خيمة (( 4 × 5 )) من دون عمدان بالوسط. تركيب*&*جديد*&* الموضوع مدعم بالصور

[الجوني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين أما بعد

بعد طرح موضوعي السابق (( الخيمة التركيب (( 4×4 /3×5/...)) الشرح بالصور ـ تصوير أبوصالح ))الجوني(( (http://www.mekshat.com/vb/showthread.php?s=&threadid=14872&perpage=20&pagenumber=1) ))
ووجدت القبول المناسب من الاعضاء سلمهم الله أحببت ان اضع بين ايديكم الجزء الثاني من انواع الخيام التركيب
طبعا بالبدايه احب ان اوضح ان الخيمه صناعه بلدية يعني مو مثل الاولة من باكستان واليكم الصور

http://www.mekshat.com/pix/upload/images4/kemah-1.jpg

^
^
الخيمة وهي مسفطة:/
1= المفاصل للخيمه مع الاطناب والمطرقة.
2= العمدان.
3= الخيمة نفسها.
ملاحظة:/ 1( و ) 2 هما اللهيكل للخيمه


http://www.mekshat.com/pix/upload/images4/kemah-2.jpg


^
^
الخيمة بالعرض ويظهر مقاس عرضها اربعه متر
فاصل جزئي:/ الخيمة تتكون من بابين اثنين هذا سحابه بالوسط اما من الجهة المقابله فهو على شكل باب ويتكون من الاطراف على شكل أجنحه ..,

http://www.mekshat.com/pix/upload/images4/kemah-3.jpg

^
^
يلاحظ بالصورة جناح الخيمة المفتوح لجهة اليسار وكذلك يلاحظ الباب اللي يتكون من سحابين
ملاحظة:/ الأجنحة لها سحابات من الجوانب بحيث اذا تبي الاجنحه تفتحها تفل السحابhttp://www.mekshat.com/pix/upload/images4/kemah-4.jpg

^
^
بتوقعاتي ان هالجلسة مايبي لها كلام الخيمة غدة بيت شعر ..؟؟ , طبعا بالليل تغلق الخيمة من جميع الجهات وتسدل الاجنحه كي تدفء.


http://www.mekshat.com/pix/upload/images4/kemah-5.jpg

^
^
الخيمة تسع لعشرة فرش تنزاني ومن لم يفهم نقول له هذه المسأله :/
اذا ضربنا العدد 4×5= 20 ولنفرظ ان طول كل فراش 2 م/ وعرضه 1 م/ يساوي الحل..؟؟


http://www.mekshat.com/pix/upload/images4/kemah-6.jpg

^
^
الخيمة ويلاحظ داخله
ملاحظة:/ تحتوي الخيمة على مخباتين ونافذتين.

http://www.mekshat.com/pix/upload/images4/kemah-7.jpg

^
^ الخيمة من بعد
ملاحظة:/ يستطيع تركيب هذه الخيمة 2 بشرط انهم ما تتحرك من مكانها يعني اذا بدو يوصلون القطع مكانها واحد وتستغرق العملية حوال مابين 20 - 25 دقيقة اما اذا كانوا اربعه يستطيعوا تغير الخيمة مكانها بحيث يشيلونها من الزوايا ويتحكمون فيها بسهولة وتستغرق عملية تركيبها مابين 10 - 15 دقيقة

أي سؤال انا بالخدمه

لأ أنسى سعرها بـــ 2000 ريال لأنها صناعه محلية وقماشها تنزاني رتبة 2 على ما اتوقع..؟

[الجنوبي]

جزاك الله خير على هذا المجهود .... شرح واضح مدعم بالصور.
والخيمه ممتازه .وحجمهامناسب وسعرها زين...........

[عروان]

بسم الله الرحمن الرحيم

أخو أبوصالح

مرحبا بك ومواضيعك اللي تخدم فيها أخوانك عشاق البر والرحلات.

أخوي الخيمة هذي في خاطر منذ مبطي. ولكن أنا خايف من حاجه وحده فقط وهي تماسك الخيمة وقت الهواء القوي يعني العجاج. أللي أخبره ان هالخيام مبنيه على هيكل حديدي يتكون من بيبات صغيرة يمكن 1.5 بوصه وحديده خفيف.

