يا ذيب عاهدني وا عاهدك ما ارميك .... قصيده أعجبتني

[الشقردي أنا]

بسم الله الرحمن الرحيم

الحمدلله والصلاة والسلام على رسول الله وبعد
السلام عليكم ورحمة الله وبركاته

فى البداية أحب أهني نفسي أني أشتركت معكم فى منتديات مكشات والله يوفقنا لما فيه خير

طبعاً أنا لست بشاعر ولكن أتذوق بعض منه ويعجبني منه ما كان ذا معنى ومغزي لتوصيل رساله لمستمعها
المهم مالكم بطول الهرجه فيه قصيده قديمه جداً سمعت بعض ابياتها وأعجبتني وبحثت عنها فى الانترنت ولقيتها وحبيت أنقلها بدون الدخول فى قضية من هي له لأنه قد أختلف فيمن هي له عموماً من كان عنده من الأخوان علم فلا يبخل علينا وحياكم الله على قل الكلافه.

[line]

من اهم مصادر النصائح والتوجيهات التي يذكرني بها والدي حفظه الله هذه القصيدة للشريف بركات.

الشريف بركات من كبار عائلة الاشراف الذين كانوا يحكمون الحجاز لعدة قرون سابقة والذين منهم العائلة المالكة الاردنية الحالية. عاش في القرن التاسع عشر.

يوجه قصيدته هذه باللغة العامية لابنه مالك. تحتوى على وصايا وحكم عظيمة قل من يلتزم بها.

اقرأها ،، وقد تعجز عن فهمها اذا كنت لاتفهم لغتها الشعبية ،، ولكن تأكد انها ستجعلك تحن لكثير من قيم الرجولة والكرم والمروءة والشهامة والفروسية التي تميز بها العرب ،، وليتهم يتعهدونها ويلتزمون بها لمستقبلهم.

