عاجل ... نوفي 710 ومشكلة في البر ارجو المساعده في حلها

[محسن عزيز]

اشتريت نوفي 710 من دار موجة وقلت للبايع ابغى فيه خرايط البر وقال لي محملة فيه ورحت يم تمير ..واخر علم للخطوط المعبدة قبلها وحاولت اضع احداثيات للتنهات علشان اروح لها من ام رجوم وقال لي الجهاز ليس هناك طرق قريبه ورفض يوجهني

وانا اعرف الطرق البريه ولله الحمد لكن ودي اعرف ليش ما قبل النوفي الاحداثيات ورفض توصيلي وهل لابد من وجود طرق معبده محملة في خرايط النوفي علشان يعرفها

وش رايكم في كلام البايع يوم قال لي مرتين واكد لي ان الجهاز فيه خرايط البر

[ديزل1]

السلام عليكم ورحمة الله وبركاتة
الحمد لله على السلامة وانك تعرف الدروب زين ولا يهمك كلام البياعين ترى يبون يمشون سلعتهم باي طريقة
ولو ترجع له قالك ما صار ذا الكلام انا ما قلتة ولو اني عندة تفاهمت معة زين( بعنف )
والله يوفقك

[Barq al7'eel]

الاخ محسن

وجب عليك تخليه يوريك الخرائط البرية ويختارها قدامك عشان ما يكون هناك اي لبس لانه ما ينفع يكون الواحد بالبر ووقتها يدور على الخرايط واعتقد انها محمله بس يجب عليك اختيارها من القائمه بدل خرائط المدن والله اعلم

حمد لله على السلامه والمنتدى فيه خرائط الخليج 2008 مدمج فيها خرائط الصحرا اللي تغنيك عن الهندي وشاكلته اللي لاعبين بالناس على كيفهم

حمد لله ان الامور جات على خير

[محسن عزيز]

مشكورين يا رجال المكشات ... لكن كيف اغير القائمة في النوفي ان كان عندكم علم افيودني يالحبايب السناعيس

[الكشات]

الحمدلله على السلامة
بالنسبة للتحويل الى خرائط البر بالجهاز
1-تذهب لادوات
2-ثم للاعدادات
3-ثم للخريطة
4-ثم معلومات الخريطة
5-استبدل من خريطة المدن الى خريطة الصحراء وذلك بالضغط عليها
اتمنى ان اكون وفيتك بالمعلومة.

[الجفن]

الحمدلله على السلامة
بالنسبة للتحويل الى خرائط البر بالجهاز
1-تذهب لادوات
2-ثم للاعدادات
3-ثم للخريطة
4-ثم معلومات الخريطة
5-استبدل من خريطة المدن الى خريطة الصحراء وذلك بالضغط عليها
اتمنى ان اكون وفيتك بالمعلومة.
مثل ما قال اخوي الكشات يعطيه العافيه

[برق بن رعد]

هل النوفي يقوم مقام الجارمن 276c
ولكم الشكر

[ابوسند77]

السلام عليكم

انا عندي جهاز نوفي 205 بس للاسف ما لقيت جواب الاخ رقم 5 ما لقيت تحويل من مدن الي صحراء اساسا ما شفت كلمت صحراء في جهازي يا ليت توضيح يا شباب جزاكم الله عنا الف خير

[محسن عزيز]

نعم لقد وجدتها ومشكورين ويبدو ان السيول وجمال البر والطعوس الممطورة هالايام ما خلت الواحد يركز ..

مشكورين

[Rahhal_xp]

نعم لقد وجدتها ومشكورين ويبدو ان السيول وجمال البر والطعوس الممطورة هالايام ما خلت الواحد يركز ..

مشكورين

هذي مشكلة اللي يشتري جهاز جديد وتلهيه الطفه انه يشوف وش فيه ويتعلم عليه قبل يحتاجه :p

الله يعطيك خيره ويكفيك شره يارب .... آمين.

[ابوكندة]

اشتريت نوفي 710 من دار موجة وقلت للبايع ابغى فيه خرايط البر وقال لي محملة فيه ورحت يم تمير ..واخر علم للخطوط المعبدة قبلها وحاولت اضع احداثيات للتنهات علشان اروح لها من ام رجوم وقال لي الجهاز ليس هناك طرق قريبه ورفض يوجهني

وانا اعرف الطرق البريه ولله الحمد لكن ودي اعرف ليش ما قبل النوفي الاحداثيات ورفض توصيلي وهل لابد من وجود طرق معبده محملة في خرايط النوفي علشان يعرفها

وش رايكم في كلام البايع يوم قال لي مرتين واكد لي ان الجهاز فيه خرايط البر
اخوي الجهاز ممتاز وسهل الاستخدام

ومشكلتك ناقشتها اليوم مع صاحب خبرة ووضحل كيف حله وهي كالاتي

اذا تبي موقع خارج الاسفلت وادخلت الاحداثيات مارح يحددلك الطريق الا بعد ما تحول الجهاز

الى خيار وهو خارج الطريق والتحويل سهل وهو

تروح للادوات - اعدادات - ملاحة - ثم تختار خارج الطريق

بعدها يحدد لك النقطة ويقودك اليها.

عموما اذا تبي تتعلم على الجهاز

ادخل ادوات - اعدادات - نظام - محاكي gps

وبعدها يمكنك تتعلم عليه وكانه حقيقي وطبق اللي تعلمته

بعده تلقى الجهاز ممتاز وسهل الاستخدام

وبتلغي المحاكي نفس الطريقة السابقة وتلغيها

اتمنى اني افدتكم واي شي ثاني انا حاضر

[ابوكندة]

اعتذر عن الاجطاء الاملائية

[sailor]

بارك الله فيكم جميعا