المساعد الشخصي الرقمي

مشاهدة النسخة كاملة : اهل الشرقيه "بامكانكم شراء شريحة خرائط الصحرا"


كشات
19/02/2004, 01:49 AM
بسم الله الرحمن الرحيم
السلام عليكم ورحمة الله وبركاته

الشباب اللي يرغبون بشراء شريحة خرائط الصحراء اخر اصدار
بامكانكم ان تجدوها في دار موجه اللي بالخبر
وسعرها نفس الشي

من اجل الفائده للجميع
ولا تنسونا من صالح دعاكم
براء
19/02/2004, 09:29 PM
الإخوة الكرام
هل هذه الخارطة الموجودة عند دار موجه هي خرائط الصحراء الخاصة بأخونا السعلو أم لا ؟
عروان
21/02/2004, 02:00 PM
اللي أخبره ان فرع دار موجه بالخبر يبيعون الشراحة فاضية.


مادري اذا هم بدأو يبيعون خرائط الصحراء


ننتظر تأكيد من ااخونا


تحياتي
كشات
21/02/2004, 06:57 PM
بسم الله الرحمن الرحيم
السلام عليكم ورحمة الله وبركاته

الاخ براء
نعم ياخوي نفس خرايط السعلو وانا شفتها بنفسي وتاكدت من الختم وشفت كيس دار موجه والخريطه(الورقيه )المرفقه مع البيعه
لان اللي شفتها عنده جايته هديه ومايدري عن تفاصيل الاجهزه واخر مستجداتها


الاخ عروان
شكرا على مرورك
وبامكانك التاكد بنفسك

انا حاط(ن) موضوع ومخصصه لهالخبر
يبيلها تاكيد ذي!!!!!!!!!!
lexus470
22/02/2004, 01:49 AM
السلام عليكم

مشكور أخوي كشات على المعلومه بس ياليت اتحط عنوانهم بالكامل لأني ما دلهم وحنا بعيدين شوي من الخبر .

تحياتي
عروان
22/02/2004, 10:19 AM
بسم الله الرحمن الرحيم

أخوي كشات = السلام عليكم ورحمة الله وبركاته

باين عليك زعلت من ردي السابق ;) .......... لاتزل ونا خوك

ماعندي شك في انك تبي تخدم اخوانك في المنتدى بأفضل ما تستطيع.

و صدقني ما طلبت تأكيد الخبر الا لآني متأكد أن فيه لبس عليك في الموضوع

الخرائط اللي يبيعونها دار موجه هي خرائط الدليل اللي تنتجها دار موجه وينزلونها على جهازك

أما خرائط الصحراء اللي يصدرها السعلو و محبوب الجميع ماهي موجوده عند دار موجه.

أنا متأكد بنفسي من معرض دار موجه اللي بشارع الملك فهد بالخبر المسؤل عن المعرض سوداني

أسمة معاذ وتلفونهم تلقاه في موقع دار موجه بالاعلان أللي موجود في أعلى الصفحة.



تحياتي لك
بارك الله فيك
كشات
22/02/2004, 01:50 PM
بسم الله الرحمن الرحيم
السلام عليكم ورحمة الله وبركاته

الاخ لكزس470
الموقع الخبر شارع الملك فهد(اللي يبيعون الجوالات) تقاطع 12 ركني مقابل جنوب غرب يعني على يسارك وانت ماشي بالشارع العام

الاخ عروان
ابشر بسعدك انت صح :good:
وانا ماعرف لا للخرايط ولالل GPS
ولا حتى للبر
والرقروق

والمره الجايه اذا بجيب خبر للمنتدى لازم اكتب معروض واجيب ملف علاقي و اصدقه من العمده
عشان حضرتك تصدق اي شي اقوله انا بالذات

وهذي صورتي قبل اكثر من 35 سنه

http://www.mekshat.com/pix/upload/images4/sageer.JPG

عشن تعرف اني كمخه ولا اعرف للبر منذ نعومة اظفاري
يابعدهم
بس ليتك مكلف على عمرك ومتصل على دار موجه قبل ماتشكك بكلام الناس

رُبَ كلمةٍ قالت لصاحبها دعني
المهلي
22/02/2004, 08:29 PM
اضحك الله سنك يا كشات والله ضحكتني باسلوبك الجميل واللاذع في نفس الوقت
بس ترى شكلك بالصوره ذكي ما شاء الله عليك
على كل حال ابي ازورهم واكد كلامك للاخوه
تحياتي:D ;)
عروان
22/02/2004, 08:58 PM
أخوي كشات أنا مدري وش زعلتك فيه؟

هذا علشاني قلت ننتظر تأكيد الخبر. أخوي انا مكمل معاذ بنفسي وسألته وقال لي انهم مايبيعون خرائط الصحراء "للسعلو".

