سؤال بالنسبة للأجواء في الشرقية والنعيرية والحفر ؟

[برق الحيا]

السلام عليكم



سؤال بالنسبة للأجواء شلونها ؟




شكراً

[تمرااااوي]

ترفع الى مراسل الشرقيه مع الشكر

[سنعوسي111]

بالنسبة للأمطار ماعنه منشود الارض رويانه وسايله بعد الديم اللي مضى من ثلاثة ايام آخرها امس واليوم غائم الى غائم جزئي على الدمام وضواحيها ..

[برق و رعد]

@ أخوي : برق الحيا .............. المحترم

ما لك إلا حل واحد تبحث في جميع الردود في الموضوع المثبت والعام لجميع المناطق لين تلقى مرادك

بصراحه شغله متعبة وممله

وسبق وأن كتبت موضوع بهذا الخصوص

وهو على الرابط التالي

http://mekshat.com/vb/showthread.php?t=165514 (http://mekshat.com/vb/showthread.php?t=165514)

[الممدوح]

السلام عليكم



سؤال بالنسبة للأجواء شلونها ؟




شكراً

بالنسبة للنعيرية والحفر على حسب ماسمعت جتهم أمطار طيبة بالحيل هالأسبوع ...
بينما الدمام والمدن اللي حولها الجو فيها غائم جزئي هاليومين..

[theeb]

بالنسبة للدمام اخوي ما جاها شي يذكر من المطر سبحان الله
بس الاجواء خيالية والله يسوق لها الخير

[العوسجي]

أنا يا جماعة الخير من سكان الشرقية ( الظهران )
ما جانا مطر
جانا رش خفيف جدا لا يكاد يذكر نهاية الأسبوع الماضي(يوم الجمعة ) وعصر يوم السبت أو الأحد نسيت والله ـ
فيكون الخبر الدمام الظهران ما مطرت هالسنة عساها للسيل
أما الأحساء فيذكرون إنها ممطورة أمس ( الثلاثاء ) وكذلك النعيرية والحفر.
عاد جبت للرياض اليوم
من طلعت من الشرقية صحو وعج ، الرمل يسفي من شمال شيء غريب.

أما يوم بقي تقريبا 150 كم على الرياض تغيرت الارض وواضح فيها أثر المطر والمناقع في كل جهة والشعبان أغلبها ماشي ولله الحمد
وسلامتكم
ابن العوسجي

[برق الحيا]

مشكورين على الردود


لكني بغيت أسال عن الحرارة شلونها ؟؟
حر ولا برد ؟

[برق الحيا]

بإنتظار الرد


وياجماعة الجو ينفع للكشتة ؟

الخميس والجمعة والسبت ؟؟

[هنيالك]

السلام عليكم

بقيق ماجاها الا رشه يوم الاثنين واليوم علينا عـج والحين القمر طالع ومابه غيوم

والجو بارد
اما من الجبيل وشمال عليهـم غيوم و جاتهـم امطار قويه

يعني انصحك تطلع الجبيل والحفر
اما من جنوب الجبيل مابـه شـي :)

[نديم الغرباء]

الدمام والخبر ماجاها شي الله يجيب الغيث يارب

[فهدksa]

الدمام الله يرزقنا غيوم بس مافية امطار المطر جاء الجبيل والنعيرية ونت متجه شمال .

[الوعد قدام]

اسأل الله العظيم ان يرحمنا وينزل علينا الغيث انة جواد كريم

[عادل العويمري]

حفر الباطن والمدينة العسكريه حالياً امطار غزيره وقويه الله يسر

يوم الاربعاء الساعه 30 . 11 م

[راعي العمانيه]

السلام عليكم
انا من سكان الشرقيه الجو ودرجات الحراره معتدله من 28 الى 23
اما المطر جانا رش السبوعين اللي فاتو في الظهران
اما النعيريه يذكر عليها مطر زين
والجو زين للكشتات
اخوك راعي العمانيه وشكرا

[برق الحيا]

مشكور وماقصرتوا


بيض الله وجيهكم

[العوسجي]

إن كنت يا الخوي تسأل عن الجو براد أو حر
الجو كايف أدفى من الرياض واجد
حتى فجر الثلاثاء كان جو كشتة ( خيالي )

عموما الجو هناك ألطف واجد من الرياض
الرياض فيها بداية براد هاب من شرق

ابن العوسجي