مقلوبة تونة سريعة التحضير

[arrow]

بسم الله الرحمن الرحيم

اخواني استفدت من هذا المنتدى كثير ,,,, وحبيت احاول افيد هالخيمة بطبخة سريعة

اخوكم مايحب الطبخة اللي كثيرة مقادير او كثيرة قدور وصحون .....يمكن لاني عجاز ويمكن لاننا بعصر السرعة....

اطلعت على موضوع اخوي طارق ( مقلوبة حاشي ) وذكرني بفكرة كانت عندي وهي ,,مقلوبة تونة ..

طبعا هذه الطريقة مرنة وسهلة ويمكن تعميمها على اي شي اخر غير التونة...يعني ممكن بدل التونة دخل او دجاج او خضار او ..... او خليط من اكثر من شيء كلن حسب رغبته.......
تتميز بسرعة تحضيرها وقلة المواعين المستخدمة وهذا مااحبه انا دائما .....

نبدا بسم الله مع المقلوبة المختصرة :

المقادير:

تونة
بصل + طماط
زيت زيتون
ملح وبهارات
ليمون اسود مطحون + فلفل احمر مطحون + فلفل اخضر
http://www.mekshat.com/pix/upload02/images86/mk17809_maglobattonah (1).jpg


وهذا الفلفل الاخضر جاء متأخر الى الصفة ونال جزاه من البيالة !!!!!!!!!!!!!

http://www.mekshat.com/pix/upload02/images86/mk17809_maglobattonah (2).jpg



نقطع البصل والطماط ونحمسهن على النار مع زيت الزيتون شوي,,,,ثم نضيف التونة والملح والبهارات والفلفل حسب الرغبة ....

http://www.mekshat.com/pix/upload02/images86/mk17809_maglobattonah (3).jpg



بعد اضافة التونة والبهارات والملح والتقليب على النار قليلا نحصل على الكشنة التالية :


http://www.mekshat.com/pix/upload02/images86/mk17809_maglobattonah (4).jpg



بعد ذلك نضيف الرز ونرصه مثل طريقة اخوي طارق بمقلوبة الحاشي ,,,,انا استخدمت بيالة للرص

http://www.mekshat.com/pix/upload02/images86/mk17809_maglobattonah (5).jpg


بعد مانرص الرز رصا جيدا ,,,, نضيف شوي ماء ,, مثل ماقال اخونا طارق بمقلوبة الحاشي ,,نضيف الماء بدون طفاقة,,شوي شوي...علشان مايخرب رصنا للرز وتطلع التونة فوق رزنا....

http://www.mekshat.com/pix/upload02/images86/mk17809_maglobattonah (6).jpg


نغطي القدر ونشب عليه بقوة لين يتستس البلف,,,,,اذا تس تس البلف نقصر عليه للاخر ....





وبعد 20 دقيقة من نقصر عليه نفتح القدر ونشوف وش صار :

http://www.mekshat.com/pix/upload02/images86/mk17809_maglobattonah (7).jpg



http://www.mekshat.com/pix/upload02/images86/mk17809_maglobattonah (8).jpg



والان نجي لاهم خطوة في المقلوبة وهي قلب الوجبة على الصحن :


http://www.mekshat.com/pix/upload02/images86/mk17809_maglobattonah (9).jpg


قولــــــــــــــــــــــو ماشاء الله :



http://www.mekshat.com/pix/upload02/images86/mk17809_maglobattonah (10).jpg



وبالهناء والعافية .........

واعذرونا على قل الكلافة .......لاني مااحب كثر المحوقة مثل ماقلت لكم.........

[ابوعبدالله400]

مشكور اخوي بس ترى الصور ما طلعت

[سلطان بن محمد]

نعم الصور لم تظر آمل إعادة تحميلها

شاكر ومقدر

[arrow]

اسف ,,,,, سوف اعيد تحميلها مرة اخرى

[mars]

اوووووه مقلوبة تونه هاذي لازم تسويلها براءة اختراع لاني اول مره اسمع به !!!
الله يعطيك العافيه وما قصرت

[aass1122]

تسلم يمينك

[اول 111]

جعله بالعافيه

[abo abdulaziz]

تسلم الأيادي ياعسسسل

شكلها لذيذة حيييل

[ابوعبدالله400]

ايه الحين هذا الكلام الزين


تسلم يالغالي وما قصرت طبخة ممتازة مرة



بس كم ارتفاع الماء عن الرز

[نجم سهيل.]

