وش تنصحون به ابي قارمن

[الاداري]

ياشباب

السلام عليكم ورحمة الله وبركاته

ابي اشتري جهاز قارمن ان شاء الله من القصيم لان عندي زياره لها خلال الايومين

القادمين وش تنصحون به سبق ان مريت دار موجه وكنت ابي جهاز موفي

ونصحني الموظف عنه لسبب ان موفي للمدن فقط ام سي 276 للمدن والصحراء

مع انزال خرائط اخر اصدار

عاد المطلوب بما انتي اهل خبره

اي الافضل ياشباب

[ابوريناد1979]

ماله داعي القارمن
جوالات الجي بي اس يغني عنهم وفي جيبك
بعد فتره بتشوف دار موجه معزلين
هذا رأي الخاص وتقبل مروري

[زاااجل]

ماله داعي القارمن
جوالات الجي بي اس يغني عنهم وفي جيبك
بعد فتره بتشوف دار موجه معزلين
هذا رأي الخاص وتقبل مروري


كلام 100% فعلا الجوال اريح
هذه وجهة نظري


تحياتي

[sameer_1798]

الجوال لايعتمد عليه في البر ... فقط للمدن
بالنسبة لنوعين الجارمن التي ذكرت توجد مواضيع كثيرة تكلمت عنهما .
مثل هذا الموضوع : http://mekshat.com/vb/showthread.php?t=163316

[ابوريناد1979]

الجوال لايعتمد عليه في البر ... فقط للمدن
بالنسبة لنوعين الجارمن التي ذكرت توجد مواضيع كثيرة تكلمت عنهما .
مثل هذا الموضوع : http://mekshat.com/vb/showthread.php?t=163316
بعد اذنك اخوي
انا معتمد عليه في البر وماشي زي الحلاوة
بعض الناس يعتقد ان جهاز الملاحة بالجوال مايشتغل الا مع الابراج وهذا خطأ
طلع شريحة الجوال واستخدم الجهاز زي ماتبي
وجميع برامج الملاحة بامكانك تركيبها على جوالات النوكيا بعكس اجهزة القارمن

[khandarees]

انا انصحك بشراء Garmin nuvi 710 بتاع كله وسهل ويسر . . . وانا صار لي شهرين امجربه . .

[هاوي geed]

صرااااحة 176c او 276cبس

[فهدksa]

خذ 276Cبدون تردد

[معلم شرقاوي]

خذ 276Cبدون تردد



انا ابغى اشتري

كم سعره

وهل هو عربي او انجليزي

وما الافضل اشترييه من مكتبه جرير او من شركة قارمن

وشكراا

[F A H A D]

الى الحين ومافيه اتفاق على الافضل ....

[ابوناصر77]

الافضل والي مجربه انا 276c العربي

وهذي صور القارمن

http://ahmadaldosari.jeeran.com/austria/276000.jpg

[الفنطاس]

افضل جهاز وجربته في البر والمدن و هو 276c

[معلم شرقاوي]

انا ابغى اشتري

كم سعره

وهل هو عربي او انجليزي

وما الافضل اشترييه من مكتبه جرير او من شركة قارمن

وشكراا

إلى الآن

ونحن ننتظر

ومشكور من يقترح او يوضح او يصحح
او يرشد

وجزاكم الله خير

[المجهول1]

اسلام عليكم

اخوي خذ نوفا 710 من السياري وريح بالك

خراط الخليج مدن وصحرا السعوديه

نوفا في الصحرا مو مثل 276 بكثرة التفصيل الي احيانن ماتستفيد منها

بس نوفا في المدن موفيد جداُ جداُ جداُ تستفيد منه حتى ابديرك الي انت عايش فيهى

نوفا تستفيد منه على طول بس ال276 بس بالبر وقت المواسم

نوفا فيه ميزه ماتلقه بالجوال او بال276 وهي سهولة الاستخدام ونت تسوق السياره فقط اتثبت انوفا بالقاعده حقته الي بالقزازه الاماميه في مكن مناسب اتكون قدامك تتحكم بالقارمن ونت اتسوق السياره ابسهوله

ابقولك شي انا شريت نوفا 710 من اعروق الشمال ببريده ضمان السياري مدة سنتين اب 2150ريال

ورحت الكويت يوم الاربعا الي فات صرالحه ابداااااااااااااااااااااع ايوديك للي تبي ابضغطة زر

اخوي تبي نصيحتي اشر نوفا710 ضمان السياري ونت امغمض

اتمنالك اتوفيق

[sameer_1798]

