كبسة المكرونه..تدفيكم في ليالي الشتاء؟

[ml7_najd]

لذيذه... تدفي.. سهله..غير مكلفه

عشاكم في البيت في المكشات

اللي هي كبسة المكرونه:

المقادير:

(عذراً للسادة المشاهدين عن انقطاع الصورة:) )

1 دجاجة مقطعة 8 قطع
3 يصلات مقطعه جوانح
3 طماطميات:) مقطعه مو جوانح:confused: تقطيع عادي
2 ملعقة صلصه حمراء:rolleyes: يمكن فيه الوان!
بهارات عدله 3 قطع دارسين+5 حبات مسمار(عويدي لغير الناطقين بالعربية:) +ملعقة صغيره فلفل اسود+رشة كمون+ليمون اسود+مكعب ماجي
ملح
زيت ذره
كرتون مكرونه افضل شي لهالطبخة هذا الشكلhttp://tbn0.google.com/images?q=tbn:xhvJyr_yM3WCVM:http://www5.0zz0.com/2008/03/11/09/335871745.jpg

ماء مغلي

حبحر (علوب احمر واخضر يعطي نكهة )

الطريقة:

بسم الله نبدأ

كالمعتاد في كل طبخة نحمس البصل في الزيت حتى يصير لونه اشقر(عذرا لانقطاع الصوره :rolleyes:

ثم نضيف الدجاج المقطع المغسول جيدا بالملح والطحين.. ومعه جميع البهارات اللي سبق ذكرها ماعدا الليمون الاسود..

ونتركة لما يتحمر زييييييييييييين

نضيف الطماطم ..

ولما تذوب نضيف الصلصة حتى تتسبك

الان نقوم باضافة الماء المغلي(وضروري يكون مروقها اكثر من مرق الرز لأن حلاوتها تكون خاثره شوي)

ونضيف الملح والليمون الأسود ..

بعد مرور ربع ساعة نضيف الحبحر(الفلفل الاخضر والاحمر)

وبعد مرور الربع الساعة الثانية نضيف المكرونه من الكيس.. للقدر بدون سلق ولاغسل:no2:

ثم نترك القدر على نار هاديه لمدة ربع ساعة فقط حتى لاتتعجن المكرونه..

وبعدين تصب في التبسي .. وقولوا بسم الله وبالهناء والعافية...

[ريح الرمث]

وهي بدون صور جوعتنا ، تسلم الايادي :)

[hasham]

بس السؤال هل المكرونه تحمّل الطبخ الواجد .

[فهرنهايت]

يعطيك ألف عافية على الطبخة

وان شاء الله راح اجربها

[omar salman]

ml7 najd
الله يعافيك وما قصرتي على هالطبق المكروني اللذيذ
وأنا من المؤيدين جداً لقضية وضع المكرونة من الكيس لقدر الطبخ مباشرة .
وننتظر المزيد من الإبداعات القادمة .....

[ml7_najd]

اهلين اخوي.. ريح الرمث..

ليت عندي كاميرا وانزل الصور لكن ان شاء الله قريب

اجيب الكاميرا وكل شي بالصور..وهي بالفعل تشهي ولذيذه


حيا الله اخوي hasham
انا ذكرت ان المكرونه تطبخ لمدة ربع ساعة حتى لاتتعجن .. وربع ساعه مناسبه جدا لطبخ المكرونه لاتصير اقل ولا اكثر..

[الشيف محمد]

مسا ك الله بالخير
جعلك دوم دفيان با لشتاء كفيت ووفيت طريقه ووصفه ممتازه
الله يرضى عليك إلى ألأمام

[ml7_najd]

الاخ الكريم.. الصياد 90

حياك الله اخوي وانت اطلب اي طبخة وانا ان شاء الله اضيفها في المنتدى على طريقتي:)

على فكره! ماودك نضيف عليها صويا صوص :o
علشان تكون االذ:j

[دهران]

الأخ الغالي / ml7_najd


:good: :good: :good: :good: :good:


الله يعطيك الف عافية يا طويل العمر وبنجرب هالوصفة إن شاء الله وننزلها في أقرب وقت لأن شكلها لذيذة .


