تقرير مصور من الرياض للرياض

[برق لينا]

السلام عليكم ورحمه الله وبركاته
الحمد لله من قبل ومن بعد نحمد الله على نعمه الامطار والخيرات المتواصله اللهم لك الحمد والشكر
اليوم ربوع اجازه + امطار = كشتات وتقارير توسع الصدر :D
المهم مابي اطول عليكم اليوم قمنا برحله خطافيه من جهه الغرب نقطه الانطلاق من السويدي بالرياض
نزلنا مع القديه الصباح اليوم بأتجاه ضرما والحمد لله الارض منقعه وكل ماتجهنا غرب بعد ضرما زادت المناقع والشعبان المسايل المليانه بالمطر
الى ان وصلنا روضه سمحان ماشاء الله تبارك الله
الارض فيها قزازه ولقطنا فيها كم صوره

وهذا الشاهد

http://up4.salowkah.com/uploads/images/salowkah-1eb0488a7e.gif (http://up4.salowkah.com)


وبعدين طلعنا من روضه سمحان الى الطريق العام بين ضرما ومرات والارض لا تنشد عنها بفضل من الله ورحمته
http://up4.salowkah.com/uploads/images/salowkah-ae16e2079c.gif (http://up4.salowkah.com)

اتجهنا الى شعيب شمس وشميسه باتجاه الجنوب بين ضرما ومرات لكن طريقه وعر وطين وزلاق انتبهو منه
لكن عز الله انه شعيب يسر الخاطر ويشرح النفس ويستاهل العنوه ولنا معه كم لقطه

http://up4.salowkah.com/uploads/images/salowkah-25f56884b6.gif (http://up4.salowkah.com)

وهذي بعد لا تفوتكم

http://up4.salowkah.com/uploads/images/salowkah-e41e232146.gif (http://up4.salowkah.com)

وبعدين طلعنا من الشعيب ومشينا على طريق البره ورغبه باتجاه الشمال ماشاء الله الشعبان ماشيه كلها
وقبل ماناصل رغبه تقريبا ب10 كيلو لقينا بحيره على اليسار تحت النفود المهم نزلنا من الطريق العام للبحيره اعذروني ماعرف اسمها المهم ان ارضها هلاش انتبهو يالربع لا حد يقربها بغيت اروح فيها لولا ستر الله المهم الحذر الحذر بصراحه ماحصل لنا انا نصور لان الوضع شوي خطر بس لقطنا صوره عالطاير حول المنطقه
http://up4.salowkah.com/uploads/images/salowkah-a240ad4825.gif (http://up4.salowkah.com)

بعدين وصلنا نقطه التفتيش بتقاطع رغبه القصب حريملا
ومسكنا طريق القصب باتجاه الحماده طبعا الارض غرقانه ماشاء الله تبارك الله
الى ان وصلنا للحماده ماشاء الله تقول بحر
والصوره تشهد
http://up4.salowkah.com/uploads/images/salowkah-100b3de17e.gif (http://up4.salowkah.com)

بعدين طلعنا للنفود وتكينا على هاك الجو عسى الله لا يغير علينا وعليكم ولنا مع النفود كم لقطه

http://up4.salowkah.com/uploads/images/salowkah-96528d023c.gif (http://up4.salowkah.com)

بعدها رجعنا الى الرياض مرينا على حريملا وصلبوخ
واغلب الشعبان ماشيه وبعدها وصلنا للرياض ....

اعذروني على طول التقرير لكن يعلم الله ان رحلتنا ماتعدت 6 ساعات لكن مع هالجو كن لنا 3 ايام

وهذي هديه لكل من اطلع على الموضوع وبيالتين للي رد على موضوعي :D
http://up4.salowkah.com/uploads/images/salowkah-7c175ad59f.gif (http://up4.salowkah.com)

نعمه تستاهل الشكر اللهم لك الحمد والشكر من قبل ومن بعد

ودمتم بود

[السوبر فايزر]

يعطيك العافية00

[سهم قيادي]

ما شاء الله تبارك رحله موفقه
اللهم اجعله صيبا نافعا

[برق لينا]

يشرفني مروركم اخواني