الخيام عامة والقاضي خاصة

[-MOHAMMAD-]

بسم الله الرحمن الرحيم



السلام عليكم ورحمة الله وبركاته


ابدخل في الموضوع على طول الخيام وما ادراك ما الخيام وخاصة خيام القاضي على ماهو غالي اسعاره يغلي زيادة اجل قماش وحديد بهذي الاسعار والله لونها وشو

وكتبت هذا الموضوع بسبب الاتي

رحت للقاضي مخرج 15 ناوي اشتري البيرق ومجهز كل شئ والقاهم رافعين الاسعار على ماهم غالين :@ :@ زادو حول 300 ريال ؟ وش الكلام هذا من زود فلوسنا وهي اصلا مغلينه بزيادة انا اتوقع انه تكلفتها الاصليه ما تتعدا الــ 500 ريال ادبلو السعر محد قالكم شي من حقكم تكسبون لاكن مهب دبل ثلاثة مرات وزيادة قسم بالله عصبت ورايح متحمس وفي الاخير غلوها كلمتهم وقلت كلمو الادارة ...

قالوا مثل ما قال غيرهم ارتفع السعر عليهم الله من الصدق اجل ارتفعت وهم مخزنينها اصلا

لاكن انا قررت اني ما اخذ البيرق ولا ادواة ولا شئ البته بعد او قبل الغلا خلها تخيس عندهم




وانا كتبت موضوع لانها عندكم مندوب عن القضي ولا شي زي كذا اتمنى انه يخفضون الاسعار اقل من السابق
وانا عن نفسي منب شاري شي البته


وعشان كذا اطلب من الاخوان البديل من الخيام الجيده التي تشبه البيرق في حجمها وتكون جيده اهم شي انه ما تكون من مصنع القاضي

[دمعة حاشي]

يا اخوي انا مو معاك هالمره صح اسعارهم غاليه بس :no2:

ما سألت نفسك يوم ؟

1- عن خامت القماش
2- هل هي ضد الماء ام لا
3- هل هي دافيه ام لا
4-هل اعمدتها مجلفنه (ضد الصدأ) ام لا

ولاهو بس اللي غلى الاسعار كل العالم غلت الاسعار بس هو ما غلى لجشع او ما شابه ذلك

لأنه لو غلى الاسعار لجشع كان غلى اسعاره وقت الغلا

وهذا اللي اقنعني انه غلى الاسعار لسبب ما

هذا وجهة نظري إتجاه القاضي .

وعسى الله يعوظك خير

وتقبل مروري بروح رياضيه ;)

[saad8794]

سلامتك يادمعة حاشي .... هذي المرة الثانية اللي يرفع فيها السعر

[اول 111]

لأنه لو غلى الاسعار لجشع كان غلى اسعاره وقت الغلا

وهذا اللي اقنعني انه غلى الاسعار لسبب ما

هذا وجهة نظري إتجاه القاضي .




لانه ما كان الموسم له ان يرفع الاسعار

[أمين]

في الدول المجاورة و كذلك في الغرب تنزل الأسعار في المواسم ..

لدينا ترتفع ..!


لماذا؟


هل من مجيب؟.

[الأسمري 2009]

اليوم العصر مرية فرع القاضي بتبوك اشوف اسعار الخيام لقيت نوع 4*3
يقول 1600 ريال والصناعة صيني
ولقيت محل جنبة نوع باكستاني رقم 26
نفس المقاس والسعر 900
وش رايكم وش اخذ

[اكليل الجبل]

اليوم العصر مرية فرع القاضي بتبوك اشوف اسعار الخيام لقيت نوع 4*3

يقول 1600 ريال والصناعة صيني
ولقيت محل جنبة نوع باكستاني رقم 26
نفس المقاس والسعر 900

وش رايكم وش اخذ




مرحبا اخي الجراح انا اليوم الصباح بعد مريت القاضي والله ياهم شادين حيلهم بالاسعار بس ما نقول الا حسبنا الله ونعم الوكيل ,,,
وشوف يالغالي انا الاسبوع الماضي كنت بسوق الخميس ولقيت واحد يبيع خيام باكستاني جديدة ب 380ريال والله زينة وحليلة للموسم . فانصحك تمرة الخميس ذا يمكن يكون موجود ... واي خدمة انا حاضر .

[الحرالمهوي]

البيرق من غلاها بقيمتها تشتري خيمه باكستانيه ام عمودين قماشها وسط يعني حليله او الجزيره ام عمود افخم نوع

[book00]

في الدول المجاورة و كذلك في الغرب تنزل الأسعار في المواسم ..

لدينا ترتفع ..!


لماذا؟


هل من مجيب؟.