هل الخيمة ثابته بكامل هيكلها وقت العجاج ولا فيها تمايل والهيكل له أصوات مثل الصرير؟ هل جربتها وقت هواء قوي؟


وعندي لك ملاحظة أضافية على الخيمة اللي عندكم. ليه مافيها حبل شد من أعلى الخيمة من الجهتين. يعني من طرفي الجحش أي العمود اللي بالعرض فوق الخيمة. أنا عندي خيمة مثلثة شبيهه لها شاريها من مصنع القاضي وفيها حبلين في أطراف الجحش تعطي الخيمة ثبات أكثر. الملاحظة في الصورة أسفل:


http://www.mekshat.com/pix/upload/images4/kemahabusaleh.jpg


تحياتي

[المرقاب]

السلام عليكم ورحمة الله وبركاته
بارك الله في الجميع وجزاكم الله خير
سؤال وين نقدر نحصل مثل هالخيمة....
والشكر مقدم:cool:

[abos3d]

الله يعافيك على الصور الرائعة والخيمة الرائعة ويا ليت اسم المحل وعلى البركة السيارة الله يعطيكم خيرها ويكفيكم شرها ;) :D :D :cool:

[أبو نايف]

خيمه ممتازة وتشكر اخوي الجوني على الطرح الجميل والصور


يعيب هذه الخيمه سعرها

يعني تاخذ لك صباحيه بنفس السعر او ارخص شوي

تحياتي
أخوك /أبو نايف

[الملثم]

وعليكم السلام ورحمة الله وبركاته
ماقصرت يالنشمي على هذه الخدمة الطيبة وأنا شايف مثلها في مخرج 15 بس عندي إستعلام إن شاء الله أقدر أوصله لأني ماأعرف أعدل على الرسمة مثل مافعل أخونا عروان وإذا في من يوضع استعلامي بالرسم على الصورة فجزاه الله خير واستعلامي بارك الله فيك .
توقع نقدر نضيف سحاب في وسه الخيمة من الأسفل إلى الأعلى ( في الرواق ) ثم من الأعلى إلى آخر الجهتين اليمين واليسار ليصبح عندنا رواق من الجهتين يفتح من الوسط في حال فتحهما ، أو الأحسن نضع السحاب من الطرف من الأسفل إلى الأعلى اليسار ثم من اليسار إلى الأعلى اليمين ليصبح الرواق بطول الخيمة 4متر أو 5متر فتكون خيمه رواقها منها وفيها .إذا أمكن فياليت تسأل لي عن سعرها إذا كانت 3*5 مع إضافة أخونا عروان وفقه الله وجزاك الله خير إذا الملاحظه غير واضحة بلغني وإن شاء الله أستعين بأحد الأخوان يوضحها بالصورة

[الضيغمي]

السلام عليكم ورحمة الله وبركاته


الخيمة اللي جابه الجوني عجيبة=عساه يسلم مع والدينه من النار


بارك الله فيك ياخوي الجوني عز الله انها خيمة ممتازة

وشغل عدل وتصميم رائع

لو سمحت ياخوي اولاً ممكن اسم المحل ؟

ثانياً مهومقاس المواسير( الانابيب) ؟

[الجوني]

ردود على الاعضاء
===============
الجنوبي:/ حياك الله واشكرك على مرورك ودعمك للموضوع.

---
عروان:/ هلا بك واشكر اقتراحاتك مع العلم انه يوجد حبل :D بنفس المكان وللخيمة ستتة حبال شد أربع مع الاركان وثنين مع نفس المكان اللي قلت واحد من جهه والثاني من الأخرى اما عن العجاج لا تسأل الوالد ذيك اليوم راحو للنعيرية وانا رحت للوقه وجاهم هوا عجاج بعدها مطر يوم رجعة لقيت الوالد مستانس من الخيمة ويدعي لي لأنها وقتهم الصرصرة ماسمعناها يمكن عشان الحديد ماصدأ بس اذا فيه صرصرة سهلة حلها الربل ومن المطر تراه تثقل شوي مع المطر بس ماشفناها تخر أبد .

