محمد بن سبيل
19/02/2004, 12:14 PM
السلام عليكم ورحمة الله وبركاته
مصافحة أولى أتمنى أن تجد لديكم بعض القبول مع أطيب التحايا
فتنة جتني تبختر كنها تحسب خطاها= بين الاستمرار…والعودة عن الموعد تراوي
كن مابالشارع اللي جت معه زول سواها= من لمحها ماشية … مع دربهاحث الخطاوي
قبل تاصل 00 وأجمل الأطياب واصلني شذاها=طولها فارع … وكامل عودها لين وراوي
ما حلا كلمة هلا يوم نطقتها في شفاها=كني اللي ماسمع كلمة هلا 00 إلامن مضاوي
من ذهولي ما نطقت بحرف ما كني معاها=وإنتبهت لضحكة معها تقول أثرك حياوي
زينها الطاغي فتح قلبي لها وأسكن غلاها=وانسحب ما كان في قلبي من هموم وبلاوي
ماهقيت إني حظيت بمثل هذي في وفاها=هذي اللي في خيالي كنت راسمها وهاوي
أجمل أصوات النسا بالكون لاسماعي تناها=حين قالت هاه00 في قلبك مضاوي وش تساوي
قلت من يحضى بجوهرة رفيع مستواها=يشغله عنها بشر وإلا لخلق الله يخاوي
والله إني فيك لأفخر بين ربعي وأتباها=قبلك احسبني سعيد ولادريت إني شقاوي
وقبل أكمل هرجتي لدت لساعتها تراها=ثم فزت قالت أستاذن وأنا عند الهقاوي
مني أبشر في وفا روح تبين لك خفاها=فيك همت وجيت لك تدفعني أحلام ومناوي
واستدارت يوم بان بسودها دمع غشاها=كفته في كفها وأقفت وخلتني خلاوي
ياجماعه فارقتني من خلاها في خلاها=والله إني لي شهر بين التمني والرجاوي
كل يوم يمر أهيم بحبها وأشكي جفاها=مثل غصن عنه منع الماء وصار أصفر وذاوي
ليتي أدري بنت من كان أتقدم لأولياها=ماأعرف غير أسمها والجسم والثوب السماوي
مصافحة أولى أتمنى أن تجد لديكم بعض القبول مع أطيب التحايا
فتنة جتني تبختر كنها تحسب خطاها= بين الاستمرار…والعودة عن الموعد تراوي
كن مابالشارع اللي جت معه زول سواها= من لمحها ماشية … مع دربهاحث الخطاوي
قبل تاصل 00 وأجمل الأطياب واصلني شذاها=طولها فارع … وكامل عودها لين وراوي
ما حلا كلمة هلا يوم نطقتها في شفاها=كني اللي ماسمع كلمة هلا 00 إلامن مضاوي
من ذهولي ما نطقت بحرف ما كني معاها=وإنتبهت لضحكة معها تقول أثرك حياوي
زينها الطاغي فتح قلبي لها وأسكن غلاها=وانسحب ما كان في قلبي من هموم وبلاوي
ماهقيت إني حظيت بمثل هذي في وفاها=هذي اللي في خيالي كنت راسمها وهاوي
أجمل أصوات النسا بالكون لاسماعي تناها=حين قالت هاه00 في قلبك مضاوي وش تساوي
قلت من يحضى بجوهرة رفيع مستواها=يشغله عنها بشر وإلا لخلق الله يخاوي
والله إني فيك لأفخر بين ربعي وأتباها=قبلك احسبني سعيد ولادريت إني شقاوي
وقبل أكمل هرجتي لدت لساعتها تراها=ثم فزت قالت أستاذن وأنا عند الهقاوي
مني أبشر في وفا روح تبين لك خفاها=فيك همت وجيت لك تدفعني أحلام ومناوي
واستدارت يوم بان بسودها دمع غشاها=كفته في كفها وأقفت وخلتني خلاوي
ياجماعه فارقتني من خلاها في خلاها=والله إني لي شهر بين التمني والرجاوي
كل يوم يمر أهيم بحبها وأشكي جفاها=مثل غصن عنه منع الماء وصار أصفر وذاوي
ليتي أدري بنت من كان أتقدم لأولياها=ماأعرف غير أسمها والجسم والثوب السماوي