الي ماعنده كنود (لا سلكي) لايضيق صدره...

[mmm2007]

بمناسبة الأمطار والخيرات الي نسأل الله أن يبارك فيها ويعم بنفعها أرجاء المعمورة


وبما أن الأجواء (ماشاء الله) أجواء كشتات


حبنا نذكر الأخوة بعرض الاتصالات ونهب بهم أن يستفيدوا منه في كشتاتهم.


http://www.stc.com.sa/cws/content/ar//stc/images/stillar.jpg (http://www.stc.com.sa/cws/content/ar//individual/jawal/content/bundles.htm)


تكفون خلوهم يندمون على هالعرض افتح جوالك ولاتقفله إلا بعد يومين


واستخدمه وانت في البر كأنه كنود بس بيكون بينك أنت واحد تستفيد منها وأنتم على الطريق سوالف وفله :p


مثلا إذا طلعتوا للبر دق على واحد وخل الخط مفتوح إلين ترجعون بالسلامة إن شاء الله رايح تكون بتكلفة خمس دقائق فقط.



ولكن انتبه العرض بين شرائح جوال الاتصالات.(يعني :no2: لاتدق على موبايلي وتقول أحسب إنه)

[موبايلي]

الله يعطيك العافية

[سيف الظفير]

يمال العافيه بس لا تنسى التأثير على الرأس والمخ والاعصاب يا الغالي

[عشانا]

لاتنسى انه بعد اول خمس دقائق
يحليلك شركة الاتصالات ماتهرول عيث
لو قالو بعد الدقيقة الاولى او الدقيقة الثانية يمكن بس منهو الي يبي يخرط
بالجوال اكثر من خمس دقائق
المستفيد من هذه الاغراءات هن الحريم لان ما تزين السواليف عندهن الى
بعد الدقيقة الخامسة

[عريدان]

والله أنا جربته في إعطاء دروس خصوصيه لمجموعة طلبه عبر الاسبيكر بس كل 20 دقيقه يقطع الاتصال

[فهد-بوعبدالله]

كثر قطع المكلمات في الدقائق الاولى وهذا شي ملحوظ مني ومن قبل بعض الشباب بعد ما طرح هذا العرض ...........يالله المستعان...........كل شي وله شي

[الحريف]

عاد منهو اللي يبي يسولف أكثر من خمس دقايق

الله يعطيك العافية اخوي mmm2007 اتوقع اكثر الناس استفاده من هذا العرض هن الحريم

[Abu-Nawaf]

الله يعطيك العافية

[راعي نجيمه]

52دقيقه وانقطع الاتصال بـــ2.77ريال

[سراي ليل]

ياليتك تراجع فواتيرك السابقة وتشوف مكالماتك اخاف ماتتعدا 5 قائق

انا بالنسبه لي راجعت فاتورتي السابقه ماحصلت إلا مكالمتين متعديه الخمس دقائق والباقي على دقيقه ونص أو ثلاث دقايق وحولها (يعني ما أستفيد من العرض بالعكس )

[sendbad]

صدقت يا سراي ليل ولا يهون الاخوان الباقين
اطوال مكالمه في فاتورتي ثلاث دقايق
وبعدين سمعت ان الجماعة الحين قامو يقطعون المكالمات لمن توصل عشر دقايق

[هاوي خلا]