صدقت ياخوي
وقت المواسم تكثر السلعة ويبيعها الكثير من التجار
ويتنافس التجار في تخفيض الاسعار ليكسبوا الزبون وجيبه
لكن عندنا الجشع يسيطر على البعض

[اقرب جهاز]

اللي ما يعرف الصقر يشويه

مع تحياتي للجميع

[عبدالمالك]

خيمة القاضي (البيرق) حسب مااعرف به اربع عذاريب :
1- العمود اللي بالوسط
2ـ الهواء القوي يلعبه بسبب طوله وتثبيته باربع اطناب بس وتزعجك ماتخيلك تنام .
3- يقولون انه مع المطر القوي تخر.
4- سعره المبالغ فيه.
صوره للخيمه والهواء يلعبه
http://www.mekshat.com/pix/upload/images15/mk1052_66.jpg

وللأمانه انا ماجربت الخميه بس حبيت افيدك.

[جمعان 22]

في الدول المجاورة و كذلك في الغرب تنزل الأسعار في المواسم ..

لدينا ترتفع ..!


لماذا؟


هل من مجيب؟.



لأنهم لقوا من يشتري



اما اللي يسأل عن ضد الماء و نوع الخامة ............... أصلا أقل مواصفات الخيمة لتكون صالحة للبيع هي ان تكون ضد الماء هههههههههه


عزيزي أمين ... هناك ترابط بين مشاركتك ومشاركة الاخ دمعة حاشي

فكما ترى أنه لا يعلم ابسط حقوقه كمستهلك ........ ولكن جاءك ليقول ...هل هي ضد الماء ...والخامة جيدة :)

وذلك انهم تعودوا على الرديئ من البضائع .... فعندما يوضع لهم شيئ ذو جودة ( وهو الوضع الطبيعي ) تجدهم لا يلتفتون الى الاسعار


وهذا سبب ان السوق العربية ....مرتع ومرعى للتجار ...وكل من يريد ان يصرف بضاعته ..باعلى سعر ..واقل تكاليف ... ودون خدمات .... ودون الحاجة الى ارضاء الزبون ;)


طبعا في البلاد المتطورة وعند البشر المتعلمين ...... وقت المواسم تكون ارخص ... وذلك لانه لو رفع سعره لما وجد احد يشتري منه ... ولو كان جودته رديئة لما وجد احد يشتري بضاعته

وهناك ايضا .... خدمة للمشتري

فالمشتري يحق له رد البضاعة اذا لم تكن توافق الشروط والمواصفات <--------- وهذا ما يجعل سوقهم كله مضمون وذو جودة عالية



اما هنا و عند العقليات اللي ما طلعت عن محيطها الصغير .......... فبع ما شئت وبأي سعر تشاء×

[hasham]

بغض النظر عن الاسعار أشعر ان خيامهم (ماهي شد اليد) وحقت مكشات بحوش البيت . وأنا مستغرب ما دام التفصيل موجود . وبنفس السعر أو اقل تاخذ خيمه اجود قماش وواجود بطانه وواجود حديد. وبالمواصافات والحجم الي تبي . ليه بعض الاشخاص يروح لهم .
والا ترى الاسعار عرض وطلب وهم بكيفهم لو يخلونها بمليون ما لاحد عندهم كلام . ومن حكم في ماله ماظلم .

[راعي الشبح]

سبحان الله ..أتوقع رفعوا السعر يوم شافوا الأمطار الطيبة ولله الحمد ..ناس ماتخاف الله

[-MOHAMMAD-]

شكرا على الجميع على ردودكم

وخاصة دمعة حاشي لاكن شف كم تكلفه احسن خامة خيام وقماش كم تكلف والحديد احسن شي والبطانه في النهاية كم تكلف ما اتوقع انها توصل تكلفة خيامهم مع ان خيامههم ليس افضل قماش موجود للخيام
لاكن انا اشهد ان خيامهم طيبة لاكن ما تسوى سعرها

وابدور لي محل يفصل ولا اشوف اسئل لاكن اخواني اين سوق الخميس؟ومتى يبدا وكيف طريقتهم

[ابوعلي1385]

انا اتصلت فيهم امس ، وأول مارد علي البائع قالي ترانا رفعنا السعر (اكثر من 25%) ، قلت لييييييييييييييييييه ، تراها صينيه وبارده وتزعج بقرقعت المواصير و00 ، قال ياخي كلم الإدارة ، لكن ابسألكم سؤال ، واحد يبيع ب 1200 والناس تشيل رفع السعر الى 1480 والناس استمرت تشيل ، اكيد بيرفع مرة اخرى ، وهذا ماحصل حيث رفع السعر الى 1750 ريال ، لأنه عارف الناس بتشيل ، والله لو حولوا الناس الى نوع آخر او اتجهوا للتفصيل ، وتركوا بيرقهم لهم ، والله ان ينزلون السعر ، ويدفعون حق الدعاية زود

[ولد الأجاويد]

اخي الغالي
أنا مريت السنيدي العام الماضي بالقصيم
لقيت عندهم خيمة البيرق مقلدة نفس الشكل ونفس الطريقة ولا أعام كم مقاسها حتى لا أظلمهم
لكن سعرها كان بـ 600 ريال
والله على ما أقول شهيد
أما عن نوع القماش أو هي ضد المويه هذا ما عندي علم به ...

