طريقه جديده لطرح الصقور [الأرشيف]

سندالخوي

04/11/2008, 01:50 PM

السلام عليكم
طريقه لطرح الصقور بالحمام البري
1- حمامتين بريه
2- صلو طوله متر (يعني خيط نحيف ويكون شديد)

اول شي ياطويل العمر تلبس كل حمامه شبكه

وثاني شي تربط الخيط بين الحمامتين كل وحده برجلها وبكذا ما يبعدن وكل وحده بتتحرك ولا تهيد
وتشوفلك معبر طيور او ضلع او اصبخه وتحذف الحمامتين فيها وتروح قدر المستطاع عنها بعيد ودربل عليهن
وبمشيئةالله تشوف الخير
بس ماتحط حمام عادي وتقول ما فاد شي لازم حمام بري لأنه طول الله عمرك مايتعب ويتحرك بستمرار اهم شي انه بستمرار يتحرك وهذي في البري بس وبعدين مايضمى بسرعه
وبكذ تلفت انتباه الصقور الحركه للحمام
بعدين لو هدعليهن ترى بيطيرن سوي بتجاه واحد يعني طيار
الصقر متجه عليهن من شمال بيروحن سوا جنوب وبكذا لوهد على وحده منهن وعلق والله افحل طير مايطير بثنتين

حبيت ان اطرح ماعندي من علم وخبره لكي يستفيدالكل وارجو لو فيه اي ملاحظات ان يتم طرحها للأستفاده
وفالكم الطير النادر

خيال ابن خيال

04/11/2008, 01:57 PM

أولا أتشرف اني أول واحد رد عليك
تسلم يمينك على المعلومه الجديده بس ودي أعرف انت الطريقه مجربها بنفسك؟؟؟؟؟

قناص البردويل

04/11/2008, 02:01 PM

فعلاَ طريقة حلوه واكيد مجربينها الطواااريح من قبل ماتخفى عليهم
يعطيك العافية

خيال ابن خيال

04/11/2008, 02:07 PM

فعلاَ طريقة حلوه واكيد مجربينها الطواااريح من قبل ماتخفى عليهم
يعطيك العافية
مشكور ياقناص على الرد

سندالخوي

04/11/2008, 02:30 PM

أولا أتشرف اني أول واحد رد عليك
تسلم يمينك على المعلومه الجديده بس ودي أعرف انت الطريقه مجربها بنفسك؟؟؟؟؟
تسلم طول الله عمرك على المشاركه وهذي طريقه مجربه وفيها الخير انشاءالله
بس يبيلها واحد عنده خلفيه عن معابر الطيور وافضل وقت الصباح بدري مع طلعة النور والساعه 11ضحى مع بداية حوم الطيور

السايس

04/11/2008, 02:36 PM

ماشاالله علبك:good:

والله انك خطير ياسند

عندي اسجل لك براءة الاختراع

وكر 111

04/11/2008, 02:37 PM

أخي سند الخوي
مشكور على طرح الموضوع فعلا هذا الطريقه علمونا بها الكوتين في منغوليا 2007
كنا نستخدمها في القطى لان طيور منغوليا تشبك بلا ثقاله وبدون طراد والسبب ان الطير يهد على الحمام ومايقدر
يضفه ولو طار بالحمام مابتخليه الطيور يتهنى بالحمامه لكن القطى يضفه الطير ويغدي بها لذلك علمونا الاخوه الكوتين بها

سندالخوي

04/11/2008, 02:41 PM

ماشاالله علبك:good:

والله انك خطير ياسند

عندي اسجل لك براءة الاختراع
سلمت ياطويل العمر على المشاركه وتخبر كل قناص وله طريقته في المقناص بس يبيلها طولة بال

نبع الدموع

04/11/2008, 02:47 PM

يعطيك الف عافية اخوي و طريقة حلوة لاكن وش طارت الحمامتين سوى و طلبن الضلع ويش بيكون مصيرهم؟

السايس

04/11/2008, 02:50 PM

ابشر ياصاحبي........ اقول متى المقناص
ترى الاحرار زان طرحها يظهرها السحاب

ابرق آلريش

04/11/2008, 02:51 PM

الله يجزاك خير

السايس

04/11/2008, 03:04 PM

اخوي نبع الدموع
مستحيل يطيرن مع بعض وهن مربوطات

نبع الدموع

04/11/2008, 03:23 PM

اخوي نبع الدموع
مستحيل يطيرن مع بعض وهن مربوطات
حمام الضلع معروف انة يطير اجوال شلون مستحيل و هن مربوطات :no:

