باذن الله ابطلع للصمان اليوم وين اكثر الاماكن ممطورة ؟

[الدهماني]

باذن الله ابطلع للصمان اليوم وين اكثر الاماكن ممطورة ؟

[مكشاتي متقدم]

هالوقت ياخوك مهب وقت الصمان


وقت النفود

بس انتبه للطين

[غضنفر]

الصمان خطر في هالوقت
خلك حول المسفلت و الشعبان وعساك تسلم
واذا انت صامل
خلك بالصمان الي حول الرفيعة
ام قرين - دغيم - الحاج - العودة
وترى الدهنا بهالوقت ما مثلها
جاها مطر طيب

[الدهماني]

الاخوة غضنفر ومكشاتي متقدم
جزاكم الله خير على المعلومات والنصيحة

[سعد الاحمد]

والله مثل ما قالوا الاخوان انتبه من الصمان في هذه الايام الممطرة فهو خطير جدا جدا ..

الطين ما ينمزح معه حتى لو كان معك اطلق جيب ..

هذه الايام هي وقت النفود وشبة النار وسعة الصدر .. الى ان تهدأ الأمور وبعدين يجي وقت المكاشيت في الشعبان والفياض وغيرها ...

[mr_ams]

الله معك و لاتنسانا بالصور

[bo_s3ayed]

والله مثل ما قالوا الاخوان انتبه من الصمان في هذه الايام الممطرة فهو خطير جدا جدا ..

الطين ما ينمزح معه حتى لو كان معك اطلق جيب ..

هذه الايام هي وقت النفود وشبة النار وسعة الصدر .. الى ان تهدأ الأمور وبعدين يجي وقت المكاشيت في الشعبان والفياض وغيرها ...





ممكن اعرف سبب الخطوره ........معلش اخوك غشيم اتمنى الافاده

[بدراان]

والله وانا اخوك نصيحتي لك خل طلعتك للنفود وترا ان جااء سيووول وامطاار قوية

احتمال احتجازك من السيل كبير . . قد سمعت قصة ان فيه ناس جلسوا حوالي 5 ايام

حتي انحسار مستوي الماء والله يوفقك ويستر عليك

[ما هقيت]

5 ايام قووووووية شوي

[مدمن الكشتات]

خطورة الصمان ... الطين حيث أنك تمشي بأرض زينة وما تدري الا انت غاطس بالطين لأن الأرض متخمرة الآن أصبر ورح للنفود وفلها وشب من هالأرطا
وكذلك من المخاطر قد يحاصرك المطر من كل الجهات ولا تقدر تطلع الا بقارب او طيارة وبعد ين التوقعات ان الأيام القادمة أمطار ويمكن تربص وتخيس لك اسبوع وتموت من البرد والجوع !!! أحذر واسمع النصايح !!!

[ffahad]

مثل مقالو الاخوان
خلك في العروق انكانك كشات ولا جهة الفياض ماحد يقربها

لاانك بتنشب بس نصيحه

كثر الاكل معك ولا الماء بتعينه حولك في الخباري ههههههههههههه
الله يردك سالم

[الصياهد]

بعد اتصالي بأحد الاخوة في الرفيعة افادني بالآتي :
الكلام عن مطر امس الاثنين يقول استصحينا من كثافة الامطار ولله الحمد
السيارات مغرزة في الطين (الأرض خامرة ) رحنا نطلعها بغينا ننشب معهم ما يراح للصمان الحين
حتى الحاصبيات سايلة
اللهم لك الحمد اللهم سقيا رحمة

[ص ق ر001]

ممكن اعرف سبب الخطوره ........معلش اخوك غشيم اتمنى الافاده
والله مدري انت غشيم ولا تغيشم

الصمان هالوقت ماحد يروحله الا الي بايع نفسه من تنزل من المزفلت وموترك غايص
بطنه ولا حد حولك الصمان طلعته بعد توقف المطر بسبوع رح تمش على كيفك
اما هالوقت خلك حول النفود وعينك على المزفلت

[السابقي]

اي والله ياخوي مثل ماذكرو الاخوان

الصمان ان امطر اهله حذرين ونت راح تستانس وتنبسط

فعلا اجواء النفود لا يعلى عليها الان

الصمان لامن الارض ربعت والعشب طلع باذن الله ريح يمه

اتمنى لك التوفيق ...

[راعي الاشعثه]

الله معك والي نبيه منك أنك ما تنسانا بالصور.
وأرجو من الأخوان الي قد زار الصمان في قرب وعنده صور الأمطار
أنه ينزلها ولا يبخل علينا.........

[ملاعب الذيب]

ما قصرو الاخوان 0 النفود ابركلك اسمع الكلام

[ابو شورى]

نصيحة لك وانا اخوك لاتطلع الان البر خطر جدا وخصوصا ان الامطار لازالت تسقط ومرجحة بزيادة

[ابن غرير]

الله إسمح دربك وسهل أمرك ولا رجعة عطنا أعلوم الصمان والفياض

[m1m]

الدهنا زينة :)

لو أردت أن تضرب جلد .. وتدخل الصمان الدبل يكون شغال من تفرق من الزفت ..

يعني الحذر الحذر