العمده عصوم
04/11/2008, 12:50 AM
ماشاءالله تبارك الرحمن
جهزنا عزبة الشاهي وحركنا من الديره الساعه سبع الصبح , وصلنا كوبري الفروسيه والدنيا مناقع , وصلنا تفتيش الثمامه وبدت ترش , طبعن الطعوس رويانه اللهم لك الحمد , فرقنا مع الطوقي , ونوجه لشلالات الطوقي , ويالله , ولا اروع , الماء يصب صب , والعالم شوييين , وتشوف العالم ينزلون من سيارتهم وكلن نفسيته مبسووووطه اتوقع اغلب العالم وانا منهم نزلنا وسياراتنا مشغله من الحماس والوناسه بشوفة الشلالات , قعدنا عندها حوالي الساعه الى تقريبا الساعه 9 والأمطار ماوقفت ماشاءالله , حركنا ثاني مره والوجهه التنهات , طول الطريق الشعبان تمشي فوق الأزفلت , وبعض المواتر المساكين واقف بعد الشعيب طافيه مواترهم , والله بالطريق الى التنهات نمشي تقريبا بسرعة ستين والمساحات اقوى شي وماتلحق , السحاب كان قريب جدا جدا من الأرض وأسود , والنفيض ولاأحلى , المهم وصلنا للتنهات , دخلنا بين الطعوس ماشاءالله ولا احلى بدون دبل وبدون تنسيم تتمشى والأمطار مستمره بس خفيفه , روضة التنهات نفسها الماء فيها شوي بس اللي ورى الروضه مليان مناقع فيها ماء وكلن قاعد عندها وتصوير والعالم اللهم لك الحمد مبسوطه , طبعن للمعلوميه من يوم تعدينا الفروسيه الساعه السابعه الى التنهات الساعه 10 ونص تقريبا والجوال منقطع مافي ارسال , طبعن وحنا طالعين من التنهات اشتغل الأرسال , طبعن انا ورفيقي ابو عزيز تقل شغالات مبسوطات برسايل , كل واحد بدا يدق على ربعه ويبشرهم وحنا نتمشى نبي نطلع من التنهات , وفجأه , طبينا بجرف , طبعن غلطتي لأني كنت ساهي بالجوال وخويي نفس الشي , طبينا بجرف الكفرات اللي ورى تدور هواء , واللي قدام ناشبات بالجرف , وخويي صقع راسه بالقزازه :D , طبعن سبحان الله الصباح اشوف الواير مجدوع بالحوش قلت ياولد خل اخذه احطه بالسياره قبل ماأطلع مع اني ماأظن نحتاجه , والله وتبدا مرحلة التأشير للعالم , وأشوى اقل من دقيقه وياقف عندنا اثنين من كبار السن معهم وانيت جمس , طبعن الدنيا تضرب مطر , طبعن الشيبان ماهزئونا الا شوي :D , المهم ونربط الواير بموترهم ويجرونا ونطلع , الله يجزاهم خير , طلعنا من التنهات , الوجهه هجرة الطيري وشعيبها الجميييييل , وندخل للديره وماشاءالله الشعيب يمشي مشي كبييييير وقوي جدا والدنيا من حوله كله تصب عليه , حتا قربنا عنده وانتظرنا حول نص الساعه يوم جينا نطلع تأخرنا مالقيتا مكان نطلع معه الشغايا كل مالها تكبر وتزيد والحمدلله تعدينا وحده منهم ومشينا, المهم والله ونرجع على الساعه 11 ونص تقريبا والمطر قوي جدا والمساحات ماتسوي شي راجعين لمفرق الطوقي , والعالم توهم جايين , وصلنا الطوقي وهو الى اللحين يصب ماشاءالله , بعد الطوقي فرقنا يمين عشان نطلع على خط القصيم , والشعبان كله تمشي ماشاءالله , تعدينا خط القصيم الى دقله , طبعن بدقله كانت الشعبان اكبر واسرع , جزمنا وقطعنا شعيبين شاقات الزفلت , بس عقبها صراحه ماقدرنا نغامر لأنه تمطر بقوه والشعبان اكبر وكنا تقريبا لحالنا , ديورنا ومسكنا خط الرياض , ونمشي شوي وقبل الرياض تقريبا بستين كيلو نشوف العالم واقفين يمين ويسار الخط , قلنا الله يستر لا يصير حادث , اثر العالم واقفين عند شعيب صلبوخ , وتصوير , وهنا طفى جوالي , ماقدرت اصور , بس ماشاءالله الشعيب يمشي مشي والله العظيم كأنه نهر صغير والعالم واقفين وتصوير , وكملنا للرياض والأمطار ولا أجمل ماوقفت , طبعن عند تفتيش صلبوخ كان فيه تريلا قالبه ومليانه سماد بس الحمد لله قالبه بالجزيرة اللي بالنص وانشاءالله جات سليمه ,واستمرينا الى الرياض اول مادخلنا وقفنا عند الرومانسي اللي مقابل نادي الشباب وذيك الكبسه الطيبه :D , طبعن دخلنا الرياض الساعه 3 مادخلنا البيت الا الساعه 4,30 وتعرفون عاد الباقي والرياض والمصايب اللي صارت بالرياض بعد الأمطار والشوارع كلها مسكره وربك يعين .