شوقتنا يعطيك العافيه

[ريح الرمث]

ميه بالميه طبخة سريعة وهضومه ههههه
عندي سؤال :
الرز مربصه والا لا :)

[ابراهيم2008]

الله يعطيك العافية

[arrow]

ايه الحين هذا الكلام الزين


تسلم يالغالي وما قصرت طبخة ممتازة مرة



بس كم ارتفاع الماء عن الرز

اخوي ابو عبدالله ,,,,

حط رز مزة ولا تشيل هم ارتفاع الماء,,,,لكن لاصار بشاور هنا المشكلة,,,وانا من محبي المزة واستخدم المزة...

طبعا بما ان الكاتم بنقصر عليه ماراح يطلع ماء واجد يعني لاتكثر الماء...

يعني ارتفاع الماء تقريبا كبر سني هذا :D الوسطي الطويل,,شفته ..!!!!!

قاعدة عامة لمقياس الماء والرز في الكاتم : حط كمية الماء مثل كمية الرز,,,يعني اذا حطيت طاسة رز حط طاسة ماء,,,,هذا طال عمرك بدون تربيص يطلع نثري مثل اللي يحبه حمد .....

في طبختنا هذي لاتنطبق هذه القاعدة ,,يعني تقريبا حط كمية الماء نص كمية الرز وهذي تقديرية لاني ماحسبته بالضبط...ممكن تجرب ابو عبدالله وتعطينا وش صار معك .... لاني بصراحة انا اقيس بالنظر واذا بغيت اعلم احد بلشت .....
واسف على الاطالة...:o شكلي جبت لك النوم...

[arrow]

ميه بالميه طبخة سريعة وهضومه ههههه
عندي سؤال :
الرز مربصه والا لا :)

اخوي ريح الرمث :

لالا ,, انا لست من عشاق تربيص الرز....

انا ياطويل العمر اعطش الرز ( يكون قديم يعني) واخليه يشرب من المرقة اللي ابي..يطلع الطعم مضبوط

اشكر كل من مر وعلق .....ومدح....

[الغزال الشارد]

مشكور الله يعطيك العافية كفيت وفيت

[الودعانيه]

جعتـــــــــــــــــــــــــــــ

يااقلبيه

يسلم ايدينك

ماقصرت

[arrow]

اوووووه مقلوبة تونه هاذي لازم تسويلها براءة اختراع لاني اول مره اسمع به !!!
الله يعطيك العافيه وما قصرت

باخذ عليها براءة الختراع ,,,وببيعها على مطعم الوجبة الاخيرة حق ابو ملوح ...:cool:

[الكونترولCONTROL]

ما شاء الله تبارك الله ,,, عوااااااااااااااااااااااافي
لكنك تقول : غطي القدر ونشب عليه بقوة لين يتستس البلف
اذا تس تس البلف نقصر عليه للاخر

ليش واحدة يتستس و الثانية يتس تس ؟؟؟ هل فيها لغتين ؟؟؟

[arrow]

[quote=الكونترولCONTROL;2081027]
ما شاء الله تبارك الله ,,, عوااااااااااااااااااااااافي

لكنك تقول : غطي القدر ونشب عليه بقوة لين يتستس البلف
اذا تس تس البلف نقصر عليه للاخر


ليش واحدة يتستس و الثانية يتس تس ؟؟؟ هل فيها لغتين ؟؟؟
[/quote

اخي كنترول:

نعم هناك فرق كبير ,,, فالاولى يتستس هذه لغة اهل الكوفة والفاطميين والاشوريون الاوائل

اما الثانية بقصر السين الثانية بقولك يتس تس فهي لغة اهل ضرما وقبة وام رجوم ....:cool: :cool:

