سيل ملهم والقرينه وحريملا

[ابو وطبان]

اليوم الاثنين طلعت بعد صلاة العصر مباشره على طريق القصيم وماجاني الحيا الا بعد معبر جمال بدت الارض تتغير والنقع تزيد وجيت ملهم وعند الكبري جانى مطر قوي لكن ما طول ولما دخلت ملهم انشقت السماء بالمطر ولله الحمد والسد فيه شوي من الصبح ولما تعديت وجيت الوادي يمشي لكنه خفيف ومريت القرينه وشعبانها تمشي والصنوع محوله قويه من ظهره العرقوب وتصب في مزرعه العجلان ثم ذهبت لحريملا والوادي يمشي من جهة الشريج والسد باقي عليه حوالي مترين وبعدين رجعت يوم وصلت ظهرت العرقوب بالقرينه جاني ذاك الحقوق القوي وما طول لكن سيل جميع الشعاب الي فوق ظهرت العرقوب والله يجعلها امطار خير وبركه ويعم بنفعها المسلمين ولكم تحياتي


اخوكم ابو وطبان

[راس المال]

ابشرك السد تعدى الاربعه امتار ولله الحمد

[الكونترولCONTROL]

لأن هذه المناطق لم تر المطر الا السبت ( قبل أمس )
و أمطار الاسبوع الماضي كنت من غرب القصيم الى نواحي المجمعة ,,,
والحمد لله ,,, جاب الله الخير اليوم على جميع أنحاء البلاد ,,,

[رمال قطبيه]

يازين حريملاء
مشكور على الاخبار الزينه