الطريقة حلوة و دخلت مزاجي حيل هذا طبعا في ديرة ما يطبها قنوص

لاكن اشوف انة الاسلم تثبيت خيط الحمامتين بمسمار في الارض من الوسط
و يصير الحمام يطير في نفس المكان بحدود الخيط الي يربطهم

سندالخوي

04/11/2008, 03:26 PM

يعطيك الف عافية اخوي و طريقة حلوة لاكن وش طارت الحمامتين سوى و طلبن الضلع ويش بيكون مصيرهم؟
نبع الدموع حياك الله

ياطول العمر ازين شي ان الحمام يتحرك في مكانه وكل وحده منهن اطير الثانيه

بس بحاله وحده يطيرآ سوى اذا هد عليهم طير بيكون اتجاههم واحد وبيطيرآ سو بعدين ماينزل الطير من الجو غير الفريسه
يعني شي يهد عليه متحرك ويشوفه
ودايم عادت الطيور مثل العصافير والسمان والحمام يتخبى ........
العصافير بشجر السمان تحت الضرم او القشع الحمام بصدوع الجبال
ولآفيه شي ينزل الطير من السماء
ويا كم من القصص اللي سمعنها مثل الرجال
اللي يصيد طيور السمان ولقى سمنتين تحت اشجره رمى منها وحده والثانيه طارت ويطالع بي اشجره توقع وووماصحي غير على الطير اللي هاد عليها وماشاالله اطرحه
وياصاحبي شوف الطير ماينزله على البحر غير الحراره وكل اللي يطرحونها بسعوديه إمصادف طير
لاكن ماعندك احد ينزل الطير من الجو
وماينزله غير النقل ولا الكوخ ونادر اللي يستخدمها من كثرة مشاكلها مع المقانيص

F J

04/11/2008, 04:03 PM

فكرة حلوة

لكن بها عيب : ممكن الحمام يتشربك ببعضه..

وجزاك الله خير

راعي مطروح

04/11/2008, 07:00 PM

بيض الله وجهك ع المعلومه

الرووقي511

04/11/2008, 08:43 PM

اخوى سند الخوى الطريقه من حيث الفكره جيده بس هل يحق لك رمى زريق بدون ماتشوف طير هذى يمكن يكون فيها اختلاف اذا كان المنطقه فيها قنوص واجد ؟

سندالخوي

04/11/2008, 09:46 PM

اخوى سند الخوى الطريقه من حيث الفكره جيده بس هل يحق لك رمى زريق بدون ماتشوف طير هذى يمكن يكون فيها اختلاف اذا كان المنطقه فيها قنوص واجد ؟
اخوي الصلف اصابع يدك ماهي وحده صحيح
بتلقى انسان ملقوف .....ونسان حاسد.......ونسان صاحيي.....ونسان الله اعلم بحاله
والسماء وانا اخوك مفتوح ورزق الله كثير والارض كذالك
وانا ماني ناكر حق احد ونااخوك لاطاح طير بشبكي وحمامي وشايف الرجاجيل امشغلين نورهم وطيرهم جاني وطاح عندي والله غير امهده وبرقعه وعطيهم حقهم لجلن مالي حق بطير وعاد ونا اخوك هم وشيمتهم
وذا بتحسب حساب لكل واحد والله ياحقك بيروح ونت انشالله ابخص
علمآ ان فيه ربع والله تقنص الحديد لاشافك واقف غير إدربل عليك يشوف وش عندك وتحياتي

القطاوي 2008

05/11/2008, 01:24 AM

مشكورررررررررررر يالغالي
والله يرزقك أن شاء الله بالطير الوافي

سندالخوي

05/11/2008, 02:53 AM

حبيت انزل لكم الصور
هذا طول الله عمرك الحمام البري امشبك جاهز

http://file11.9q9q.net/img/81531253/-------2.jpg (http://file11.9q9q.net/preview/81531253/-------2.jpg.html)

والصوره الثانيه توضح المسافه بين الحمام

http://file11.9q9q.net/img/83935424/-----.....1.jpg (http://file11.9q9q.net/preview/83935424/-----.....1.jpg.html)

والصوره الثالثه توضح حركة الحمام والحركه المستمره لمدة مايقارب الساعتين

http://file11.9q9q.net/img/37389613/-------3.jpg (http://file11.9q9q.net/preview/37389613/-------3.jpg.html)