---
المرقاب :/ هلا بك اخوي الخيمة عندي جديدة بس على الطلب لأنها يبي لها تفصيل وأرجو ممن يصمل عليها يراسلني على الخاص..,,

---
abos3d :/ ههههههههههها ماتجوز(( ماتتترك)) عن القز والله يجزاك خير على الدعوات قبل قزيت لوحة السيارة واللحين قزيت الجديد المهم اللي يبيها يراسلني لأنها تفصيل..,

---
أبو نايف :/ مشكور على مرورك واتوقع معيبك ليس في محله.

---
الملثم :/ بعض كلامك فهمته وبعضه مافهمته طبعا اللي يبي يعدل بالخيمة مافيه اشكال لاكن ترا السعر يزود عليه .,والثلاثه بخمسه تطلع عليك حوالي بأف وست ميه او تزيد شوي بس ما تأكدت اذا انت صامل علمني عشان اجيب لك السعر بالضبط مع الاضافات والتعديلات اللي انت طالبهن.,

---

الضيغمي :/ مشكور على تعقيك وعلى البيت وجعل الله لك من الدعاء مثله اما سؤالك المحل تجد جوابه في الردود السابقه لي .,,

[كايين]

يعطيك الف عافيه ..:)

كأنك داري اني ادور لي خيمه من زمان .. :)

بس عندي استفسار الله لا يهينك ..

وهي مصفطه ( الصوره الاولى ) كم طولها وكم عرضها ؟؟ >> عشان اشوف هي تجي بسيارتي والا لا :)

وثاني شي وين تنباع فيه ؟؟

ويعطيك الف عافيه .. :)

[أبو يوسف]

خيمة رائعة

ولمن سأل عن المواصير

اظن كما رأيت مثلها ان مواصيرها نصف بوصة وإلا لما كانت بهذا الحجم وهي مصفطة

مشكورة واسف على التدخل بس ماشفتك رديت قلت ارد يمكن يكون كلامي صحيح


تحياتي لك

[ابو شكاع]

يامال العويفيه يابو صالح


الصراحة ان هالخيمة رايقة بالحيل بالحيل


بس وانا اخوك السعر عالي شوي ....................


عندي لو ان سعرها بهال 1300 الى ال 1500 كان معقول .........

ولو اانه بعد ب 1000 كان ازين شوي

<<<<<< ياشيخ ضف عفشك وفارقنا:(

:)

[نقا هشال]

خيمه ممتازه

الجوني يعطيك الف عافيه

[الملثم]

وعليكم السلام ورحمة الله وبركاته
إذا ما عليك كلافة تلفون المحل وهل هو اللي في مخرج 15

الضيغمي :/ مشكور على تعقيك وعلى البيت وجعل الله لك من الدعاء مثله اما سؤالك المحل تجد جوابه في الردود السابقه لي .,,
ما لقيت اسم المحل في الردود:confused:

[الجوني]

صح انا قلت في ردي السابق ومعناها ان اللي يبي وصامل يراسلني على الخاص لأن الخيمه عن طريق فهمتا.؟؟ يعني على الخاص اعلمك اكثر

[Bader-M]

كان نواي اخذ وحده مثلها
ولكن كنت متردد
ولكن بعد ما شفت الصور
خلتني اجزم عليها
..........
الله يعطيك العافية

[الجوني]

طاير بالعجة::/

شكرا على مرورك .... وشكرا على رفعك للموضوع.... وشكرا لدعمك له بأنها اعجبتك وانك صملة عليها

[ابو ايمن]

تسلم ياابو صالح على المعلومات ..

الله يبارك فيك .

