتمشي حول خمسه كيلو وتجيك طعوس حلوه على اليمين

[سهيل ستار]

:no2: أحذروا الاودية هذي الأيام النفود عز الطلب

[مالك سلمي]

انصحك يا اخوي تاجل الطلعه عدة ايام لان الوظع خطيررررررررررررررررررررر

[مِشوار]

موضوع جيد .

[نجم666]

والله الاخوان وفو وماقصرو بس لاتفوتك الحفنه والطوقى التوصيف بعد نقطة الثمامه الامنيه 40 كيلو يجيك مفرق الطوقى - الحفنه - الصمان خذ يمين واتجه شرقا 10 كيلو ترقى طلعة الطوقى وتتطيح بالسيول والخيرات ومناظر خلابه واصبر عليها 20 يوم وبتشوف الربيع والخير والفقع مشهوره هالمنطقه كاقرب منطقه للرياض ودور الفقع انت ومجهودك 00000000000000 بالتوفيق اخوك نجم 666