لكن أقول خلك من القاضي وعنجهيتهم المبالغ فيها
واشتر خيام السنيدي أسعارها شبه معقولة

وإن بغيت شوري به محل على طريق المية بالرياض مقابل إشارة مقبرة النسيم من جهة الجنوب
عنده خيام روعة مواسير وتركيبها سهل وتتفصل على الطلب وأسعارهم تسرك بحيل الله

المحل اسمه ((( الكشاته )))
والله إني ما حطيت اسمه علشان الدعاية ولا أعرف راعي المحل ولا لي علاقة به لكني فصلت عنده خيمة 3*3 وحطيتها في حوش البيت والله ما شافها أحد إلا وانهبل عليها

الله يوفقنا وإياك

[دانكن]

البلاستيك نازل سعره والحديد هاليومين نازل سعره ..

يرفعون السعر ليييييش .. ؟؟؟؟

[الحرف 1]

الغالي دواءه :j تركه

[sedrh]

انا اتصلت فيهم امس ، وأول مارد علي البائع قالي ترانا رفعنا السعر (اكثر من 25%) ، قلت لييييييييييييييييييه ، تراها صينيه وبارده وتزعج بقرقعت المواصير و00 ، قال ياخي كلم الإدارة ، لكن ابسألكم سؤال ، واحد يبيع ب 1200 والناس تشيل رفع السعر الى 1480 والناس استمرت تشيل ، اكيد بيرفع مرة اخرى ، وهذا ماحصل حيث رفع السعر الى 1750 ريال ، لأنه عارف الناس بتشيل ، والله لو حولوا الناس الى نوع آخر او اتجهوا للتفصيل ، وتركوا بيرقهم لهم ، والله ان ينزلون السعر ، ويدفعون حق الدعاية زود

انا عن نفسي عاجبني هذا الكلام :good: :good:
و ازيد ياخوان صور الخيمه با التفاصيل الكامله و فصلها و اتحدى انها ارخص

:no2: :no2: رساله لبعض المشاركين المدافعين عن الباطل انه من مشاركته طالعه الريحه :no2: :no2:

[جمعان 22]

( لكن ابسألكم سؤال ، واحد يبيع ب 1200 والناس تشيل رفع السعر الى 1480 والناس استمرت تشيل ، اكيد بيرفع مرة اخرى ، وهذا ماحصل حيث رفع السعر الى 1750 ريال ، لأنه عارف الناس بتشيل ، والله لو حولوا الناس الى نوع آخر او اتجهوا للتفصيل ، وتركوا بيرقهم لهم ، والله ان ينزلون السعر ، ويدفعون حق الدعاية زود )





بالضببببط ...كما قلت انه لقوا من يشتري فقط لا غير

يعني الجشع ضارب عروقهم


شباب اللي ما حصل له وتعامل مع شركات اجنبية - ليعرف حقيقة التجارة والتعامل مع البشر -

انصح بالبحث عن محاضرات عن ضبط الجودة و حقوق المستهلك ..بالانترنت

للعلم والفائدة

[أبوسلطان1]

البديل البديل ياشباب:director: :bounce:
الغالي دواه الترك

[-MOHAMMAD-]

مشكورين على المرور والردود لاكن كنت اتمنى لو رد واحد من مندوب القاضي في المنتدى

يعطينا مشاركته :( لعلى وعسى عندهم عذر يبرر يمكن ظلمناهم

[سالمي]

البيرق يا جماعة من تجججججججربة
الميزات :
1- سهلة النصب
2- خفيفة الوزن
3- أي مكان يشيلها لأن حجمها ليس بكبير
4- قطعة وحدة مع أرضية
العيوب وأظنها مهمة جدا :
1- ما تتحمل الهواء ( يلعب فيها )
2- النوم فيها وقت الهواء مستحيل من الإزعاج
3- فترة بسيطة من الاستعمال وتبدأ الحدايد تقرقع قرعة مزعجة جدا
4- وقت المطر الله يعينك على الكتمة لأنك لازم تقفل الباب بحكم طريقة اتجاهة مايل للسماء ويدخل المطر ( وذا للنوع اللي مافيه مظلة
5- وقت البرد تصير فريزر من داخل حتى انك تحس برا أدفى من داخل ( وهذا للنوعية اللي بدون بطانة )
6- إذا تدفيت من فوق والله ياهي عظامك بتثلج من تحت لأن الأرضية بلاستك خفيف جدا )
وعلى كذا أحس إن سعرها مبالغ فيه جدا. ومع وجود المنافس لها المفروض إنها أرخص بكثير من سعرها المرسوم حاليا .
... لا عدمناكم ...

