فزعة يا اهل الرياض

[راشد الحربي]

يا اهل الرياض مسيتم بالخير .. ولا عليكم امر ابي مكان كويس للطلعة بكرة -عوائل-مع العلم ان سياراتنا بعضها جيوب وبعضها كوابرس ... ابي شمال الرياض إذا على طريق القصيم ... او جنوب إذا كويس عشان نهج عن الزحمة ..!


وبيض الله وجيهكم مقدما ..!

[راشد الحربي]

افا ياهل الرياض ... وين الفزعة ..!

[ولدالعم]

اقول اركد بس والنوم زين

الله يحفظكم ترى الدعوى خطره

[معن1420]

الزبنه يا أوخيي
ترى البيت زين والاستراحه ازين

[جليس الساحة]

هلا راشد

امسك خط حريملا اجواء ممتعة بإذن الله، ولا حولك أحد الجميع في الثمامة وأنت ماشي.

[نواف الردعي]

فزعه؟؟؟؟ والله فاضي وانا اخوك . انا قلت بس حربي اكيد من القصيم ويطلب النجده وتعرف القصيم خاصه بريده وعنيزه بحاجه لدعواتكم ان لايصيبها مكروه ... تروعنا واتلاتها تدور مكان تمشى فيه
ياخوي امس طريق الثمامه ولا يردك الى روضة الخفس

[راشد الحربي]

خخخخخخخخخخخخخخخ
والله انك صادق بس عندنا ناس ماتفهم يبون البر باي وسيلة ..!

حنى نبي لو نفيدات حول الرياض نطلع بهن العيال يستانسون للعصر ..!

[سفير الشمال]

السلام عليكم ورحمة الله وبركاته
حياك الله اخي الكريم
راشد الحربي
أرجو تقبل هذه النصيحه من أخوك المسلم وهي عدم الخروج هذه الأيام للنزهه في البر أنت وعائلتك الكريمه خوف من عواقب وخيمه لاقدر الله
اذا كان هنا ضروره عليك بالخروج الى النفود القريب من الطريق
تقبل تحياتي

[مفارق]

ابشر بسعدك ياراشد
صباح الخير للجميع
فيه مكان انا جاية قبل يوم طعوس والسيل يجري من بيها المكان رايق جدا وبعيد من زاحمة الرياض بس الله يعينك مشور شوي حوالي 120 ك جنوب الرياض
إذا ماعندك مشكلة انا في المنتدى وانتضر ردك
عشان اوصفك اياه

[راشد الحربي]

خخخخخخخخخخخخخخخخخخخخخخخخخخ

والله ياخوان اني ادري اني رجيتكم .. بس معليش ..

والله اني دخت من التفكير ودي ادور لي مكان مافيه زحمه وكويس ..!

[غريب الرشيدي]

شف يالذيب تبي المكشات الطيب خلك مع طريق سلطانه وحريملاء
ولا الطوقي الي بعد ماتتعدى الثمامه يجيك المفرق
والله يستر عليك وعلينا

[راشد الحربي]

اخوي مفارق لك رسالة على الخاص

[راشد الحربي]

الله يبيض وجيهكم جميعا ماقصرتم ...!

وجزاكم الله الف خيررررررررر ..!


وآسف على الازعاج ..!

[Alfawarh]

:good: :good: :good: :good: :good: :good:معن 1420
http://www.mekshat.com/vb/images/frames/11_cur.gifhttp://www.mekshat.com/vb/images/frames/11_cul.gif
اليوم الامطار أحسن أن تنم البيت معند ي فزعة وأن من أهل يرياض مفيه تلبس الفره

http://www.mekshat.com/vb/images/frames/11_cdr.gifhttp://www.mekshat.com/vb/images/frames/11_cdl.gifومشتق البرالله يحفظكم

[الكونترولCONTROL]

عوائل ؟؟!!! نصيحة اخو : لا تغامر .... لا تروح جهة المناطق الممطورة ...
لا تقول طريق مسفلت ... ان شاء الله تزين الأجواء بوقت قريب .... لاحقين خير

