اخبار ..الخويش..غيلانه ..الرمحيه ..البويب..وما الى ذالك..مع ..مرسل الرياض(كن مع الله)

[كن مع الله]

بسم الله الرحمن الرحيم


السلام عليكم ورحمة الله وبركاته



هنياً لكم الرحمه


اليوم بعد اداء صلاة الفجر وانا اقوم


بالدخول الى الغرفه ..وصوت الديمه على المكيف


دخل على والدي طول الله بعمره على طاعته


قالي بصريح العباره


(هاه وش رايك نمشي خريم )


قلت سم توكل على الله


بعدها خرجنا بإتجاه طريق خريص بإتجاه الشرق


طريق الدمام


وبعد ماتعدينا محطة لتر


وتزودنا منها بالوقود دخلنا


(بضباب)


عنيف جدا قد حجب الرئيا عنا ولاتعلم عن السيار الي بجانبك الا عند القرب منها


يالله سلم سلم


استمر معنا الضباب الى ان اقبلنا على وادي خويش


وهو يمشي مشي طييب بالحيل يارب لك الحمد


بعدها مررنا بغيلانه يمشي وهو يمشي اقوى من الخويش


يارب احمدك واشكرك على نعمك التي لاتعد ولا تحصا


استغفر الله استغفر الله استغفر الله


بعدها اتجهنا الى وادي الرحميه تدرون وش شفنا
.


.


.


.


.
.سيل قوي:d يالله لك الحمد الوادي يمشي مشي قوي جدا جدا


نزلنا القهوة وتقهوينا ووسعنا الصدر


ثتم اتجهنا الى الرياض من مفرق البويب


وظربتنا سحابه طيييبه بالحيل الى ان اقبلنا على محطة الخزام


والناس في روس الطعوس وزحمات وضيقت صدر في ذيك المناطق


ولا انصح بالذهاب الى تلك المناطق


بإختصار من ان خرجنا من الرياض والسيول في كل محل
يالله لك الحمد والشكر


واعذرونا عن عدم التصوير
وشكر الله لكم

[ابوشكر]

اهم استانس الوالد ويعطيك العافيه

[عاشق الخلاء]

ماجاء منك قصور علومك غانمه وطيبه بالحيل الله يسلم لكم الوالد ...وبلغها سلامنا