وتقبل أعذب وأرق تحية .

[الفرناس]

مشكور على هالطبخة الطيبة وتمنينا لوكانت مدعومة بالصور

[omar salman]

ملاحظات :
ماذا تعني كلمة - سهلة - يعني كأنك ماسويتي شي لا نبي شي عليه القيمة .
كذلك عبارة غير مكلفة ؟
عزيزتي : الأكل الي يستاهل ندفع من أجله الغالي والتفيس .
جملة كرتون مكرونة - والصحيح بكت مكرونة لأن الكرتون فيه 24 كيس أو بكت .
كلمة بسم الله تجي في أول الكلام مو في الوسط وفي الأخير .
عبارة - نصب المكرونة في التبسي - أنا قريتها نصب البيبسي في !!! :cool:
بعدين وين الصور ؟؟ كل بيت الآن فيه سبعين كاميره
خل صويا صوص ينفعك ;)

[ml7_najd]

الاخ الكريم.. الشيف محمد
حياك الله وشرفني دخولك وردك ..اشكرك يالطيب..

الاخ الكريم ... دهران..
حياك الله في موضوعي وشرفني ردك .. هي بالفعل طبخة لذيذة وتسد الجوع بالمرررره
وكان ودي يكون عندي كاميرا علشان اصور بس ان شاء الله اجيبها واصور القادم احلا ان شاء الله:)

[ml7_najd]

الاخ الكريم... الفرناس

ان شاء الله اشتري اقدع كاميرا واصور كل شي بس توي اتعلم على النت مو محترفه يعني.. شاكره لك ردك وااهتمامك





ملاحظات :





ماذا تعني كلمة - سهلة - يعني كأنك ماسويتي شي لا نبي شي عليه القيمة .
كذلك عبارة غير مكلفة ؟
عزيزتي : الأكل الي يستاهل ندفع من أجله الغالي والتفيس .
جملة كرتون مكرونة - والصحيح بكت مكرونة لأن الكرتون فيه 24 كيس أو بكت .
كلمة بسم الله تجي في أول الكلام مو في الوسط وفي الأخير .
عبارة - نصب المكرونة في التبسي - أنا قريتها نصب البيبسي في !!! :cool:
بعدين وين الصور ؟؟ كل بيت الآن فيه سبعين كاميره


خل صويا صوص ينفعك ;)


الاخ الكريم... الصياد 90

بس انت لو تضيف الصويا صوص على الطبخ:o

تصير اعصابك هااااااااااااااااااااااديه جدا:)

[الغزال الشارد]

مشكور على هالطبخة الطيبة الله يعطيك العافية

[عاشق السيل]

بيض الله وجهك أختي ،،،

طريقة رائعة وسهلة وأكيد لذيذة ،،،

بس المرة الثانية مانسامحك بدون صور !!!!

وترى الجوال يكفي للتصوير ويطلع أحلى صوررررررر !!!!!!

أكرر شكري وعساها عليكم بالعافية وتقبلي مروري ....

[ml7_najd]

الغزال الشارد..
حياك الله اخوي وحيا الله اهل عمان الطيبين<=====احترمكم والله

عاشق السيل..
شكراً للإطراء... تدري عاد اخوي لحد الان ماتعلمت كيف انزل الصور من الجوال للكمبيوتر:cool:

[عاشق السيل]

عاشق السيل..
شكراً للإطراء... تدري عاد اخوي لحد الان ماتعلمت كيف انزل الصور من الجوال للكمبيوتر:cool:


مستعد للشرح المفصل للطريقة السهلة ،، بس أهم شي نستفيد من إبداعاتك في طبخاتك !!