[السر11]

طبخة جميلة والاجمل منها هو اسلوبك في الطرح ...... يعني ضحكتنا اكثر مما حفظنا طريقة الطبخة ، الله يسامحك

[راعي دسمه]

قريت الموضوع اكثر من مره وعجزت افهم
ممكن تعلمني على الطبيعه
لعلا وعسى والا رحت لطارق لعلي افهم الطريقه
الله لايهينك شغل عدل لعله بالعافيه
وماشاء الله تبارك الله

[arrow]

طبخة جميلة والاجمل منها هو اسلوبك في الطرح ...... يعني ضحكتنا اكثر مما حفظنا طريقة الطبخة ، الله يسامحك


:j <<<<<< هذا انا استحيت ....

[arrow]

قريت الموضوع اكثر من مره وعجزت افهم
ممكن تعلمني على الطبيعه
لعلا وعسى والا رحت لطارق لعلي افهم الطريقه
الله لايهينك شغل عدل لعله بالعافيه
وماشاء الله تبارك الله

الله يحييك اخوي ..... انا بالشرقية ,,,,وبكرا جاي ان شاء الله للرياض,,وودي اطلع اشوف السيول والخيرات ,,,والعزبة به قوطي تونة ماشريته الا العام ,,

كان تبي اوريك الطريقة على الطبيعة ابشر وارسل لي رقمك على الخاص.....

[hasham]

تسلم يدينك على هالاكله الشهية .

[hisham202]

ماشاء الله..الصوره الاخيره بالذات جايه..مقلوبه :d

[arrow]

اخي هشام بفتح الهاء ,,,,اخي هشام الثاني بكسر الهاء

اشكر مروركم ,,,والصور مقلوبة لان الاكلة اسمه مقلوبة......

[الجويدلى]

تسلم يالغالي وما قصرت طبخة ممتازة

[arrow]

تسلم يالغالي وما قصرت طبخة ممتازة


الله يسلمك ,,,شرفني مرورك اخي .....

[العوشزية]

مشكور وما قصرت
ازين شي فيها انوه لا بقى شي عادي تعطيه ميوووو

[arrow]

مشكور وما قصرت
ازين شي فيها انوه لا بقى شي عادي تعطيه ميوووو

يعني ياراعي العوشزية مااعجبك الا انك تعطي البسة منه :mad:

[الشيف محمد]

السلام عليكم
اخوي إن شاءالله إنك مانت عجاز لكن على قولك عصر السرعه
الصراحه مقلوبه تقلب كيان الواحد شغل مضبوط طريقه سهله وسريعه
سلمت يمينك من كل مكروه
تقبل مروري

[مظبي ضبان]

بالعافيه فكره حلووووووه

هالحين أبنقز أزين لي مقلوبه جوعتنا :)

[arrow]

السلام عليكم
اخوي إن شاءالله إنك مانت عجاز لكن على قولك عصر السرعه
الصراحه مقلوبه تقلب كيان الواحد شغل مضبوط طريقه سهله وسريعه
سلمت يمينك من كل مكروه
تقبل مروري

وعليكم السلام اخوي الشيف محمد.......
عساك تقلب بالجنة قل امين..
نعم السرعة مهمة في بعض الاحيان وبعض الرحلات....

[arrow]

بالعافيه فكره حلووووووه

هالحين أبنقز أزين لي مقلوبه جوعتنا

اضرب لنا معك بسهم ..........

[سيف الظفير]

مشكور يا كحيلان

[جبال الهملايا]

مع أني ما واطن (( يعني ما أحب )) التونه إلا أن الشغل 100%

مرتب وشهي

وشكراً على الطبخه الجميله

[arrow]

مع أني ما واطن (( يعني ما أحب )) التونه إلا أن الشغل 100%

مرتب وشهي

وشكراً على الطبخه الجميله

شرفني مرورك اخي جبال الهملايا....

بس الطريقة هذي ممكن تعميمها على اي شي اخر قلنا ,,,, شكلك ماتوحي ....