شطحات :
- تحسفت كثييير اني ماخذت الكاميرا , لأني الصراحه ماتوقعت هالأجواء بس كاميرا الجوال ماقصرت مع ان الصور مو واضحه
- معنا عزبة الشاهي نبي ناقف نصلح شاهي ماقدرنا من كثرة الأمطار
-اللهم يارب ان تطرح بالأمطار البركه وتعطينا من خيرها وتكفي المسلمين من شرها
- ساعدني بالرحله العزيز الأخ بندر ابو عبدالعزيز
- محدثكم ابو ابراهيم
http://www.mekshat.com/pix/upload02/images85/mk39248_1.jpg
http://www.mekshat.com/pix/upload02/images85/mk39248_2.jpg
http://www.mekshat.com/pix/upload02/images85/mk39248_3.jpg
http://www.mekshat.com/pix/upload02/images85/mk39248_4.jpg
http://www.mekshat.com/pix/upload02/images85/mk39248_5.jpg
http://www.mekshat.com/pix/upload02/images85/mk39248_99.jpg
http://www.mekshat.com/pix/upload02/images85/mk39248_7.jpg
يتبع
جهزنا عزبة الشاهي وحركنا من الديره الساعه سبع الصبح , وصلنا كوبري الفروسيه والدنيا مناقع , وصلنا تفتيش الثمامه وبدت ترش , طبعن الطعوس رويانه اللهم لك الحمد , فرقنا مع الطوقي , ونوجه لشلالات الطوقي , ويالله , ولا اروع , الماء يصب صب , والعالم شوييين , وتشوف العالم ينزلون من سيارتهم وكلن نفسيته مبسووووطه اتوقع اغلب العالم وانا منهم نزلنا وسياراتنا مشغله من الحماس والوناسه بشوفة الشلالات , قعدنا عندها حوالي الساعه الى تقريبا الساعه 9 والأمطار ماوقفت ماشاءالله , حركنا ثاني مره والوجهه التنهات , طول الطريق الشعبان تمشي فوق الأزفلت , وبعض المواتر المساكين واقف بعد الشعيب طافيه مواترهم , والله بالطريق الى التنهات نمشي تقريبا بسرعة ستين والمساحات اقوى شي وماتلحق , السحاب كان قريب جدا جدا من الأرض وأسود , والنفيض ولاأحلى , المهم وصلنا للتنهات , دخلنا بين الطعوس ماشاءالله ولا احلى بدون دبل وبدون تنسيم تتمشى والأمطار مستمره بس خفيفه , روضة التنهات نفسها الماء فيها شوي بس اللي ورى الروضه مليان مناقع فيها ماء وكلن قاعد عندها وتصوير والعالم اللهم لك الحمد مبسوطه , طبعن للمعلوميه من يوم تعدينا الفروسيه الساعه السابعه الى التنهات الساعه 10 ونص تقريبا والجوال منقطع مافي ارسال , طبعن وحنا طالعين من التنهات اشتغل الأرسال , طبعن انا ورفيقي ابو عزيز تقل شغالات مبسوطات برسايل , كل واحد بدا يدق على ربعه ويبشرهم وحنا نتمشى نبي نطلع من التنهات , وفجأه , طبينا بجرف , طبعن غلطتي لأني كنت ساهي بالجوال وخويي نفس الشي , طبينا بجرف الكفرات اللي ورى تدور هواء , واللي قدام ناشبات بالجرف , وخويي صقع راسه بالقزازه :D , طبعن سبحان الله الصباح اشوف الواير مجدوع بالحوش قلت ياولد خل اخذه احطه بالسياره قبل ماأطلع مع اني ماأظن نحتاجه , والله وتبدا مرحلة التأشير للعالم , وأشوى اقل من دقيقه