طريقة تفحيل الابل

[جو الصمان]

عندي قعود وابي افحله وش الطريقه وعمره يكون كم
ابي اعرف الطريقه خطوه بخطوه

[ابوساعد]

الأخ/ جو الصمان

السلام عليكم ورحمة الله وبركاته،،،،

الطريقة سهلة جدا إذا عندك إبل تفك القعود وسط الإبل( أحرص على عدم ربط القعود وهو صغير)تفكه وسط البل لين يصير عمره سنتين ونصف تقريبا ثم تقوم بربطه وتعلمه القيد والعقال مع أكرامه بالعلف إلى أن يصير عمره أربع سنوات اي( جذع) ثم بعد ذلك تفكه وقت الهداد في الشتاء في البل وتراقبه إلين يتعلم الضراب

[طيحان]

يا طويل العمر أول شي عود القعود على المقهور من يومه حوار وبع تمامه سنتين ( حق ) عوده على الرباط والهجار و القياد بعدين ياطويل العمر إذا طلب الضراب تشوفه هايج ويبي البل ويكون في أغلب الأحيان لقي ( 3 ) سنين أو جذع ( 4 ) سنين وتقبل تحياتي والسؤال مافيه عيب و أنا أخوك .