اخوي الغالي mmm2007 :
السلام عليكم ورحمة الله وبركاته وبعد :
يالغالي لا حظ بعد الدقيقة الخامسة بثواني يقطع الأتصال عندك في كثير من الأحيان وان اعطوك اكثر يقطع بالدقائق اللي تليها مباشرة السادسة السابعة الثامنة الخ الا اذا لهو عنك الموظفين ما قطعو تراك حظيظ والله كل مكالماتي تقطع بعد الدقيقة الخامسة بثواني ومره نسوني وكلمت سبع دقايق هههههههههه يعني استفدت دقيقتين ببلاش .
بعدين هذا عرض لعب يبونك تطمع وتكلم اكثر من خمس دقايق وهم المستفيدين فأخواني اللي قبلي قالو ان اكثر مكالماتهم ما تتعدى دقيقة دقيقتين ويسكرون يعني ما يصلون خمس فهم المستفيدين من الخمس دقايق يعني الواحد يبي يترهى ويقول بعد الدقيقة الخامسة ببلاش خلني اوصلها كذا وهو بالاساس ما يكلم ولا ثلاث دقايق يعين استغلال حتى في العروض .
بعدين ما لقيت تسوي عرض الا لهم وربي انهم اكبر نصابين بالعالم اكلو فلوس العالم بالفواتير والاتصالات والرسايل بدول ثانية لو تكتب مليون حرف رسالة واحده وحنا معدود عليك الحروف المضروبين هذولا .
لذلك اتمنى حولو لأي شركة ثانية غير الاتصالات حتى لو من اي دولة ثانية لأنهم ما شفنا العروض منهم الا يوم جت لنا شركة موبايلي وزين .
والله لو يطلقون العنان لموبايلي وزين كان تشوف المكالمات والرسائل والوسائط بأخو البلاش بس وش نقول الضغوط عليهم قويه يعني لا يرحمون ولا يخلون رحمة الله تنزل .
انا اقول خلنا نرجع لعهد القواطي والحبال اللي بكتاب العلوم اول هههههههههههههههههههههه.
ولكم تحياتي .
اخوكم / هاوي خلا .

[قناص سدير 20]

والله انكم حبيبين ,,

تدرون عاد انهم نصابين ,,

انا أول ما حطوا العرض , قلت ابجربه

يوم راحت 28 دقيقة وتنقطع المكالمة ,,

توقعت انه مني ولا من خويي ,,

بس يوم جربت مره ثانيه ,, انقطع نفس الشي


.. يعني على بلاطه كلم خمس دقايق ثانيه ,,

يعني ,, سارقينك سارقينك

[ابو خــــالد]

بمناسبة الأمطار والخيرات الي نسأل الله أن يبارك فيها ويعم بنفعها أرجاء المعمورة


وبما أن الأجواء (ماشاء الله) أجواء كشتات


حبنا نذكر الأخوة بعرض الاتصالات ونهب بهم أن يستفيدوا منه في كشتاتهم.


http://www.stc.com.sa/cws/content/ar//stc/images/stillar.jpg (http://www.stc.com.sa/cws/content/ar//individual/jawal/content/bundles.htm)


تكفون خلوهم يندمون على هالعرض افتح جوالك ولاتقفله إلا بعد يومين


واستخدمه وانت في البر كأنه كنود بس بيكون بينك أنت واحد تستفيد منها وأنتم على الطريق سوالف وفله :p


مثلا إذا طلعتوا للبر دق على واحد وخل الخط مفتوح إلين ترجعون بالسلامة إن شاء الله رايح تكون بتكلفة خمس دقائق فقط.



ولكن انتبه العرض بين شرائح جوال الاتصالات.(يعني :no2: لاتدق على موبايلي وتقول أحسب إنه)
وانت مصدق > بعد 12 دقيقه يقطعونه ((جرب))عشان تدق مره ثانيه ويكسبون

[ابو شهد جدة]

للأسف فيه ناس مازالت تصدق هذه العروض الوهمية.

الله ماشفناه وبالعقل عرفناه.

يعني ابي اسألكم ايش الفايده يعطونك الدقيقة بلاش بدون رسوم؟

تخيل انت لو راعي كبينة اتصالات وسويت هذا العرض تتخيل في احد يصدقك؟؟

اكيد فيه بس تلاقي الناس كلها عند باب محلك يعني بالعربي زحمة.

مابالك اذا الاتصالات عملت هذا العرض ايش تتوقع من ضغط بيلحق الشبكة؟؟

[أبو المثنى]

أولا : كذبة هالدعاية يعني إذا تجاوزت الـ خمس دقائق بقليل انقطع الخط
ثانيا : ما نبي دقائق مجانية ،، نبي شبكة زي الناس
دايم الشبكة مشغولة خاصة إذا صار وقت كشتات أو أعياد أو غيرها

[البيسك]

المشكلة إن المنافسين للاتصالات كثرو وهم ولا همهم ودي اعرف هو من جد الشركات الي طلعت منافسة؟؟؟؟ والا كلهم شراكة بس كلن يآكل من صحنة!!!