المساعد الشخصي الرقمي

مشاهدة النسخة كاملة : الأفلانش او السييرا


s3d68
04/11/2008, 11:34 PM
السلام عليكم
حبيت اعرف من الأخوان اهل الخبرة عن الافضل الأفلانش ولا وانيت السييرا
للاستعمال حق السفر و نقل الأغراض والسحب مع العلم ان طلعاتي للبر خفيفة.

مع الشكر مقدما.
s3d68
05/11/2008, 09:27 PM
للدرجه هذي الطلب صعب! ما في ولا رد؟
&أبوخالد&
05/11/2008, 09:29 PM
السييرا احلى
وجهة نظري
ناوي نيه
05/11/2008, 09:51 PM
السييرا يتحمل المشقااااات لاني مجرب اما الافلانش مالي علم فيه
بس اتوقع مو حق تحميل وسحب








اتمنا اني فدتك
لن أمل من العطاء
05/11/2008, 10:24 PM
كلهم مثل بعض

يعني عندك الافلانش مقاس 1500 او 2500
السييرا والسلفرادو مقاس 1500 او 2500 والشاق 3500 (3500 يجي منه 4 كفرات و6 كفرات ) والتجهيزات الاختيارية كثيرة ومتنوعه

اما من ناحية التحمل والتحميل سواء افلانش او سييرا او سلفرادو 1500 نفس بعض في القوة والتحمل ومقاس 2500 اقوى من 1500 سواء افلانش او سلفرادو او سييرا ومقاس 3500 ما بعده كلام في القوة والتحمل

( انظر بجانب اسمي بالاعلى تشاهد الصورة الرمزية لي هذا سلفرادو موديل 2008 مقاس 3500 عدد 6 كفرات سعه تقريبا نقدا 175 الف ريال كامل المواصفات والتجهيزات)
s3d68
05/11/2008, 10:57 PM
مشكورين يااخوان
اخوي "لن امل من العطاء" هل ياتي الافلانش بموديلين 1500 و 2500 كانه اللي يجي الوكالة نوع واحد؟
لن أمل من العطاء
05/11/2008, 11:27 PM
مشكورين يااخوان
اخوي "لن امل من العطاء" هل ياتي الافلانش بموديلين 1500 و 2500 كانه اللي يجي الوكالة نوع واحد؟


حياك الله اخوي

انا بعيوني شفته يمشي في جده وجلست امشي خلفة تقريبا 20 دقيقة الى ان توقف زنزلت خلسه وتفقدته وشفت دفرنساته وكانت واضحة من نوع غطاء 14 مسمار اكبر وافضل دفرنس للجمس

وكان احد الاخوان بالمنتدى نزل تجربته للافلانش وكان محركه مقاس 8100 سي سي افضل محرك صنعته جنرال موتورز للشاحنات

(معلومة جديده عليه انا شخصيا وعلى المنتدى وهي خاصة بمنتدانا - محرك 8100 والمحرك 7400 هي اقوى المحركات حيث انها تستخدم بشكل اكثر في القوارب واليخوت بامريكا واستطاعت الصمود لاكثر من 300 ساعة دوران في ماء البحر بسرعة 6000 دورة في الدقيقة وهي اقصى سرعة دوران للمحرك بدون اي مشكال تذكر)

للاستزادة اضغط بالاسفل وفيه صور لسيارة العضو سيارة افلانش 2500 محرك 8100

http://www.mekshat.com/vb/showthread.php?t=126011


ولكن هل يوجد عند الوكلاء عندنا او يستورد فقط 2500 الله اعلم
دويدار
06/11/2008, 12:15 AM
السيارات الامريكيه الدفع الرباعي قويه جدا خاصه الافالانش والسييرا وكان عندنا فورد دبل موديل 91 يطمر النازيه لكن على المدى الطويل ماادري عن الجوده
بو جريس 73
06/11/2008, 08:56 AM
1-نصيحة ياخوي وخر عن الأفلانش 2-السيرا ارحم منه3-ونصيحة اخ لأخ عليك بالفوردf-150واذا كنت تبي قوة كبيره عليك F-350وعندكم اسعارهم ارخص من الكويت وانا شخصيا مجرب 3 وانيتات فورد وموفق خير ان شاء الله
بـلـيـهـان 1
06/11/2008, 10:57 AM
الافلانش أوسع و أرز و أكبر و أفخم
ساري 111
06/11/2008, 12:07 PM
الأفلانش ياي خلفي اما السييرا سست

والأفلانش عباره عن جمس طويل بس بدل الغماره الخلفيه حاطين لك حوض

من ناحيه الشكل فالافلانش افضل بكثير السييرا وجهه واااقف حيل
سيد الجو
06/11/2008, 06:21 PM
انا اعرف شخص معه افلانش 8100 ودفرنس 14 بلط وللمعلوميه الافلانش مثل السييرا سست خلفي


وانا انصحك ب ونيت سييرا 2500 غمارة ونص هافي ديوتي اللي يرمز له في الزيق اللي في الباب 2500hd

يتحمل العمل الشاق ووسيع ودفع رباعي
s3d68
07/11/2008, 12:26 AM
مشكورين يا جماعة الخير على هالردود الطيبة
حقيقة انا اكتشفت ان الافلانش لا يصنف على انه وانيت انما كسيارة دفع رباعي،واعتقد انه على شكل التاهو بس بدل الصف الخلفي حوض.
بخصوص السييرا 2500 ممتاز و ما عليه غبار لاكن تحتاجلك سيارة ثانية حق المدينة بينما الافلانش ممكن تستخدمه في المدينة و البر.
الخلاصة:انا الى الحين محتار بين الاثنين ؟
Bader-M
07/11/2008, 11:00 AM
لن امل العطاء

عطاك صورة كامله ومعلومات غزيرة لا اضيف عليها حرفا واحدا

اما بنسبه لي

القلب يميل الى السييرا
لن أمل من العطاء
07/11/2008, 03:42 PM
لن امل العطاء

عطاك صورة كامله ومعلومات غزيرة لا اضيف عليها حرفا واحدا

اما بنسبه لي

القلب يميل الى السييرا


واجبنا مشرفنا العزيز واحرجتني بكرم اخلاقك

السييرا افضل من الافلانش بمراحل