هل من خبر عن وادي الرمه ...؟

[ابوسعفه]

السلام عليكم ورحمة الله وبركاته

ابارك لكم اخوتي هذا الخير واسأل الله العلي القدير ان يجعله مباركا ونافعا .

على كثرة الاخبار التي تذكر في المنتدى لكن اشوف ان وادي الرمه لاحس ولاخبر هل من يأتينا بخبره يالاجواد .

[العارف]

ما عندي علم عنه
لكن روضة مهنا((روضة الغف )) يذكرون انه مليانه ماء

[الكونترولCONTROL]

ماشي أمس من جهة عطا و عطي ... و اليوم واصل ما بين القرين و الرس بسرعة طيب علما بأن جميع الحفر و المطامن أمامه مليئة ,,, يعني الخميس و الجمعة ستكون منطقة الرمال جنوبي رياض الخبراء و الخبراء ( شمالي البدائع ) من أفضل الأماكن للنزهة بالقصيم ... بإذن الله تعالى ,,,, و حياكم الله

[ابو عيسى]

نفس السؤال اهوجس فيه
ان شاء الله أحد الأخوان المهتمين بالموضوع يعطينا العلم .

[مسكين]

بارك الله فيك الغالي الكنترول وصف دقيق

ياليتي معكم والله يهنيكم

[مكشاتي الرس]

:D :D
ماشي أمس من جهة عطا و عطي ... و اليوم واصل ما بين القرين و الرس بسرعة طيب علما بأن جميع الحفر و المطامن أمامه مليئة ,,, يعني الخميس و الجمعة ستكون منطقة الرمال جنوبي رياض الخبراء و الخبراء ( شمالي البدائع ) من أفضل الأماكن للنزهة بالقصيم ... بإذن الله تعالى ,,,, و حياكم الله


الله يجزاك خير


هذي الأخبار الي تفتح النفس

[ابن صقيه]

بحياتي اتمنى اشوف وادي الرمة من اوله الى اخره يسيل ..

يارب حقق حلمي قبل ان تقبضني اليك .. يارب ..

[جار قطن]

اليوم الاثنين يمشي مشي خفيف عند عقلة الصقور الاكن الامطار شمال عقلة الصقور خفيفه والاعتقد انه سوف يصل القصيم

[فرج الله قريب]

امس كان يمشي على خفيف

[راعي البدايع]

الله كريم .........

[!! أبوتركي !!]

عطوني خبر تكفون

[safer030]

بسسسسسسسسسسسرعه نبي خبرررررررررررررر يكون من المدينه المنوره عن وداي الرمه

[الكونترولCONTROL]

فيه وادي اسمه ساحوق فوق الرمة بحوالي 70 كم من غرب , يذكرون انه لو مشى مشي طيب كان الرمة ما عليه خلاف .... لكن ما اعرف يلتقي بالرمة من وين ؟؟...
المكان المذكور غرب القصيم بحوالي 170 كم

[العارف]

مافيه اخبار جديده

[عوق الخريش]

تكفون عجلوعلينا ياهل الالديار الغربيه عن الوادي

[hms040]

السلام عليكم
انا اليوم قبل صلاة المغرب وقبل نزول امطار هذا اليوم على الرس والبدائع وعنيزة وبريده مريت على الوادي من عند الخنقة شرق البدائع وشمال البدائع بينها وبين الخبراء لم يكن هناك اي جريان للوادي للعلم.
والله يجيب الخير
واتوقع انه ان شاء الله يمشي غدا لانه الارض رويانه.
ومن القصيم إلى المدينه وعفيف وخيبر والشملي والعدوة والدوادمي كلها تحول سيولها على الرمه وهي كلها الحمد لله مطورة هذا اليوم
والعلم عند الله

[عود ازرق]

السلام عليكم ورحمة الله وبركاته..


ياللي تنشدون عن وادي الرمة .. قبل ساعة ونص من كتابة الرد تقريبا 3:40ص وهو سايل سيل عظيم من عند عقلة الصقور


حتى انك تسمع هديره من من المنازل اللي قريبه منه ولا تقدر تميز جاله من جهة الشرق توالي بريده من


الشعبان اللي تصب فيه ..


من حد الوادي جهة عقلة الصقور الى جمعية الهلال الاحمر السعودي جهة بريدة قزازه ..


نسأل الله أن يجعلها سقيا رحمة وبركة لا سقيا عذاب ولا هدم ولا اغراق وأن يلطف بالمسلمين .أمين.