[الجوني]

كايين قلي مثل وشي السيارة عشان اقول لك تجي ولا لا طولها يمكن 1 ونص / متر والعرض يمكن متر على شكل دويرة يعني قطرة حوالي 40 سم

[كايين]

مشكور اخوي الجوني على الاهتمام .. :)

السياره هي بورش كاين ( يمكن اول مره تمر عليك السياره لانها توها نازله :) )

على العموم انت ما قصرت وحطيت المقاسات وانشالله بتأكد وبحسب .. :)

يعطيك الف عافيه .. :)

[الرمثه]

يعطيك الف عافيه يالجوني على المجهود الغير بسيط

وعلى فكره وين تباع ياخ جوني



تحياتي

[بر الوالدين]

الجوني
الخيمه بالفعل رااااااااااااااايقه صراحه
بس ونا خوك نبي الخصم تكفى ياخوووووووووووك
ولو يكون لاعضاء الموقع :):)
:):)إثبتلي عاد إنك عضو :):)

[مدلّه الرعيان]

السلام عليكم ورحمة الله وبركاته
مشكور اخوي الجوني على هالموضوع الحلو - نعم مشاركتي بالموضوع متأخرة لكن كنت اتابع المشركات لعل احد الإخوان يثير هاالملاحضة - الكل طار بالعجه وجازت له الخيمة لإن الخيمة بالفعل وذفة وجميلة ، لكن ياجماعة من واقع خبرة وتجربة ، الخيمة إذا كثرت عدتها كثرت مشاكلها ، لابد يوم من الأيام وانت طالع للبر وتبغى تنصب ها الخيمة الجميلة تتفاجاء ان بعض المواصير او القطع الاخرى مفقودة ، بهاالحالة وش تسوي ؟؟!!! لكن انا اقول يا زين خيامنا العادية ( خيمة + عامود + ثباتات ) لكن المشكلة كيف نشيل هاالرواق اللي لا يمكن تصفيطه.
ورا ما ندور حل يمكن على اساسه نقدر نصفط ها الرواق بحيث يسهل حمله وتنحل مشكلة شيله بالسيارة . اتمنى ان كل يدلي بدلوه في إيجاد حل لهذا الموضوع ، ومعليش على الإطالة وتقبلوا تحياتي .

اخوكم / مدلّه الرعيان

[مدلّه الرعيان]

السلام عليكم ورحمة الله وبركاته
مشكور اخوي الجوني على هالموضوع الحلو - نعم مشاركتي بالموضوع متأخرة لكن كنت اتابع المشركات لعل احد الإخوان يثير هاالملاحضة - الكل طار بالعجه وجازت له الخيمة لإن الخيمة بالفعل وذفة وجميلة ، لكن ياجماعة من واقع خبرة وتجربة ، الخيمة إذا كثرت عدتها كثرت مشاكلها ، لابد يوم من الأيام وانت طالع للبر وتبغى تنصب ها الخيمة الجميلة تتفاجاء ان بعض المواصير او القطع الاخرى مفقودة ، بهاالحالة وش تسوي ؟؟!!! لكن انا اقول يا زين خيامنا العادية ( خيمة + عامود + ثباتات ) لكن المشكلة كيف نشيل هاالرواق اللي لا يمكن تصفيطه.
ورا ما ندور حل يمكن على اساسه نقدر نصفط ها الرواق بحيث يسهل حمله وتنحل مشكلة شيله بالسيارة . اتمنى ان كل يدلي بدلوه في إيجاد حل لهذا الموضوع ، ومعليش على الإطالة وتقبلوا تحياتي .

اخوكم / مدلّه الرعيان

[محمد العبدالسلام]

احبابي السلام عليكم ورحمة الله وبركاته

اشكر الاخ الجوني على تقديمه هذا الموضوع الطيب وانا معاك اخي مدله الرعيان وعندي اقتراح بالنسبة لخيامنا الحاليه اللي تكلمت عنها اخي مدله الا وهو نستبدل العصي اللي بداخل الرواق العادي بمواصير ونقوم بقص هذي المواسير الى جزئين وبطول نصف الرواق وفي حال بغينا نصب الخيمة تعدل هذه الطريقة وانا جربتها بالرواق العادي اللي يستخدم في الذرا ونجحت بس تبغى لك طولة بال وبالطريقة هذي نكون صغرنا حكم الرواق ويسهل حمله حتى بشنطة الجيب والسيارات الصغيره وما راح تحتاج الى وانيت وشكراً للجميع

وعندي سؤال للأخ الجوني اذا يسمح ؟

كم عدد المواسير الخاصة بهذي الخيمة ؟؟؟ وكم هو سمك المواسير لاني اتوقع خيمة بهذا الحجم ما راح يقل عدد مواسيرها عن 25 ؟؟؟