اتمنى اني وضحت الصوره للجميع ولااحد يابعدي يستهون الطريقه لجلنها مضمونه

اطلب من الأداره او الأعضاء تكبير الصوره باالحجم المناسب فضلآ لا امرآ
ووضع شعار مكشات علمآ ان الموضوع خاص لمكشات فقط

شنوان

05/11/2008, 04:17 AM

الله يجزاك بالخير
عز الله خطه حلوه بالحيل

أبوحمد الشمري

05/11/2008, 10:59 PM

جزاك الله خير طريقه حلوه

ابوسيف الغامدي

06/11/2008, 12:32 AM

كفو والله بيض الله وجهك عز الله إنها طريقه تريح النفس وتشعرك بالرضا
وحقيقه إنني أضم صوتي مع أحد الأخوه الذي أقترح أن يكون الخيط مربوط في الأرض حتى لو طولت الخيط
بحيث تضمن بقاء الحمامتين وعدم طيرانها
ألف شكر لك يالغالي على الطريقه الزينه والله يرزقنا وإياكم الخير الوفير
ابوسيف الغامدي

بوالحر

06/11/2008, 12:49 AM

مشكور اخوي ما قصرت وهذا شي مو غريب علي قبيلة الغامدي اصحاب هوايه منذ القدم

قرناس ارامكو

06/11/2008, 03:48 AM

يعطيك الف عافية ,فكرة حلوة

رســــــلان الوجه

06/11/2008, 09:38 PM

هذي الطريقة رائعة في تشبيك الجبليات والوكاري
لأنك في مكان ما حولك احد والمكان وعر طريقة ممتازة

مراقب الصيد

07/11/2008, 08:01 PM

تسلم يمينك على المعلومه الجديده
لكن لو كان فيه ثقاله برجلي الحمام كان اولى من ملاحقم من تغيير مكانهم

راعي البندق

08/11/2008, 12:17 AM

يعطيك الف عافية

aass1122

08/11/2008, 04:49 AM

الله يعطيك العافيه

فهد التميمي

08/11/2008, 07:53 AM

مشكوووووووووووووووور على هذا الاجتهاد

وتقبل مروري

دباس 11

08/11/2008, 08:26 AM

يعطيك العافيه وماقصرت
على هالمعلومه الرائعه
ولك تحياتي

الروقي نت

08/11/2008, 11:22 AM

ماكل طير صقر وأنا أخوك
يمكن يهد عليها عقاب او حقبي او غراب او ..او ..اوحتى الشبوط يهد على الحمام
وهذا ماغفلتوا عنه والواحد ماهو هاوي خسائر او حتى تعب
شاكر لك حسن المحاوله:good:

ســـــــنافي

08/11/2008, 11:11 PM

يعطيك العافيه فكره حللللوه

سندالخوي

09/11/2008, 12:17 AM

ماكل طير صقر وأنا أخوك
يمكن يهد عليها عقاب او حقبي او غراب او ..او ..اوحتى الشبوط يهد على الحمام
وهذا ماغفلتوا عنه والواحد ماهو هاوي خسائر او حتى تعب
شاكر لك حسن المحاوله:good:

السلام عليكم
اخوي الروقي نت صحيح ماكل طير صقر زين معك بهذا الكلام وهذي طريقه من عرض الطرق مثل الكوخ ومثل النقل ..........ومثل الشبكه الأرضيه اللي يستخدمونها مقانيص الحماد
وزين مادام ينزل عليها الطيور اللي قلتها بينزل عليها طير طيب اهم شي بطريقه هذي اصلآ إني ابغى الطير الحايم ينزل كان شين ولا زين
وماهو معقول ابحط الحمام وابروح ارقد:o ولا ابسولف با الكنود
برفع دربيلي وبشوف الطيور اللي تنشاف مثل صديقنا هذا:j والمقصد نبي اللي يشوفنا ولانشوفه نبيه يجي
اما انه الطير يحوم ونا احوم زيه من منطقه لمنطقه هذي ماسارت وانا مااحط نفسي عارف ماعاذالله لاكن المقصود نتعلم من بعض وشكرآ