انا ابغى اشتري

كم سعره

وهل هو عربي او انجليزي

وما الافضل اشترييه من مكتبه جرير او من شركة قارمن

وشكراا
أسفين على التأخير أخوي معلم شرقاوي لانشغالنا بالأمطار والخير ..
عموماً .. سعره أذكره قبل خمسة أشهر العربي 2100 ريال و الانجليزي 1900 ريال ولكن أفضل لك تتصل على دار موجة لتعرف السعر الآن .. الرياض : 014020088
والسؤال الثاني :
نعم يوجد جهازين من 276c ... عربي أو بالأصح معرب ويمكن تغير اللغة إلى الانجليزي يقرأ الخرائط الانجليزيه فقط أما العربية لايقرأها إلى إذا كانت مرسومة بالخريطة .
والجهاز الآخر .. أنجليزي بالكامل ويتميز بوجود تحديثات سوفت وير مستمرة ويقرأ الخرائط العربية مثل خرائط الصحراء العربية للسياري .
والسؤال الثالث :
والله إذا كانت مكتبة جرير تعطيك الجهاز بضمان دار موجة لمدة سنتين فاشتره من عندهم إذا كان أرخص طبعاً .. واحتمال أنهم لايوجد عندهم خرائط ولكن إذا عندهم تأكد من أنها أصليه وعليها الختم على الشريحة لتضمن تحديث الخرائط من الشركة أو إن كانت خرائط السياري أيضاً تأكد من الختم .

[sameer_1798]

بعد اذنك اخوي
انا معتمد عليه في البر وماشي زي الحلاوة
بعض الناس يعتقد ان جهاز الملاحة بالجوال مايشتغل الا مع الابراج وهذا خطأ
طلع شريحة الجوال واستخدم الجهاز زي ماتبي
وجميع برامج الملاحة بامكانك تركيبها على جوالات النوكيا بعكس اجهزة القارمن
أخوي أبو ريناد أعرف بأنه لايحتاج إلى أبراج لتشغيل الملاحة ... ولكن لاتخفى على الجميع مشاكل الجوال المستمرة كالتعليق و بطأ استقبال الأقمار والبطاري وغيرها الكثير و أحتمال كبير يوهقك في الصحراء إذا كنت تعتمد عليه .. عموماً هذا رأي في الجوال للملاحة .. وأنت أبخص .

[معلم شرقاوي]

نبغى الزبدة

وش تنصحون به باختصار


وشكرا لكم

[sameer_1798]

نبغى الزبدة

وش تنصحون به باختصار


وشكرا لكم
أخوي بإختصار الأخوان ماقصروا عطوك الزبده و أنا عطيتك التفصيل بالنسبة لأسئلتك ..
ومايمنع نكرر لك ..
للبر وللبحر وللمدن جارمن 276 عربي أو انجليزي على كيفك .
للمدن النوفي بأنواعه والجوال والكمبيوتر الكفي (كلها متشابه ) ..

[مخاوي قناص]

اخواني السلام عليكم
ياشباب تسلمون ويسلم صاحب الموضوع استفدت كثير من ردودكم
ولاكن عندي استفسار بعد اذن اخونا صاحب الموضوع
وش الفرق بين الاصدار السادس والاصدار السابع
عشان الواحد يقيس الفرق في السعر مع الموصفات واذا الموصفات الاضافيه زينه يشري الاصدار السابع
شاكر لكم

[سيف الظفير]

خذ 276Cبدون تردد





اتجه على كلامك الرجال وتلقى مستعمل اخو الجديد بـ 1850 ريال


وجديد بحدود 2300

[الاداري]

حصلته بالقصيم فى فرع دار موجه 2850 ريال الاصدار السابع

وين القى ارخص من كذا يا شباب طبعا الكلام على السي 276

[مشاري1427]

هنا الاسعار

http://www.mekshat.com/vb/showthread.php?t=168042

[القاصي1]

أخوي أبو ريناد أعرف بأنه لايحتاج إلى أبراج لتشغيل الملاحة ... ولكن لاتخفى على الجميع مشاكل الجوال المستمرة كالتعليق و بطأ استقبال الأقمار والبطاري وغيرها الكثير و أحتمال كبير يوهقك في الصحراء إذا كنت تعتمد عليه .. عموماً هذا رأي في الجوال للملاحة .. وأنت أبخص .


اذا جربته قبل كذا وتعطل عليك ممكن
اما انك تقول خرص فلا
وانا ابقنعك وبهدوء
اولا الجميع يحمل الجوالات
يعني قليل من الناس ليس معه جوال والاغلب الاجهزة الجديد االتي فيها جي بي اس
انا معي ان82 وجربته في البر من احسن ما يكون وقيمته قبل شهر 1500 يمكن الان رخص.
ابن عمي اشترى 276 من دار موجه بالخرائط والشريحه 2008 وبكم 2850ريال
ليه ادفع في جهاز وبدون كاميرا وبدون جوال
والدقه ما تفرق بين الاثنين (وكلو من واقع تجربه)والشيء الثاني بكم تحديث الجهاز القارمن ...بدراهم
اما الجوال ..الله يخلي مكشات ..بلاش.
تحياتي