وين احصل - اّلّرُواقْ - الجيد

[fayez188]

السلام عليكم ورحمة الله وبركاته

اخواني المكاشيت ... وين احصل لي رواق جيد ارتفاعه 1.50سم ينفع لطلعة ساعة او زيادة سهل الحمل خفيف وزن وسعر مناسب ..؟

وسلامتكم يالمناعير

[BlackKnight]

في الغرابي في الرياض

[fayez188]

كم في كم اقل طول ؟ وهل تعرف السعر لا هنت ؟

[rashid55]

الرواقات الصغيرة والكبيرة من 4متر و6 متر الى اخره تجدها حتى ببقالات محطات البنزين على الخطوط وداخل المدن تشوفها معروضه خارج وداخل البقالة من سعر80 ريال الى 160 ريال والمقاسات مكتوبه عليها عندنا بالشرقية بجميع محطات البنزين حتى بعض الخيم الصغيرة موجوده وعدد الرحلات ايضا وبالرياض يمكن اكثر والشرقية ارجوا انني قد أفدتك .

[حلو الذكريات]

الغرابي في الرياض

تلقاه في مجمع مكون الظاهر من عشر محلات يقل او يزيد في عدد المحلات بشوي

اما بنسبه للمقاسات على حسب رغبتك من الطول والعرض متفاوت من 130 الى 190 بس منيب متاكد من العرض

تقبل مروري اخوك التميمي

[mr_ams]

بسم الله الرحمن الرحيم
انا انصح اذا كان الطلعات خفيفة يكون طوله اقل من 150 120 كفايه عشان ما يكتم المكان كثير انا عندي من السنبدي 120 في 8 متر ممتاز وخفيف و يا الراوق الي على كفرات تصير السياره و الرواق كنك في خيمة
والله الموفق

[hasham]

الاروقه الجاهزة كلها تجارية وغير جيدة من حيث 1- نسيج القماش غير جيد 2- الحديد لا يتحمل كثرة الطرق 3- الطرائق التي تدعّم الرواق والخيط المستخدم من النوع الرديء 4- الببلاستيك اللي في أسفل الرواق رديء مثل (أشرعة الاسمنت ).
.................
لذلك التفصيل أغلي سعر وأثقل شوي في الوزن . لكنه يريّحك بالاستخدام . ويعيش طويلا .

[بواسامه]

افضل شي استخدمته
هو اللي فصلته لنفسي
اخترت القماش الترابي التنزاني
والحديد قويت لحماته
وفصلت له جراب ومشد خارجي
وبجوتنبه محل للمنديل
صح اثقل شوي من اللي في السوق
بس ارقد وامن

[إعصار]

الي في الغرابي ..


شغل تجاري ..


وكذلك الي في أغلب المحطات الي في الطرق السريعة ..


نصيحة من قلب ..


لايفوتك رواق البرية ..


شغلهم في الحديد ممتاز مررررة ..


والقماش جيد ..


وله جراب ..


وطوله حلو ..

وفيه مخابي ..

شغل على كيفيك ..:)


له معي سنتين .. ولاأحلى ولا أروع ..


موقع البرية ..
الدائري الشرقي ..


بين مخرج 14 و15


014924840


..

[منتعش]

أفضل نوع جربته حتى الآن رواق السنيدي
ممتاز وعملي وأطنابه التي بالأسقل ملحمه بشكل جيده

[الحرف 1]

عند السنيدي

[halaweenw]

السنيدي ماعليه كلام
الحديد قوي والخياط جيد وارتفاعه مناسب وفيه جيوب للتخزين
وله جراب خاص فيه

[ساقان]

البريه شغلهم نضيف وينصفط عندي 120 سم الارتفاع من سنتين .. ولا قال لاا

[عاشق السيل]

وعليكم السلام ورحمة الله وبركاته ،،

أخوي فايز خذ نصيحة أخوك اللي مجرب أنواع الرواقات ومقاساتها ،،،

رح طال عمرك لمحل اليوسف للخيام بشارع الإمام الشافعي بحي الريان شرق الرياض وفصل عنده رواقين كل واحد طوله أربع أمتار فقط وارتفاع 120 سم ،، للأسباب التالية :

1 ـ أربع أمتار صغير وسهل التحميل والتثبيت والطوي ،،
2 ـ رواقين علشان تحطها بالشكل اللي تبيه وممكن تحطها بطول واحد ويطلع معك 8 متر !!
3 ـ ارتفاع 150سم متعب جدا ومايقاوم الهواء وماتستفيد منه شي لذلك خلك على 120سم ،،
4 ـ اليوسف عنده أقمشة ممتازة والأعمدة اللي يحطها سيخ كامل صبة وحدة يعني مافيه أمل ينكسر !!

والله يوفقك لكل خير وتقبل مروري يالغالي ....

[fayez188]

dh [ugkd lh fh;dd;l (المعنى بالعربي ... ياجعلني ما ابكيكم) اشكر كل اصبع ظغط الكيبورد من اجلي ... ياجعله يشهد بالواحدنية للخالق حتى الممات

[سرهيد]

السلام عليكم

اترك عنك اللي تباع ، فهي غير عملية

رح بنفسك واختر القماش الاصلي وفصل على كيفك

انا عندي ثلاث رواقات اثني على ارتفاع 120 واحد ارتفاع 150

وكلها قماش تنزاني وحديد ثقيل

الغالب في اللي يباع طقتين بالمطقة الا خربان ، لكن اللي تفصل يكون قماشه زين وحديده زين ويطول معك

ولعلي لاحقا انزل صور لها

تقبل احترامي

[ابن مسعوده]

افضل شي التفصيل
فصل على مزاجك في دار الفراسه مخرج 15 بعد مركز الهرم

[القمم]

عزيزي بالغرابي بالرياض
يفصلون لك الرواق حسب رغبتك

وموفق عزيزي

[أفق]

لايفوتك رواق (البرية) شغل صح
شغل ابو صالح وابو يزيد
والله مابيني وبينهم قرابة بس تعرفت عليهم وحبيتهم في الله
والصراحة نصوحين