للشعراء .. اكتب بيتين بمناسبة هطول الامطار

[الحضري]

السلام عليكم ورحمة الله



اخواني بمناسبة هذه الاوقات السعيدة التي نسأل العلي القدير ان يجعل سقياها سقيا خير ونفع


وان يجنبنا واخواننا كل مكروه


نود مشاركتكم وتعبيركم عما يجول بخواطركم ببيتين





البداية من عندي ..



لك الحمد ياربي ونشكر تفضلك
%% سقيت البلاد القفر واسقيت اهلها

ولك الحمد يامعبود يا مالك الملك
%% سقيت البـــلاد جبالها مع سهلها




ولي عودة من جديد


انتظركم

[سكب]

وعليك السلام


مشكور
محاولة استمطاريه




إلى يا الحضيري جعل ربي يضللك @ من الخير لين الديم يجلى محلها


تبوك أمطرت وارزق ينجي من الهلك @ سقا بدونا والحضر أيضا شملها


تحياتي

[عبد الله راشد]

فكرة الموضوع حلووووووووووووووووووووووووة بصراحة
ونشاء الله تعجبك هالبيتين


هلت مزون الوسمي في دراي اليوم .... ما كنه الا تاج ونجداً اميرة
يا الله جعله ما طراً كل ما حام .... يسقي دياري نجد وشبة الجزيرة

[راع الصقلاويه]

قال التميمي وغنَّـى = بلسان ٍ له فصيح

بمد المولى نتهنا = وربي ماهو شحيح

جتنا بما نتمنى = مزون ٍ حدتها الريح

وعمَّت غالب وطنَّـا = وامسى الغبار مريح

وغنى القميري بفنّا = في صوتٍ له مليح

على غصن ٍ تثنَّى = جاكم علم ٍ صحيح

روَّح عنا حزنَّـا = وقليبي مستريح

المي هاك ٍ عنَّـا = يملى الفياض الفيح

وللزاد مانتعنَّـا = ومع ذاك حلو الريح

إن جيت منّا ومنّا = تلقى النفل والشيح


واعذروني تروها جت هيك خبط لزء .

[نواف الرويس]

هل المطر في ديرة العز والعود=وانبت ب/قلب الناس فرحة عريضه
وسيمـةً تجلي عناء كل مقرود=من سيــــلها تشفّى قلوبً مريضـــــــه

[حفيد اعقيل]

.
.
.


يالله تقدرنا على الشكر والحمد = نعماك ماتحصى وصعب عددها

أمطار خير مالها ذكرٍ وحد = استبشرت ناس وبيّن سعدها

سالت لها وديان وفياضٍ وسد = غسّل ديار شهب وطيّب كمدها


.
.
.

[الحضري]

وعليك السلام




مشكور
محاولة استمطاريه




إلى يا الحضيري جعل ربي يضللك @ من الخير لين الديم يجلى محلها


تبوك أمطرت وارزق ينجي من الهلك @ سقا بدونا والحضر أيضا شملها



تحياتي







الله يحييك ياشاعرنا سكب .... ابرك ساعة وجودك الابيات قمة ماشاء الله


الله يحفظك وصح لسانك







بس احب انوه ان المشاركة بالابيات ماهو شرط على نفس الوزن و القافية :)




في حفظ الله

[القسامي511]

تحيه طيبه لك اخوي الحضري :)

مادام فتح الباب طال عمرك
احب اشارك بأبيات لي من قصيده تتكون من 32 بيت انزلتها في هذا القسم بعنوان (مكه وطيبه) قبل نزول الامطار اللي مشهوده الان

والابيات عباره عن استغاثه توجهت فيها لله في نفس القصيده
والحمدلله احس بأن الله استجاب دعائي فيها لان حسب ماسمعنا ان نجد تغيرت معالمها وان كل حزم فيها اخذ حقه من الماء :)

خذ عندك الابيات يالحضري .

يالله من نو(ن) من الوبل صباب .......... من يمة المنشى تراكم سحابه

كنه سواد الليل عقب القمر غاب .......... والجو عقب عصير صافي جنابه

مقدم مزونه من سنى البرق شباب .......... يوحش عيون اللي يخيل اشتبابه

رواعده ترعب عقب برقه ارعاب .......... وصوت الصواعق زلزلت كل غابه

عساه ينثر ماه في نجد الاحباب .......... وبل(ن) يصبه كل حزم ارتوابه

من فوقها قام يتقلب تقلاب .......... يخلف معالم نجد قو اقتلابه

يسيل من وبله من الشعب ماصاب .......... دربه من الما كل وادن مشابه

بقلم : محمد القسامي

[فتى الوادي]

اليوم كل الخير ما عنه منشود *** خيرن أمزونه ما يوقف مطرها
متواصلن بالمملكة ما له حدود *** عم الوطن والارض وبله عمرها

[الصبرطيب]

لك الحمدياربي على افضل فضايلك=سقيتناواعطتينامن نثلها
خيرعميم ساق للعرب من بعد هلك=احياالبلاداللي دهرهاقتلها

[الحضري]

فكرة الموضوع حلووووووووووووووووووووووووة بصراحة
ونشاء الله تعجبك هالبيتين


هلت مزون الوسمي في دراي اليوم .... ما كنه الا تاج ونجداً اميرة
يا الله جعله ما طراً كل ما حام .... يسقي دياري نجد وشبة الجزيرة





ارحب يا ابو عابد .. صح لسانك ومشاركتط طيبة نشكرك عليها


:)