النمر الأبيض

22/11/2008, 05:57 PM

مشكور على الطريقة الحلوة
والله يعطيك العافية

عاشق البسيتين

22/11/2008, 06:23 PM

فكره حلوه وهذا يعطيك نوعيه الطير و صامل او لا

ابو زايد1

22/11/2008, 06:39 PM

يعطيك العافيه

ابو زايد1

22/11/2008, 06:41 PM

الطريقه مجربه

دحدرني

04/05/2009, 04:49 AM

ماشاءالله عليك طريقه حلوه وعجبتني بسويها انشالله دشت بمزاجي صراحه بس في طريقه ثانيه سويتها
وانشاءالله تعجبكم لقيت شيهانه بجى اقط لها كل شي ماتهد قطيت لها صواصي دجاج وقطيت جربوع وقطيت فري
بشبكه ارضيه وظهر وحمام بري وحمام زاجل الساعه :10 تقريبا وقت الحوم وهي ماحامت والله واجيب خيط سناره
شفاف قوي وربط بشبكه ظهر الفري واحسن مافي البجى تقرب عندها حيل عند دعاميه السياره يالله تطير وقط الفري
وروح من وراها واسحب الخيط اللي مربوط فيه الفري واسحبه بأتجاهها لين دعمها وشبكت فيه :d انشاءالله اعجبتكم

أبو فهد ( 1 )

04/05/2009, 05:17 AM

مشكوووور بارك الله فيك

501

04/05/2009, 05:20 AM

يا سند الخوي فكـــــــــــــــــــــــره حلوه بس ياخوفك يتشربكن
و
الطواريــــــــــــح واجد يمر على الحمام ويضف الحمام وانت على نياتك
ما تدري اذا ابعدت

501

مخاوي شيهانه

04/05/2009, 07:52 AM

اتوفيق من الله وطريقة -اخ سند الخوي- شبيها لحد كبير بنقل-مشكور على اطرح الموفق--عزالله انك سند الخوي--

عنيد

04/05/2009, 11:29 AM

بيض الله وجهك على المعلومة الطيبة

ذراع الذيب

04/05/2009, 09:09 PM

السلام عليكم ورحمة الله وبركاته
مسيت بالخير ياسند الخوي..بوركت على هالفكره
الزينه وقصر الحبل عجبني يتحكم بالحمام
وان شالله اجربها..

البراء آل عثمان

05/05/2009, 12:50 PM

مشكور ويعطيك العافيه

طراش

16/01/2010, 07:52 PM

مشكور اخوي راح الجربه

الجرودي القصب

19/09/2010, 05:50 AM

الله يسلمك ريحتنامن الثقل:f:l

مساح الريضان

19/09/2010, 06:22 AM

جزاك الله خير

عاشق السليته

19/09/2010, 10:39 AM

يعطيك العافيه وفالنا وفالك خير ان شاء الله

سبع الولع

19/09/2010, 03:20 PM

مشكور يالغالي

ألحر العراقي

19/09/2010, 03:34 PM

والله اخوي كلام سليم وانا ع نفسي راح اجربها على محاوله طرح الشواهين

THE SNIPER H

19/09/2010, 04:16 PM

جزاك الله خير علي المعلومات واثابك علي قدر نيتك الصالحه

falcon 1

19/09/2010, 06:59 PM

كلامك حلو وطريقة جيده لكن العيب انه الحمام ممكن يتشربك ببعض مثل ما قال اخوي fj

أبوفرحان

19/09/2010, 07:34 PM

فعلاَ طريقة حلوه واكيد مجربينها الطواااريح من قبل ماتخفى عليهم
يعطيك العافية

بدوي دت كوم

19/09/2010, 07:49 PM

طريقة ممتازة بس المشكلة تكمن في اذا حولك مقانيص يمكن تحصل مشاكل كثيره
نزل طيري الى اخره

هذي الطريقة تذكرني بسالفة العجوز الي في جبال رضوى ادوشوها المقانيص من عند خيمتها هذا رايح وهذا جاي
ويوم سئلة عنهم قالو هذولي مقانيص طواريح قالت ما الله موزمه كل هالتعب هذا قالو لها جيرانها
الطير ارتفع سعره يا أم فلان وصل الحين الى كذا وكذا
وريا عندها كم صوص دجاجه بلدي وقامت تشبك في الصيصان وترمي تحت السلم والطلح حول خيمتها
واهااااااات ضحك عليها من الجيران وعيالها ايه الحين يجيك الحر
يقولون القواله ماجاء سعت الحومه
الا الحر النادر وسط الشبكه ويفزعون جيرانها ويجيبونه لها وينباع ب 395 الف ووصل الى مليون وعليه شوي ريال في الامارات والطير والقصه مشهوره بالساحل الغربي
الثقاله الي استخدمتها كانت من القش والعيدان التي لايستطيع الطير نقلها

هذي الطريقة تنفع في الاماكن التي لايوجد بها طواريح واجد

وتحياتي لك