[-MOHAMMAD-]

الله يجزاك خير

[سفير نجد]

والله يااخ (سالمي ) ماصارت هذي ميزات وذي عيوبها
زود على ذلك شكلها مايأهل والله ينقدون علي الرجال لشافوني ناصبها

[-MOHAMMAD-]

وانا اخوك الشكل عن نفس ما له اهمية والله لو شكلها وش بس تأدي الغرض

1- خيمة حجمها يدخل في السيارة
2- مساحتها تكفي 12 شخص او اقل او اكثر شوي يعني 4*3 او 4*4 او 4.5*4.5 او بعض الخيام 3*3 تأدي الغرض
3- عملية مع مرور الزمن مهب موسم واحد وخلاص ولا موسمين اذا استعملتها اول سنة زينه وبعدين حديدها بدا يخرب ولا القماش بدا يتغير ...
4-السعر وهو مهم جدا ماهو معقوله تاخذلك خيمة بالسعر الفلاني وهي اصلا مب ذاك الزود حتى لو انها من افضل الموجود لاكن جودتها متوسطة يعني لو تعرف لك صاحب محل خيام تقوله يفصلك عشان العمالة لا يلعبون عليك وتفصل على كيف كيفك يالله توصل سعرالجاهز هاليومين وعلى كيف كيفك

[الشاهين2004]

القاضي للخيام صار كل فترة يرفع الاسعار والحل معه هو ترك بضاعته والبحث عن البديل

[سيف الظفير]

مر على الرابط وبتلقى ما يسرك يا الذيب

http://www.mekshat.com/vb/showthread.php?t=164989

[نجم سهيل.]

تسلم يمناك ياغالي

[حسن العلي]

انا اشوف يا اخوان التفصيل افضل يعني المقاس اللي تبغاه ونوع القماش والسعر ارخص او مثل سعر الجاهزة لا وتقدر تعطي المفصل تصميم عملي وبسيط

[-MOHAMMAD-]

بإذن الله ابروح اشوف المحل ان شاء الله تكون اسعاره مناسبة



واذا شفت انه الاسعار مزودينها رحت فصلت لايكون بعد حقين الخيام مغلين بعد x_-

[-MOHAMMAD-]

تم بحمد الله ايجاد البديل رحت للتميمي للخيام في الرياض -البطحاء - شارع الغرابي
وسئلته عن خيمتهم 3*3 ثلاث طبقات حراري الاولى قماش تنزاني ابيض الثانيه شراع حق المطر زيادة الثالث بطانه للتدفئة والشكل الداخلي قالي 650 وشفتها بالمنتديات وواحد قايلي عنها وشكلها طيبة

اللمهم قالي راعي المحل انها خلصت وبكره بتجي قلت طيب ان شاء الله بكره ابروح
وخل خيام القاضي لهم 650+650 = 1300 ما تجي سعر البيرق الان وتسير عندك خيمتين لو خليت وحده للحريم ووحده للرجال لو راحو عوائل ولا اشتر وحده على كلام المنتديات لها عنده 5 سنوات ويمدحها
وحجمها صغير
http://www.mekshat.com/pix/upload02/images61/mk38640_6.jpg

http://www.mekshat.com/pix/upload02/images61/mk38640_1.jpg

وهذي الصور ماخذها من موضوع من موضعات مكشات لاكن شفتو الفرق بين 650 وسعر القاضي هذا والتميمي للخيام كسبان الله يبارك له

وللمعلومية الى الان ماشريتها ابجربها ان شاء الله اذا شريتها بكره اذا الله وفق وابجربها واعطيكم تقيمي لها بإذن الله من ناحية النصب لاكن التقييم اللي عليه الكلام في البر








والمحل الجديد اللي في المروج رحت له اليوم حق لوازم الرحلات مسكرين ستاره عليهم مدري وش ويزينون الاغراض العمال ومصكر المحل

[خالد الهديه]

توني جاي من القاضي الي بشارع الميه كل الزباين يتذمرون من رفعة السعر ولله الحمد خرج اكثر من شخص دون ان يقتنع مجرد اقتناع برفعه السعر الجنونية.......

[subr]

الله يعينا على الاسعار

[22LR]

خيمة ألبيرق بعد سنتين + من ألاستخدام:
ألمشكله ألأساسيه مع خيمة ألبيرق: أرضيه ألخيمه أكبر من سقفها, مما ينتج عن دخول ألمطر في ألخيمه
أما ألملاحظات ألأخرى فليست مزعجه

أبو عبد ألعزيز