وياقف عندنا اثنين من كبار السن معهم وانيت جمس , طبعن الدنيا تضرب مطر , طبعن الشيبان ماهزئونا الا شوي :D , المهم ونربط الواير بموترهم ويجرونا ونطلع , الله يجزاهم خير , طلعنا من التنهات , الوجهه هجرة الطيري وشعيبها الجميييييل , وندخل للديره وماشاءالله الشعيب يمشي مشي كبييييير وقوي جدا والدنيا من حوله كله تصب عليه , حتا قربنا عنده وانتظرنا حول نص الساعه يوم جينا نطلع تأخرنا مالقيتا مكان نطلع معه الشغايا كل مالها تكبر وتزيد والحمدلله تعدينا وحده منهم ومشينا, المهم والله ونرجع على الساعه 11 ونص تقريبا والمطر قوي جدا والمساحات ماتسوي شي راجعين لمفرق الطوقي , والعالم توهم جايين , وصلنا الطوقي وهو الى اللحين يصب ماشاءالله , بعد الطوقي فرقنا يمين عشان نطلع على خط القصيم , والشعبان كله تمشي ماشاءالله , تعدينا خط القصيم الى دقله , طبعن بدقله كانت الشعبان اكبر واسرع , جزمنا وقطعنا شعيبين شاقات الزفلت , بس عقبها صراحه ماقدرنا نغامر لأنه تمطر بقوه والشعبان اكبر وكنا تقريبا لحالنا , ديورنا ومسكنا خط الرياض , ونمشي شوي وقبل الرياض تقريبا بستين كيلو نشوف العالم واقفين يمين ويسار الخط , قلنا الله يستر لا يصير حادث , اثر العالم واقفين عند شعيب صلبوخ , وتصوير , وهنا طفى جوالي , ماقدرت اصور , بس ماشاءالله الشعيب يمشي مشي والله العظيم كأنه نهر صغير والعالم واقفين وتصوير , وكملنا للرياض والأمطار ولا أجمل ماوقفت , طبعن عند تفتيش صلبوخ كان فيه تريلا قالبه ومليانه سماد بس الحمد لله قالبه بالجزيرة اللي بالنص وانشاءالله جات سليمه ,واستمرينا الى الرياض اول مادخلنا وقفنا عند الرومانسي اللي مقابل نادي الشباب وذيك الكبسه الطيبه :D , طبعن دخلنا الرياض الساعه 3 مادخلنا البيت الا الساعه 4,30 وتعرفون عاد الباقي والرياض والمصايب اللي صارت بالرياض بعد الأمطار والشوارع كلها مسكره وربك يعين .
شطحات :
- تحسفت كثييير اني ماخذت الكاميرا , لأني الصراحه ماتوقعت هالأجواء بس كاميرا الجوال ماقصرت مع ان الصور مو واضحه
- معنا عزبة الشاهي نبي ناقف نصلح شاهي ماقدرنا من كثرة الأمطار
-اللهم يارب ان تطرح بالأمطار البركه وتعطينا من خيرها وتكفي المسلمين من شرها
- ساعدني بالرحله العزيز الأخ بندر ابو عبدالعزيز
- محدثكم ابو ابراهيم
http://www.mekshat.com/pix/upload02/images85/mk39248_1.jpg
http://www.mekshat.com/pix/upload02/images85/mk39248_2.jpg
http://www.mekshat.com/pix/upload02/images85/mk39248_3.jpg
http://www.mekshat.com/pix/upload02/images85/mk39248_4.jpg
http://www.mekshat.com/pix/upload02/images85/mk39248_5.jpg
http://www.mekshat.com/pix/upload02/images85/mk39248_99.jpg
http://www.mekshat.com/pix/upload02/images85/mk39248_7.jpg
يتبع