يعني يمكن بدل التونة دخل ويمكن دجاج ويمكن خضار ويمكن خليط من اكثر من شي مما ذكرنا.......

[الراقي0]

يبدوا أنها لذيذة0000000000000
لكني أجدني أعاف (التونة عموما) اللهم لك الحمد0

[arrow]

يبدوا أنها لذيذة0000000000000
لكني أجدني أعاف (التونة عموما) اللهم لك الحمد0


من يجد نفسه يعاف التونة يستبدلها بما لايعافه .........:cool:

[الراقي0]

من يجد نفسه يعاف التونة يستبدلها بما لايعافه .........:cool:
تشكراااااااااااااااااات :good:

[دهران]

الأخ الغالي / arrow


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif



شغل مرتب وعدل ومقلوبة ولا أحلى .


ننتظر المزيد من هذه الطبخات الرائعة .


وتقبل أعذب وأرق تحية .

[arrow]

الأخ الغالي / arrow



:good: :good: :good: :good: :good:



http://www.mekshat.com/pix/upload02/images79/mk17809_1000shoker.gif




شغل مرتب وعدل ومقلوبة ولا أحلى .



ننتظر المزيد من هذه الطبخات الرائعة .



وتقبل أعذب وأرق تحية .



معلمي دهران ,,شرفني مرورك وتعليقك.......

والمزيد بيجي ان شاءالله بس نستحي نصفه جنب طبخك انت والشباب المبدعين بهالمنتدى الرائع ...

[arrow]

مشكور يا كحيلان

تسلم اخوي سيف ............

[داري قطر]

مشكور الله يعطيك العافيه
تحياتي يا حياتي

[arrow]

مشكور الله يعطيك العافيه
تحياتي يا حياتي

هلالالا بك ياعيوني......

تسلم على المرور العذب...........

[خواتم]

امممممممممممممممممم

بالعافية

[المغرز]

عز الله انك قلبتها قلبه سنعه
وتسلم يديك
والله يعطيك العا فيه
وتقبل تحيا تي

[arrow]

خواتم ,,,, الله يعافيك ...
المغرز: ماشفت شي ,,هذا وانا ماغسلت ....

[ml7_najd]

نفس طريقتي الا اني اضيف الرز كله مع المرق مثل الكبسه العاديه

تسلم ايدك نجرب طريقتك..

[بني حسن]

ما شاء الله تبارك الله ,,, عوااااااااااااااااااااااافي
لكنك تقول : غطي القدر ونشب عليه بقوة لين يتستس البلف
اذا تس تس البلف نقصر عليه للاخر

ليش واحدة يتستس و الثانية يتس تس ؟؟؟ هل فيها لغتين ؟؟؟



أخي العزيز الكنترول بعد اذن اخي السهم وشكره على هذه الطبخه السريعه الرائعه
أظن ان التستسه هنا لها مفهوم خاص ومنطق واضح ولم تأتي من اخوي السهم عن عبث فالتستسه الاولى كانت متلاصقه كنايه عن بداية صوت التستسه وتكون قريبه من بداية الطبخ وبعيده عن موعد الاستواء واما التستسه الثانيه فقد جاءت مفصوله وواضحه كنايه عن قوتها ووضوحها وهي مؤشر لا يدع مجال للشك بأن الطبخه قد :Dاستوت ونضجت:D

[arrow]

أخي العزيز الكنترول بعد اذن اخي السهم وشكره على هذه الطبخه السريعه الرائعه
أظن ان التستسه هنا لها مفهوم خاص ومنطق واضح ولم تأتي من اخوي السهم عن عبث فالتستسه الاولى كانت متلاصقه كنايه عن بداية صوت التستسه وتكون قريبه من بداية الطبخ وبعيده عن موعد الاستواء واما التستسه الثانيه فقد جاءت مفصوله وواضحه كنايه عن قوتها ووضوحها وهي مؤشر لا يدع مجال للشك بأن الطبخه قد :Dاستوت ونضجت:D


اضحك الله سنك,,,,قطعت مصاريني من الضحك....

شكلك مدرس لغة عربية .....:D :D