يا مرقب بالصبح ضليت اباديك = ما واحد قبلي خبرته تعلاك

وليت يا ذا الدهر ما اكثر بلاويك= الله يزودنا السلامه من اتلاك

يللي على العربان عمت شكاويك = وليت يا دهر الخطا ول مقواك

واليوم هالكانون غادي شبابيك= تلعب به الارياح من كل شباك

يا مالك اسمع جابتي يوم اوصيك = واعرف ترى يا بوك بامرك وانهاك

وصية من والد طامع فيك = تسبق على الساقه لسانه لعلياك

اوصيك بالتقوى عسى الله يهديك = لها وتدركها بتوفيق مولاك

الله بحق اجدادك الغر يعطيك = رضاه مع كل ما تمنى من امناك

احفظ دبشك اللي عن الناس مغنيك = اللي الى بان الخلل فيك يرفاك

واعرف ترى مكه ولاها ابن اخيك = لو تطلبه خمسة دواوين ما اعطاك

اجعل دروب المرجلة من معانيك = وادراج سيسها على العز مرقاك

لا تنسدح عنها وتبغيني اعطيك = جميع ما يكفيك ما حاصل ذاك

احذر امر ليعات تبيها لتاليك = ايضا ويرخص عندها قدر مأواك

ادب ولدك ان كان تبغيه يشفيك = واستسعفه من بعد مرباه يالاك

اما سمج واستسمجك عند شانيك = ويفر من فعله صديقك وشرواك

والا بعد جهله ترا هو بياذيك = لو زعلت امه لا تخليه يالاك

واحذر تضيع كل من هو ذخر فيك = معروفه لا تنساه واوفه لعرفاك

ترا الصنايع بين الاجواد تشريك = الى طمعت بركزها لا تعداك

واحذر سرور بغبة البحر يرميك = ولا عنده افلس من تشكيك وبكاك

واوف الرجال حقوقها قبل تعنيك = لا تعتمد بالعفو فالحق يقفاك

وهرج النميمه والقفا لا يجي فيك = واياك وعرض الغافل اياي واياك

تبدي حديث للناس فيه تشكيك = وتهيم عند الناس بالكذب واشراك

واذا نويت احذر تعلم بطاريك = كم واحد تبغي به العرف واغواك

واحذر شماتة صاحب لك مصافيك = والى جرا لك جاري قال لولاك

ولا تحسب ان الله قطوع يخليك = ولا تفرح ان الله على الخلق بداك

ان اشتهى حط الطمع في تواليك = لو ما لقيته يا فتى الجود يلقاك

والضيف قوم له حين يلفيك = مما تنوشه يا فتى الجود يمناك

اكرم قباله فانها من شواديك = وابذل له المجهود ما دام يعناك

واحذر تلاقي الضيف مقرن علابيك = خله محب لك صديق اذا جاك

واوصيك زلات الصديق ان عثا فيك = ما دام يغطاها الشعر فاحتمل ذاك

راعه ولو ما شفت انه يراعيك = عساك تكسر نيته عن معاداك

واحذر عدوك لو ظهر بيصافيك = خلك نبيه وراقبه وين ما جاك

لا تامنه فاطلب من الله ينجيك = ويكفيك ربك شر ذولا وذولاك

شفني انا يا بوك بآ مرك وانهيك = عن التعرض بين الاثنين حذراك

اذا حضرت طلايب مع شرابيك = اسع لهم بالصلح واللاش يفداك

ابذل لهم بالطيب ربك ينجيك = لا تجضع الميزان مع ذا ولا ذاك

اما الشهادة ادها ان دعوا فيك = بين عمود الدين لا عميت ارياك

بالك تماشي واحد لك يرديك = طالع بني جنسك وفكر بممشاك

رابع اصيل في زمانك يشاكيك = والى شاف خملاتك عن الناس غطاك

واحذر عن طرد المجفي حذاريك = عليك بالمجبل وخل من تعداك

ثم العن الشيطان لياه يغويك = ترا ان تبعته للشرابيك وداك

واوصيك لا تشتكي علينا بلاويك = انت السبب اخذك عيونك بيمناك

واعرف ترا اللي وطا الفعر واطيك = ولا انت اعز من الجماعة هذولاك

المسك يا راسي عن الذل واخطيك = واحذر تكلم يا لساني حذاراك

والطف بجارك ثم قم دون عانيك = وافطن الما يعنيك عن ربعة اخواك

يا ذيب وان جتك الغنم في مفاليك = فاكمن الى حيث الرعايا اتعداك

من اول يا ذيب تفرس ابياديك = واليوم جا ذيب عن الفرس عداك

يا ذيب عاهدني واعاهدك ما رميك= ما رميك انا يا ذيب لو زان مرماك

والنفس خالف رايها قبل ترميك = ترا لها الشيطان يرمي بالاهلاك

ومن بعد ذا لا تصحب النذل يعديك = وعن صحبة الانذال حاشاك حاشاك

والهقوة انك ما تجي دون اهاليك = ولا اظن عود الورد يثمر بتنباك

والحر مثلك يستحي يصحب الديك = وان صاحبه عاعا معاعات الادياك

لا تستمع قول الطرف يوم يلفيك = بالكذب يقضي حاجته كل ما جاك

من نم لك نم بك ولا فيه تشكيك = ويلاه قد ازرا رفيقك وازراك

عندك حكا فينا وعندي حكا فيك = واصبحت كارهنا وحنا كرهناك

ما اخطاك ما صابك ولو كان راميك = واللي يصيبك لو تتقيت ما اخطاك

مير استمع مني عسى الله يهديك = النصح يا مالك لك الله مولاك

عندي مظنه ما تمثلتها فيك = واطلب لك التوفيق من عند مولاك

طبعاً منقوله القصيده مع مقدمتها من موقع عبدالله الناهسي الشهراني

وسلامتكم
واتمني أني أكون ما جبت شي مكرر

أخوكم الشقردي أنا

[الطبيب]

حياك الله بمنتداك مكشات

ونقل موفق وحتى لو سبقك احد من الاعضاء بهذه القصيده فلامانع من تكرار عيون الشعر اللتي لا تنضب وهذه القصائد اللتي تكتب بماء الذهب ولا نمل من سماعها وقرائتها

وتقبل خالص تهاني القلبيه لتذوقك الراقي للشعر

هذا والله اعلم

والسلام ختام

[مهند]

الله يعطيك العافية:good: :good: :good:
اختيار راااائع
وهذه تعتبر من معلقات الشعر الشعبي ان صحة التسمية:)

[الدليله]

هذا الشاعر اسمة بركات الشريف ينصح ولده ان ماخاب ظني

ومشكور اخوي على هالمشاركة

وتبي الحقيقة ماعجبوني هل المنتدى مادري وش فيهم مايتفاعلون مع الضيوف ولا يردون على مشاركاتهم

شف انا مشارك من امس الساعة ممكن 10 صباحا واللي رد علي واحد بس


لكن انشاء الله يتفاعلون معنا


اخوك الدليله:mad: :mad: :mad: :mad: :mad: :mad:

[الشقردي أنا]

الأخ الطبيب

الله يحييك ويبقيك ومشكور على رفع المعنويات وما يجي أنشاالله منك ومن الأخوان أي قصور والذوق يجي منكك يا أهل الذوق.

الأخ مهند

الله يعافيك ويسلمك

وهذه تعتبر من معلقات الشعر الشعبي ان صحة التسمية

والله من ناحيتي ان التسمية صحيحة وبالفعل أنك جبتها.

مشكور على المداخلة

الأخ الدليله

مشكور على تأكيد المعلومه
وبعدين التفاعل قادم بمشيئة الله ولا تحط بخاطرك يالغالي.;)