صوره من مخرج 15 بالرياض كان الله في عون المسلمين !

[وشلووون مغليك]

السلام عليكم

وانا طالع من الدوام وجاي مع الدائري مسكت الخدمه حق 15 وجهي جنوب تفاديا للزحمه

وياليتني ماجيت يمه

العالم تعكس السيد
والي متعلق بالزحمه مايتحرك يمين ويسار
والسواقين الي معهم حريم وبنات الله يكون بعونهم والله مايقدرون ينزلون الارض بحر وبتشوفون الصوره

انا جيت ابنزل بروح على رجل اركب ليموزين لكن ماحولي احد
العالم صارو يقطعون الدائري ويروحون الجهه الثانيه على رجليهم

الكلام هذا الساعه 2.30 الظهر


الله من واحد قاله موتره هذا محلي :)

الصوره حصريه لمكشات ياليت المشرفين يحطون الختم :)


http://www8.0zz0.com/2008/11/03/12/364093189.jpg (http://www.0zz0.com)

[ŤΗE FąLcôN]

اوووف...!

هذا الدليل ان البلدية ماعندها سالفة وين تصريف الميآآه..!


وانا راجع فيه شوارع موية بس اقل من كذا.

الله يكون بعونهم،،،

[أستبشروا]

ياخوي خخخخخخ شف التقرير حقي بينزل شووووي تنهبل :)

[وشلووون مغليك]

الشيول الاخضر في اول الصوره جالس يدف السيارات
وش يشيل وش يخلي

[مزون نجد]

اعوذ بالله

[ابو المهند]

في واحد من الاخوان اليوم زعلان يقول الرياض ما جاهه مطر!!

[تاهو2007]

لاحول ولاقوة الا بالله ........ بدأت تطلع الفضائح .... وماخفي كان أعظم !!!

[عبدالله20]

كل الدائري الشرقي واقفه السيارات فيه شوف يعني والله... يعني اكيد فيه خلل .. ... يالله تاجعلها امطار خير وبركه ياااااااارب

[وشلووون مغليك]

الباكستاني سواق الليموزين الي راكب معه

يقول عندنا امطار بشكل اسبوعي ومايصير مثل عندكم
يقول شوارعنا مزفلته بشكل مائل على شان السيول تتجه للاراضي الي جنب الطريق

[abdul]

مشكور اخوي .... صورة في الصميم ..
الحمدلله على هذا الخير العظيم ... وعسى الله لا يحرمنا منه .. وينزل البركة..

[لبتون22]

احمدو الله على الخير ويحبكم لسب الرياض

[Magellan]

ههههههههه
حلوه حركة الشيول
بس تبي الصراحة حلات الأمطار بهالمواقف
بس إعتقادي إن فتحات التصريف مسدودة بسبب بقايا الأشجار وإلا الخرق والأكياس اللي سادتها

[شقران نجد]

اللهم لك الحمد حتى ترضى ولك الحمد اذا رضيت ولك الحمد بعد الرضى

[abu lyan]

الدول الاوربية امطار متواصلة على مدار العام
ومع ذلك لاتجد الماء قد كون بحيرات مثل اللي عندنا
هذا دليل النهب والشغل الزين من المقاولين

[وشلووون مغليك]

اللهم لك الحمد والشرك

[ابن صقيه]

البلديات ما يصحون الا اذا وقع الفاس بالراس ..

[Abu Saad]

يعذرني صاحب الموضوع .. شي في الخاطر ..


اوووف...!

هذا الدليل ان البلدية ماعندها سالفة وين تصريف الميآآه..!


وانا راجع فيه شوارع موية بس اقل من كذا.

الله يكون بعونهم،،،

مايحتاج دليل هذي خالصين منها والبلدية داجة منذ مبطي.



كل الدائري الشرقي واقفه السيارات فيه شوف يعني والله... يعني اكيد فيه خلل .. ... يالله تاجعلها امطار خير وبركه ياااااااارب


الدائري الشرقي واقف بدون مطر ... يعني الخلل موجود قبل الامطار منذو مبطي .




الباكستاني سواق الليموزين الي راكب معه

يقول عندنا امطار بشكل اسبوعي ومايصير مثل عندكم
يقول شوارعنا مزفلته بشكل مائل على شان السيول تتجه للاراضي الي جنب الطريق

ماعندنا اراضي جنب الطريق كلها مخططه ومبنية منذو مبطي .

[أبو روضة]

الله يكون في عونكم يا رب

[عبدالرحمن الحربي]

والله جيت ابي اطلع من حي الريان الساعة 12

من عند مخرج 14 بروح للسفارات

والا الدايري مقفل

كلمت مع الخدمه قلت انزل على خريص على طول

من عند الجميح

وإلا الدايري أرحم من خريص

مير وانا ارجع البيت

وهذا انا بالبيت من الصبح ما تحركت

[هديب الشام]

الله يكون بعون المسلمون

[ابو غيثان]

تعال تبوك وصدقني انك يتشكر ربك على هاذي البحيره
وخصوصا

[فهد القصيم]

ياالله تجعلة مطر خير وبركة

[يسرك مشاهده]

السلام عليكم ورحمة الله وبركاته ياخي الله يعين الموضفين والهم الاكبر والله الحريم اللي موضفه واللي تدرس واللي رايحه للمستشفى لكن وين البلديه اللي مشغلتنا بالاعمال ومشاريع التصريف وسحب ميزانيه من الدوله............. جعلها الله امطار خير وسقيا رحمه

[msad103727]

