فزعتكم يا اهل البل ؟

[المعلم سعد]

السلام عليكم ورحمة الله وبركاته
اخواني عندي بكره اشغلتني واشغلت النياق بس تأكل وبرتها اذا بركت البل قامت تلف عليها وتنتف وبرتها

حتى البكار ما سلمت منها .......

علما قالوا لي حط لها ملح حطيت ولا فيه فايده واللي خلفيه عن العده الشينه بالبكره يعلمنا الله يجزاه خير

[نايف الذيب]

هلا بك يالمعلم

شف طال عمرك حطها في شبك لحالها لمدة اسبوع او عشر ايام

وارك عليها الملح وانشاء الله راح تتوب عنها

[راعي شرهه]

حياك يالمعلم
مثل ماقال الذيب وان مافاد
بعها ابرك لنياقك وحيرانك

[راعي دسمه]

انا مع الاخوان بس زد عليها
فيتامينات تلقاها عند البيطري ترد الحلال عن اكل الصوف والبعر
وعسى الله يبارك فيها ويشفيها

[hasham]

شف عيونها . كانها حمرا أكوها .

[ابو الشباب3]

انا مع الاخوان بس زد عليها
فيتامينات تلقاها عند البيطري ترد الحلال عن اكل الصوف والبعر
وعسى الله يبارك فيها ويشفيها
احرص عليها بالعلف الكافي ونقص العلف يسبب كثير من الامراض وعلى التطعيم لحفظ الحلال من النقص الفيتامينات و الوقايه من جميع الامراض والحافظ رب العالمين سبحانه :good:

[راع الصقلاويه]

احرص عليها بالعلف الكافي ونقص العلف يسبب كثير من الامراض وعلى التطعيم لحفظ الحلال من النقص الفيتامينات و الوقايه من جميع الامراض والحافظ رب العالمين سبحانه :good:



أشهد انك ذيب الله يستر عليك .

وانت ياسعد الله يسعدك

بكرتك هذي ماتاخذ كفايتها من العلف

أشبعها , وشف كيف يتغير وضعها .

[مسيطر]

مع الأخ نايف الذيب

[عروان بن زيد]

اعزلها وارك عليها بالملح

[القمري]

السلام عليكم

حسب معرفتي ودراستي أن الشعر من اهم مكوناته عنصر الكبريت
ويبدو أن الناقه ينقصها الكبريت هناك فيتامينات في الصيدليات البيطرية ويوجد بها عنصر الكبريت بدرجه جيده . وآمل السؤال للبيطري بالصيدلية لعل الله ينفع فيه ويكون سبب بعد الله في علاجها
بالتوفيق

[حمود2001]

السلامعليكم
مشكلة بكرتك نقص املاح وفيتامينات وغالبا تجي النياق المشبوكه ولا الي ماعندها حمض من رمث وغيره
ولا يحطوون لها ملح بدل من الحمض ويوجد عند الصيدليات البيطرية بودره توضع مع المويه مفيده جدا لان الملح لوحده لا يكفي ولا تكثر الملح عليها حسب تجربتي وشكرا