المشراق

[خشم الحصان]

اخوتي واحبتي في الله
السلام عليكم
قد كتبة موضوع يتطرق الي الاهل في الماضي والعادات و التقاليد وعن القريه وكانة الردود لاتشجع علي الاستمرار او البدايه وقد اصابني الاحباط نوع ماء في ذالك ولكن سوف احاول لعلي اجد من يويد هذه الفكره او والطرح فربما يجهل البعض منا عن العادات والتقاليد وعن بيوت الماضي وقد سمية هذا الموضوع
المشرق وسوف ابداء به
المشراق هو مكان كان الاباء و الاجداد يجلسون فيه ويتدولون الاحديث و القصايد وكان في كثير من القراي
عدة امكنه واشتقة كلمة مشراق من جهة طلوع الشمس اي من جهة الشرق حيث يجلسون في الصباح
ويشربون القهوه و الشاي وبعض من البينه والسمن و التمران تهيا ذالك او ان اهل المشراق ميسوري الحال
وكنة اذكر في ذالك الماضي اني اخذ جدي ابو امي رحمة الله عليه الي المشراق وكان ضرير وكنة امسك يده واذهب بهالي المشراق ثم يجتمع معه كثير من كبار السن وكان ذالك في قرية رغبه وكنة صغير وكانة وضيفتي خدمتهم اي يا...... قم جب الماء قم جب القهوه قم جب البينه قم قم قم وكنة سعيد جدآ وذالك لحبي الشديد لجدي رحمه الله تعالي وسكنه فسيح جناته وكانة بعض المشاريق ام ان تكون مبنيه اي مرتفعه عن الارض او ان تكون علي الارض ويجلسون علي حنابل المخططه وكل واحد ياتي بقصه او شعر وكانة المشاريق لها طابع خاص وكانة مثل المنتدي حاليآ حيث النقاش و السوليف وحل بعض المشاكل التي تحدث
في ذالك الوقت والصلح وعند الاذان الضهر كل يذهب الي المسجد عبر سوق القريه وكان يسمي المسحب
وبعد الصلاة نرجع الي البيت
.
هذي نبذه بسيطه عن المشراق
ارجو ان اكون قد وفقة في شرح الموضوع
نرجو من لديه تعقيب او توضيح او زياده ايفدتينا فربما يحتاج شخص الي هذه الموضيع اما في بحث او معرفة الماضي.
اخوكم
خشم الحصان

[مشغول]

الله يعطيك العافية موضوع جميل اخوي خسم حصان

انا أوافقك على هذا الطرح الجميل اللي بتعرفنا على ماضينا المشرق

وإلى الأمام بارك الله فيك .

على فكرة وش لون الجيب حقك في هذا الشتاء عسى القير يعشق :D

وهلا بك

[حد السيف]

السلام عليكم ورحمة الله وبركاته
خشم الحصان
يرحم من عقبوك
تراث قديم حتى بالقرى بدى بالانقراض وللمعلومية عانت الجلسة تضبط الامن للحارة وكانت مثل وكالات
الانباء اى حدث يتم انتقالة في الحارة وسكانها وكم كان المشراق يعتبر مثل المنتدى يتم من خلالة الكثير من التجارب
بيض الله وجهة لعرض احد صور الماضي واحد اهم الرموز الثقافية والبيئية لنا وتعتبر من اهم المجالس لكبار السن وشيباننا

محبك اخيك
حد السيف

[فـ(الجـوف)ـتى]

الله يعطيك العافية موضوع جميل اخوي خشم الحصان

انا أوافقك على هذا الطرح الجميل اللي بتعرفنا على ماضينا المشرق

وإلى الأمام بارك الله فيك .

[حفرلوجيا]

اخوي خشم الحصان : في عباراتك وحروفك عبق الماضي :good:.. وجدك الله يغفر له قد يكون بكثرة طلباته .. وغيره من الآباء في زمن مضى في طبعهم وتربيتهم قسوة بعض الشيء ولكن النية والضمير حي ..

يعني اللي مثلك يا ( خشم ) في ذاك المشراق يوم كان صغيرا لم تكن كثرة الطلبات هي عمله الأساسي .. لاتنسى المطوع إذا حضر للمشراق ونقزت تجيب ( اللوح ) وأمرك تبدأ .. وبديت : ( أبا , أبي , أبوه .. حا , حي , حا .... ) .. وطاخ على علباتك وتجي على خشك بالأرض والمطوع يقول ( حا , حي , حو .. يا( ..... ) , وترجع تكمل و( خشمك ) أختلطت تحته قطرات الدم بـ( اشياء أخرى ) وبرطمك اللي ورم صاير تقل رفرف ونيت منزلة السست حقاته , ولا لك إلا بطرف كم ثوبك ( تمش خشمك :p ) وتكمل ولا أحد قال ( يحول , أو بسم الله عليك , أو قال برقة : تعال ياوليدي أشوف اللي بـ( خشمك ) .. لكن مع هالقسوة لو ماصليت الفجر أحد الأيام تشطر الجد أوالأب يتضرع لله بأن يعفو عنه .. وقد تهل الدمعة مع مناجاة ربه خوفا عليك.

يعني النوايا كانت صافية والتوجه كان نقيا .. لذلك القسوة مهضومة.

لكن اللحين العيال مايبون مشراق .. خذ الصورة المعاكسة :mad:.

