المساعد الشخصي الرقمي

مشاهدة النسخة كاملة : سؤال لااهل الاختصاص عن القرمن 176


جهام القصيم
15/02/2004, 03:36 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

سوالي الى النشما أنا عندي جهاز قارمن 176ملون وسمعت وشاهدة وضع خرئط توضح
مواقع وطرق وفياض وشعبان وكثير من الاماكن ويقولون أنها توضع داخل شريح توضع
في الجهاز وسعرها من 450 الى550 ريال تباع لدى بعض محلات الاتصالات سوالي هل
هناك طريقة أوفر من هذة الطريقة نرجو الافادة وأسهل طريقة والله يحفضكم0

أخوكم جديد على الجهاز
بركان
16/02/2004, 10:35 AM
ان كنت تقصد خريطة الصحراء
فسعرها وصل الى 350 ريالا
وهي مضمونة ويمكن تحديثها
اما سواها فقد يكون تجاريا لا يمكن تحديثه وليس لها وكيل يضمنها

قبل ان تقرر الشراء تذكر المثل الذي يقول:

ياشاري الدون بالدون *** لا تحسب انك كاسب وانت مكسوب.

تحياتي.
كشات
16/02/2004, 01:46 PM
بسم الله الرحمن الرحيم
السلام عليكم ورحمة الله وبركاته

اخوي جهام القصيم
اقرا تجربتي واحكم بنفسك

انا شريت الجهاز ومعه الشريحه (خرائط الصحرا)
وللاسف الشريحه خربت
وكنت باول الرحله كاشت حول القصيم
مريت السنيدي انشدهم وش علة الجهاز
مادري ان الشريحه خربانه

قال لي المصري ان الشريحه فيها عطل واذا تبي نغيره لك غيرناه بس لازم موزع شريحة خرائط الصحراء بالقصيم يوافق
وبالفعل اتصلو به
وهو ماقصر كثر الله خيره
قال لهم غيرو له الشريحه
مع العلم اني شاريه من الرياض يعني موزع القصيم ماله ذنب ويقدر يقول مب شغلي

المهم
لو انك شريت من الشرايح المنسوخه(ان كانت موجوده اصلا) فهل تلقى لك احد يغيره لك
او يصلحه
واكيد بتلقى سعره حول الاصليه
لان الشريحه الفاضيه اللي حجمه 8 ميغا سعره بحدود 200 ريال
وخرائط الصحراء ب 350 ريال
يعني انت تدفع بس 150 ريال لكل الكم الهااااااائل من المعلومات والاحداثيات
وفوق هذا كله
يمكن انك تقدر تسوي تحديث للشريحه مجانا في المستقبل

والله تعالى اعلم
جهام القصيم
17/02/2004, 01:42 PM
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

جزكم الله خيرا على المعلومات القيمة والنافعة بأذن الله تعالي وشكرا لتعونكم 0

وبعد النصيحة تقرر شراء شريحة اصلية ولكن ياليتكم دليتونا على مكان ممتاز لشراء الشريحه منه

والله يحفظكم
اخوكم جهام
الصكيمة
18/02/2004, 05:15 PM
الشريحة موجودة في الرياض لدى دار البوصلة بمجمع الاتصالات بالمرسلات وسعرها 350 ريال،وللملعومية فقد يقولون لك لدينا شريحة 32ميجابايت بسعر 400 ريال ولدينا شريحة 16 ميجابايات وسعرها 350 ريال وكذلك شريحة 8 ميجابايت يمكن يكون 350 ريال ماني متأكد ولكن زبدة الهرج مثل الغشيمين اللي زيي يحسبون اللي سعرها غالي هي الأفضل ولكن أقول لك أن الشريحة اللي حجمها 8 ميجابايت كافية لك جداً لأن المعلومات الموجودة في الشريحة أصلاً حجمها 4 ميجابات فقط كما أخبرني أحد بائعي المحلات بذلك( وإذا كان الأمر كذلك فما له داعي تشتري شريحة 32 ميجابايت) بزيادة سعر.وتقبل تحياتي ولا يهونون الإخوان،،