[ولدحريملاء]

حياااااااااااااكـ في حريملاء تبي وصف الشعيب

[مفارق]

أخي راشد
أولا ما أقدر ارسل رسالة خاصة لأن مشاركاتي قليلة جدا
ثانيا انا بعيد عن الديرة واتصالي بالكنكنت
لاكن ولا يهمك
الموضوع سهل
أكيد تعرف نساح
أنا جايها طعوس نضيفه والبزران انبسطو الجو على كيف كيفك
والسيل على يميننا ويسارنا بس ماهوب سيل قوي لاكن وسع الصدر ولا صجت الرياض ولا هجولة مراهقين
فيه زحيمة شوي بس ما هيب زي الرياض
ومعليش على التأخير الاتصال لك عليه
واذا تبي زود توصيف برضه انا موجود

[غريب الرشيدي]

حياااااااااااااكـ في حريملاء تبي وصف الشعيب
سلملي على الكلية والشعيب ياولد حريملاء

[sawa900]

يالغالي اذا بتروح شمال ترى الوضع كله صار مخططات الين تاصل بنبان تبي نصيحتي لك اطلع غرب وافرق من عند ضرما وبتلقى العوائل على اليسار مليان

[سليمان المطرودي]

تبي نصيحتي

اذا كان الجو بكرى صحو اكشت اقريب
واذا شفت الخيال ازبن
لان معك عوايل

اما ان كان الجو بكرى خيال وغيم او مطر ترى الكشته بالبيت احسن

الان امطار قوية على القصيم وغرب الرياض ومن المحتمل وصول هذه السحب بعد قليل الى الرياض
ويمكن تستمر
وانت تعرف ان طرق الرياض صعبة جدا وكلها تصير بحيرات اذا نزل قطرة ماء
اجل وشلون لو يجي مثل اللي بعفيف والقصيم
والله يالدايري ان يغرق فيه ناس
حتى ما تقدر تطلع لا يمين ولا يسار اذا حاصرت السيول باحد الطرق الكبيرة
كلها شبوك وصبات

اخر النصحية اقعد بالبيت
واذا تحسنت الاحوال الجوية اكشت

[راشد الحربي]

الله يجزاكم الف خير ..!

ياراعي حريملاء وصف و لاعليك امر ....!

اخوي مفارق والله نساح اسمع عنها بس إن شاءلله الشباب اخويانا يعرفونها اكثر ..!

بيض الله وجهك .. وشكلها وجهتنا إن شاءالله كان تمموا العيال ..!

الله لايهينك ..!

[راشد الحربي]

نصايحكم في محلها .. الله لايهينكم .........

وفعلا القرار النهائي على حسب الجو بكرة ..!


كتب الله اجركم ..!

[جلمود الجبيرى]

اخوي راشد نصيحه من اخو امسك طريق الخرج بعد التفتيش طريق يروح يمين ادخل معه وبعد ثلاثه كيلو طعيسات يحبه قلبك واحسن شي للعوائل والله يستر عليكم

[mr.hanx]

النصيحة المهمة / لا تسمع كلام الحريم
و الله لا يثمنن لشي و لا يقدرن الاخطار و البلاوي
موفق ان شاء الله

[راشد الحربي]

اخوي الجبيري .. انا اعرف طريق الخرج كويس بعد التفتيش الخط زفلت اللي يروح يمين ؟؟!

وكم كيلو داخل .. ؟ ولاعليك امر ..!

[سليمان المطرودي]

اللي بعد التفتيش اسمها الزويليات
وقريبة جدا من الخط

لكن اسمع نصيحتي للمرة الثانية

ان كان الجو بكرى مطر اكشت بالصالة
وطريق الخرج فيه نفق خطير
وكذلك اللي بعد مصنع الاسمنت الى اشارة طريق النصر بالعزيزة يجتمع فيه الماء

[راشد الحربي]

والله انك صادق يا مستر هانكس .. بس المشكلة مو بالحريم .. ولدي تركي هو اللي مشغلني ..