الإب يتدرى على الإبن يا ( دهينة لاتسيحين ) والطلبات حتى لو صعبة او وراها أقساط وديون مجابة .. ولو شوكة بطت ( الوليد ) كان أعلنت حالة الطواري :(.. ولو أراد ( بعضهم ) يسوي فيها تربوي ;) وصادف ولده متسرمح بالسوق يضايق بنات الناس :mad:.. وانهبل الأب وتجرأ وهدد الولد وقال : ( عيب ):eek: .. مايقتنع الولد .. ليش ؟!

بلاه عارف ان أبوه خايف من أن يورطه.. ماهمته ( الأخلاق ) لأنه يخبر علوم أبوه بـ( رحلات الشتاء والصيف );) كلها ( قرقعة ودنفسة ):mad: لذلك الأب هنا ( بكل حياد ) >> خرطي .

تدري ياخشم الحصان وش نقول : الله يرحم جدود عقبوك وجدود عقبونا .

------------
خاص لأخوي خشم الحصان وبس : اللحين توي أستوعب طفولتك وأفهم من وين جت تفاصيل موضوعك : ( من واقع الخبرة (http://www.mekshat.com/vb/showthread.php?threadid=15573)) أجل لاتعتب علي بردي عليك في ذاك الموضوع

[خشم الحصان]

الاخوه الغالين
السلام عليكم
الاخ مشغول الله لايشغلنا الا في طاعته ومشكور كل الشكر علي مرورك علي فكره اسمي خشم وليس حسم
اما لون الجيب والقير عسه يعشق ذبية في البطن حصة نبي نركد الله وعلم انك حولنا حولينا
الاخ الغالي حد السيف مشكور يالغالي علي ماذكرت وكلمك في محله منها جلسه ومنها ضبط امن الحاره
بس منول قليلين .
الاخ راعي الاوله فتي الجوف مشكور علي وقوفك معي وتايدك لي
شعرة جوفي ابو سليمان (حفرلوجيا) الله مير يجزاك كل خير لدعائك لجدي وهذا مير مناب مختلفين فيه خابرينك
بس السم في الي بعده هين هين يالضبنلوجيا (اجيب الوح) وطرقات علي العلبا وتندق خشتي في الارض ثم( ن)
يرعف وختلط معه .........:mad: وبرطمي من تبنطه في الارض كنها رفارف احسن من فحمات سيكل سته وعشرين ربل ذيك السود منول ومش خشمي في طرف ثوبي من اطرف الكوع لين المعصم سحبه وحده وبعدها نشقه لين يرجع الباقي الي منسحب كنه رتبة عريف وغادي
ذالك الكم الوان الطيف ولو تهصره تكسر من الي عليه:D الله كريم ماشفنا حنان يازبريه طايره او كربه موجه او يد نجر نوع سكود ولا يردها الا هالدمجه وغاديه روسنا كنها سطح القمر مغير فلوق وصعرير:D
اما الصلاة فذكر في المسجد يعدون كل واحد ويويلك يالي ماترد ولونك حاضر وخذك غفوه في المسجد ولا ردية
رحة في خريطها تحلف ولا ماتحلف ماصليت فتلقاء الوحد كنه مروحة جلسي مغير يتلفة يمين ويسار يعني شوفوني
:D اما هلحين لو تقول لولد جارك ورا ماصليت قالك بكل ادب وحترام مع رزة الخشه كنها قنفذ منطول في طشة ماء وانت موكل بي وش يدخلك ثم تدنق راسك مستحي كنك بزر ماحل الوجب خايف من المدرس وانت خايف من تصرف ارعن من الي قدمك ايه الله يرحمكم يالي تعدونا منول حتي دكتور المستوصف يحظر محد يعفي من خمس الين تموت........ يالله ان تجعلهم في جنات النعيم
اخيي حفرلوجيا كلمك في الصوره المعكسه للمشراق في الماضي في محله وعيالنا الحين مثل الماء الي في الطشة متدري وين بينكب معه وانت شايله يعني متدري وين الطعه بتجيك منه والسبه هالنعمه وتغير الزمان
والمكان الله كريم
الله يجعل جدنا و جدنكم في الجنه امين امين امين
الله ياني شطحة هذي عويد حفرلوجيا يلدغك ثم يقتمص ثوب المسكين
هذا الي فيه مربط الفرس كل الي قلته علشان هالسطر يعني طفولتي موعنات من كثر الطق من المطوع
بس الي ترميله عرفته:good: :D :D :mad:
اخوكم
خشم الحصان

[Bo Rashed]

السلام عليكم ورحمة الله وبركاته

اخي الكريم خشم الحصان
بارك الله فيك وذكرتنا بما مضى ذكرك الله بالشهاده والمشراق او اللي نسميه حنا الدكه عندي له ذكريات مشابهه لذكرياتك لكني اشوى منك ما جاني الا على خفيف ورحم الله جدانك وجداني وجدان المسلمين والله اني احمد ربي اني لحقت على جداني وتعلمت منهم الكثير فجزاهم الله عنا خير الجزاء

وادعوك الى الاستمرار في مثل هذه المواضيع ولا تبخل علينا بما عندك

قريت شي في ردك الاخير وجلست اتخيله اول ما كملت الصورة في مخي بغى ينشق بطني من الضحك

ومش خشمي في طرف ثوبي من اطرف الكوع لين المعصم سحبه وحده وبعدها نشقه لين يرجع الباقي الي منسحب كنه رتبة عريف وغادي ذاك الكم الوان الطيف ولو تهصره تكسر من الي عليه

ما شاء الله على خشمك :D

وفقكم الله
تحياتي