احلى قصائدي اهديها لكم مناسبة هذه الاجواء الرائعه

[ابو عمر اللاحم]

بمناسبة هذه الاجواء الرائعه والامطار المباركه لله الحمد والمنه
اهديكم هذه القصيده

يا ما حلا لصوت النجر بالهيل=وشبيت بهشوم الأراطي لهبها
والبن يطبخ في اعذاب المعاميل=يفوح رايحها بريحة حطبها
ومصفي (ن) إزلال من السيل=ومن اليمن حبه ونقوة جلبها
في فيضة (ن) غراء سقتها الهماليل=الله عطاها من سماه او وهبها
يلعب زهرها للنسانيس ويميل=كنه بنات بعرس حزة طربها
والسدر رويان (ن) وخضر(ن)مضاليل=مامره الشاوي وما حد(ن)قربها
برض(ن) خلا ما خربوها الدعابيل=ما غير طير(ن)يلعب(ن) في رحبها
هذي منات الروح ونس وتعاليل=ليا بغيت الونس هذا سببها

وسلامتكم

[جرير]

صح لسانك .
لك حق تطرب وتهيجن

[محب المسفهل]

الله يسلمك ابو عمر ، خيال رايق الله يتتم هالخير

[جزاء الشمري]

ابو عمر صح لسانك والله يجيب الخير والربيع

[hasham]

هاذا جوها . صح لسانك .

[عاشق الحصاة]

صح لسانك
.
.؟
؟؟.

[ابو عمر اللاحم]

مشرفنا الغالي حرير صح بدنك يعطيك العافيه
تحيتي

[ابو عمر اللاحم]

محب المسفهل
صح بدنك ويعطيك العافيه
احمل تحيه

[ابو الفهدة]

الله يعطيك العافية

[ريف النشاما]

ياهلا ويامسهلا

ومرحبا تراحيب المطر


صح لسانك ولسان الشاعر:d


شكل هالقصيدة على جال النار عند راع النياق:)

[ابو عمر اللاحم]

برق الوسم 2

صح بدنك ومشكور على تشرف الصفحه بحضورك
تحيتي

[ابو عمر اللاحم]

hasham

صح بدنك اخوي ويعيطك العافيه لتشريف الصفحه بحضورك

تحيتي

[ابو عمر اللاحم]

عاشق الحصاة

صح لسانك اخوي

اجمل تحيه

[ابو عمر اللاحم]

ريف النشاما

صح لسان ولسان الشاعر؟؟؟!!!

الله واعلم انك دايخ من كثر المطامر ورا هالسيول الحمدلله

اخوي ريف صح بدنك ويعطيك العافيه لتشرف الصفحه بحضور الغالي
تحيتي

[دغيم1]

السلام عليكم ورحمة الله وبركاته
يعطيك العافية أخي الكريم
أبو عمر
والله يلحقك خير وتشوف مايسرك
قصيدة جميلة وفيها شوق وإشتياق
صح لسانك
تقبل تحياتي

[ابو عمر اللاحم]

دغيم 1
مشرفنا الغالي صح بدنك وتسلم شرفت صفحتي بحضور
اجمل تحيه