ماشاء الله تبارك الله وتقرير جميل الله يعطيك الف عافية .
اللهم اجعلها أمطار خير وبركة وعم بها أرجاء البلاد وانفع بها العباد يارب العالمين.الله يخلف على الي خطط شوارعنا

[شعيب الجزر]

الحمد لله على كل حال

مشكووووووووور

[مشرف بن سعد]

يازين الجبيل الصناعية

تصريف من اروع ما يمكن

يعطيكم العافيه

والله يعينكم

[عود الليل]

والله مهزله..........قاعد ساعتين على الدائري.............؟؟؟؟؟

[أبو عابد2]

جيب وددسن و Bmw وقعوا ضحية لمخرج 13 ، الدائري يصرخ ، العالم مستعجلون وكأن الشمس تشرق من المغرب ، عديمي الضمير والحياء يصورون السيارات القابعة وسط السد . حسبنا الله ونعم الوكيل .

[سامي العقيلي]

والله الرياض يا جماعه ما عاد ينطاق

وين راحت مشاريع (( تصريف مياهـ السيول )) صار لها سنيييين

ولا شفنا شئ

أعرف رجل سافر لكوريا الجنوبية .. وجاءهم مطر غزير جداً جداً ..

يقول صاحبي توقعت يصير فيضانات .. نزلت بعدها بدقائق تقريبا أبشوف السيول ..
وتفاجأ صاحبي أنه ما فيه ماء في الشارع أبدا .. يقول ما أحد يصدق إنه جاءهم مطر إلا بأوراق الشجر لأنها مبتله .. وتقطر ماء ..

شتان بيننا وبينهم

مع أننا أغنى منهم ..!!!!!!

[بواسامه]

تبي الصدق
المشروع اللي قدح براسي
قوارب قبل مخرج 15
نبسط في مخرج 16 ومخرج 14
التوصيل وكلم ااهلك يستقبلونك في الجهة الثانيه
لان هالمخرج كل ماجاء خير يصير كذا


احد بيشاركني ياجماعة

[قميري 999]

اللهم اجعلها امطار خير وبركه..,,

[أبوياسر12]

الله لا يضر مسلم

[عالم الاطلاع]

الله يعين اهل الاماكن الي ماعندهم تصريف السيول
او ان الفتاشات الي عندهم منظر مثل الي في الصوره
كان الله في عون المسلمين

[وشلووون مغليك]

اللهم امين منورين بها الطله يالغالين

[اللون السابع]

كان الله ف عون المسلمين ,,
يابلادي واصلي :(

[عبدالله بن سعد]

لاحول ولاقوة الابالله
مشكور على الخبر

[rakd]

لاحول ولاقوة الابالله
مشكور على الخبر

[بديوي الشمري]

اليوم زحمة ليست طبيعية في الرياض
خمسة كيلو قطعتها بساعتين
الشيء ماهو معقول ابد!!!!!!!!!!!!!!!!!!!!!!!!

[مداوي]

اللهم اجعلها امطار خير وبركه

[أبوعمر1]

الله يستر

مشكور

[مداوي]

الله يكون بعونهم

[fayez188]

رحمة الله تكشف زيف المقاولين الله يهّدّهَمُ لان بعض اصحاب رشاوي ومحسوبيات

[باني طوية]

خخخخخخخخخخخخخخخخخخ

مشكوور

[نجم666]

هذا شعيب والا نفق هههههههههههههههه

[عكروووت]

أنا طالع من دوامي بـــــــــ شارع التخصصي الساعة 2:20 وما وصلت بيتي في حي السلام إلا الساعة 4:50 ...........

ياعيني على تصريف السيول

[الدبابة]

السلام عليكم ورحمة الله وبركاته

لاحول ولا قوة الا بالله :eek: صورة محبطة :(
كان الله يعون المجبرين على مرور هالطريق
كم يبيلها من يوم لين يشفطون في هالموية وإلا يصرفونها :confused:
موب حرام العالم تنقطع عن أشغالها بسبة هاللي مايخافون الله وياخذون رواتب بغير حق ولا امانة :mad:

تسلم يمينك على الصورة :)



ياخوي خخخخخخ شف التقرير حقي بينزل شووووي تنهبل :)
ننتظره الله يعافيك


بحفظ الله

[وشلووون مغليك]

مرحبابكم جميعا

[ابومشعل40]

لا تخافون فيه تامين على السيارات هههههههههههههه

[ماطر]

يعني كوريا احسن منا ............ المشكلة في المواطن الذي لا يحسن المطالبة بحقوقه .

[كن كن]

يعطيك العافية

[وشلووون مغليك]

الله يعافيكم

[المجنوني]

هذه الصورة مع تحياتي لصاحب الموضوع
ابو ريم الجنوني

http://www.mekshat.com/pix/upload02/images85/mk88144_364093189[1].jpg

[aziz2727]

سلم لي على تصريف السيول الي عندنا
تصريف صح :( الله يخلف بس

[الخادم]

لاحول ولاقوة الا بالله ........ بدأت تطلع الفضائح .... وماخفي كان أعظم !!!

[ابراهيم2008]

الله يكون بعونهم

[بن قرناس]

ترفع الصوره بدون تحية لبلدية مدينة الرياض فكلمة( امانة) كبيرة ..

[مكشاتي متواصل]

ترفع الصوره بدون تحية لبلدية مدينة الرياض فكلمة( امانة) كبيرة ..
100%
صاااااااااادق

[ابوعبيد1]

اللهم لك الحمد والشكر على نعنة المطر المفروض فية تصريف للمياه بس ماحولك احد الله يعين المسلمين

[برق المدى]

الله يعينهم