و من باب اللباقة والادب ما بغيت أكذب خبرك وطلبت منك تتأكد من الخبر.

ولا قصدي أستصغرك أو أقلل من مصاقيتك حتى ألاقي منك هذا الهجوم.

ولا أنت في حاجه الى معروض مصدق من العمده حتى تطرح مواضيعك, المنتدى مفتوح

لك ولغيرك تطرح فيه اللي تبي بدون أذني الله يسلمك ويحفظك.


بعدين الله يرضى عليك محد قال انك كمخة ولا تعرف للبر. الموضوع ماله علاقة بهالكلام.


ونا قبل لا أطرح ردي الثاني كلفت على عمري مثل ما طلبت وأتصلت بفرع دار موجه بالخبر وكلمت معاذ وقال لي أنهم يبيعون شرائح فيها خريطة الدليل من اصدار دار موجه.


أذا ردي زعلك وخلى في خاطرك شي على تراني أسف و أعتذر على كلامي السابق كله و أذا ما ودك ارد عليك أبد في المنتدى قلي وأبشر بالخير.

واذا أعتذاري هذا ما يكفي دلني عليك وأسير عليك وأحب رأسك و أعتذر منك.


تحياتي لك
كشات
23/02/2004, 01:30 PM
بسم الله الرحمن الرحيم
السلام عليكم ورحمة الله وبركاته

الاخ المهلي

لاتلكف على عمرك يالغالي
مايحتاج تزورهم وتاكد لاحد
اللي مايصدق كلام واحد مب مصدق كلام الف واحد


الاخ عروان
اتوقع ان الموضوع طوّل ولا كان اغلب الكلام اللي فيه يمت للفايده العامه باي صله

وانا اطلب من الاخوه المشرفين مسح الموضوع برمته
وسوف اكتب موضوع جديد بنفس المضمون

اخ عروان
انت تقول
وأتصلت بفرع دار موجه بالخبر وكلمت معاذ وقال لي أنهم يبيعون شرائح فيها خريطة الدليل من اصدار دار موجه.

هل معنى كلامك انهم اذا صارو يبيعون (خرائط الدليل) مايبيعون (خرائط الصحراء)؟


وللتاكيد على معلوماتي
ذهبت مرتين لدار موجه البارح واليوم الضحى
وسالت السوداني البارح والهندي اليوم
قالو لي
كانت عندنا شرايح(خرائط الصحراء) الاصدار 11 والكميه انتهت(( يمكن هالموضوع كان له دور!!!))

ولكن فيه كميه جايه بالطريق خلال اسبوع بالكثير

وانت بكيفك صدقتني او ماصدقتني
كنت ناوي احط صورة فاتورة(خوي"ن"لي شاري الشريحه) او ورقه رسميه تثبت ان الشريحه كانت متوفره عندهم وانهم سوف ياتون بالمزيد خلال اسبوع

لكن لقيت ان السالفه ماتستاهل هالتعب
لان الوحيد اللي ما صدق كلامي ولا يزال هو انت
وان كنت فعلا عند كلامك هذا

أذا ردي زعلك وخلى في خاطرك شي على تراني أسف و أعتذر على كلامي السابق كله و أذا ما ودك ارد عليك أبد في المنتدى قلي وأبشر بالخير.

واذا أعتذاري هذا ما يكفي دلني عليك وأسير عليك وأحب رأسك و أعتذر منك.
مابي منك الا انك تقول رد دار موجه عليك بعد ما تتصل وتسال ان كانهم باعو من قبل هالشرايح والا لا؟





الاخوه اللي يبون يسالون دار موجه عن الشريحه اذا وصلتهم او لا
ارجو الاتصال 8678054-03
او جوال 053835260

وهي دعايه نعم
بس لاخونا ومشرفنا السعلو (اطال الله بقائه ومد له في عمره)