انا من الرياض ( يمديني ) اروح للقصيم اشوف سيل وادي الرمة

[BZBZ]

هل يمديني اذهب لللقصيم واشاهد فيضان وادي الرمة

ام اتركها لنهاية الاسبوع

وين اروح بالضبط بريدة ولا عنيزة ولا وين

تحياتي لكم

[adeeb]

يمديك يالغالي تعال مع مفرق الشماسية علشان تشوف بداية وصول الماء عند مزعة الامير متعب كلها

[حمد التويجري]

راح يمديك بس ماراح يكون قوي مثل اول مامشى يعني راح يكون ضعف
الا اذا رزقنا الله بمطر راح يكون جريانه قوي....

[kkmms]

هل يمديني اذهب لللقصيم واشاهد فيضان وادي الرمة

ام اتركها لنهاية الاسبوع

وين اروح بالضبط بريدة ولا عنيزة ولا وين

تحياتي لكم


الوادي يبي ياخذ ايام يمشي

يمديك


كل الوادي فرجه

من بريده الى النبهانيه

[رعد الفجر]

يمديك حتى لو نهاية الأسبوع لأنه من المتوقع استمرار جريان الوادي والوادي كله فرجه بس لايفوتك من عند البدائع يعني بين البدائع والخبراء لأنه مثل البحر

[hasham]

هذا من الامور اللي ما تتكرر كثير في الحياة . لذلك ما ينطوّف . والحمد لله الطريق سريع والامور ميسره.

[خريت الدهناء]

بس ترفق لا تسرع يالغالي

[BZBZ]

اممممممممممممممح لكم كلكم

بس لو تشرحوا لي شوي

وين اروح بالضبط

انا اعرف بريدة وجيتها كم مرة اما باقي المناطق ما جيتها ولا اعرف منين اصل

والوقت ضيق معي ولا اقدر اضيعها في التوهان والضياع لأن شكلي ابمشي بكره انشاء الله

تكفووووووووووون يالذيابة

[m1m]

بإذن الله يمديك حتى الأسبوع المقبل بإذن الله ومحتمل الأسبوع المقبل تكون سحب قوية تعيد قوة الجريان

[ابن البكيرية]

الله يحييك وان كان تبي تبات بالقصيم فانت ضيفنا بالبكيرية ولك حق علينا

الله مير يحييك والقصيم كله فرجه هالحين اللهم لك الحمد والشكر

[subr]

يمديك بس لاتسرع

[RaSsAwY]

الله الله يمديك ..

تعآل الرس من شمآل ..

[كبتن]

يمديك يارجال

تراه وادي الرمه مهب اي وادي او شعيّب!!

[خوي الساري]

يمديك لوماتجي إلا نهاية الاسبوع الوادي بيستمر أيام طويله انشاء الله0

[salem1]

الوادي توقف من جهة وادي النسا

ونترقب وصول الحليفة - الان وصل القرين لكن ما أدري عن قوته هل سيستمر ام لا

طبعا الشعيب ممتد نهايته في النبقية ( لم يصل حتى الان ) شمال القصيم وبدايته من منابع مختلفة لكن يتحرك الان بين مزارع عنيزة ولايمر الوادي داخل بريدة بل من جهتها الشمالية ثم ينحرف شرقا ليجتمع بالنبقية .

من البدايع إلى الرس بدأ يخف قليلا .