[ml7_najd]

اخوي عاشق السيل..
ياليت تشرح الطريقة اكون ممنونه لك .. وتكفيني عناء الذهاب للسوق وشراء الكاميرا<====ماتروح الا للضروره للاسواق..
:)

[ألخشيبي]

يعطيك العافيه اخوي
لكن الطحين وش دخله في الموضع

[ml7_najd]

الاخ الكريم.. الخشيبي

حياك الله اولا .. في ردك على الموضوع
الطحين سلمك الله.. يفرك فيه الدجاج عند اي طبخة فيها دجاج.. لانه يزيل زفرة الدجاج والرائحة الغير مستحبه
بس عاد ماتكثر.. مقدار ملعقيتين تنثر على الدجاج ويغسل.. هذا السبب

[ml7_najd]

:o انتظر الشرح اخوي عاشق السيل

[عاشق السيل]

:o انتظر الشرح اخوي عاشق السيل

معليش كنت كاشت الخميس والجمعة وتوني أدخل المنتدى وأنا الحين على عجلة من أمري !!!!


أبشري بعزك ،،، بس عندي بعض النجهيزات للصور اللي لازم أعرضها ،، والشرح يبي يجيك على الخاص بإذن الله تعالى ...

[ml7_najd]

الاخ الكريم.. عاشق السيل
شكرا للشرح.. وصل جزاك الله خير .. وان شاء الله اعرض في القريب..

[قصيمي مغترب]

اللة يعطيك الف عافية على وصفة المكرونة مع انة صار لى قصة لا انساة فى طبخ المكرونة

وهي مرة تقدعنت عند اخوياى وقلت لهم بطبخ لكم طبخة الليلة قالو وشي قلت مكرونة بالفرن
قالو واللة كفو ياللة ورنا قلت طيب
اخوك باللة راح جاب لحم مفروم وطبخة الحالة بقدر
وجاب صينية وحط بة ماء حار وكب المكرونة وسطة من دون سلق وحط الصينية بالفرن وكل شوي فاتح الفرن ويزود ماء لين يبست المكرونة واخر شي حط البلاء فى الفرن يقول فرنكم خربان حرارتة مهب قوية

[ml7_najd]

http://www.mekshat.com/vb/(chuckle) قصيمي مغترب.. اخوي الله يوسع صدرك بالعافيه سالفتك مع صينية.. المكرونه ضحتكتني..

مع اني الان اي شي ابيه الله يعافي العم قوقل يجيب لك اي طبخة بثواني..

[قصيمي مغترب]

العم قوقل ماجاء الا تالى اول ماكان فية العم قوقل

ولا بعد اقول لك سالفت البيض المقلي
كان لى مغامرات كثيرة بالمطبخ ومن الناس اللى تحب الطبخ
هذا الكلام يوم كنت صغير تقريبا فى 5 ابتدائي
صحيت الصبح وصلحت لى بيض مقلي وصلحت شاهي وحطيتة فى الثلاجة وجلست افطر واشرب شاهي وطبعا جالس بالمطبخ ومنسجم ومحد قدي كنى طابخ ذبيحة المهم سمعت صوت مثل صوت تنسيم الغاز رفعت راسي سكت الصوت وقلت اتوهم وبعدين طلع الصوت ثانية ورفعت راسي وراح الصوت قلت ياولد قم يمكن الغاز ينسم قمت ورحت اشيك على الفرن وكل شي مسكر رجعت لفطوري ورجع التنسيم ثانية
طبعا وش جاء على بالى قلت اكيد ذولا جن قايمين بيصلحون فطورهم وبيشغلون الغاز وذا رفعت راسي هجوا
طبعا توحشت ودخلن الماء وقلت ياولد هج وهجيت وخليت الفطور والشاهي
وبعدين عرفت ان الصوت هذا يطلع من ثلاجة الشاهي

[ml7_najd]

الاخ.. قصيمي مغترب

صادق اخوي يخوف صوت التنسيم اللي يطلع من ثلاجات الشاهي

وغريب في نفس الوقت ::

[قصيمي مغترب]

اهااااا اكيد كد صار لك نفس الموقف اشوا الحمد لللة فية ناس معي اجل هانت

طيب ممكن طلب
كيف اصلح رز بالحليب

[فيصل التميمي]

تسلم على الابداع

[ml7_najd]

الاخ الكريم.. قصيمي مغترب
حياك الله اخوي مرتن اخرى :)

اي رز بالحليب اللي تقصد الحلى؟ ام السليق؟
.. وابشر اكتبها لك..

الاخ الكريم.. فيصل التميمي
حياك الله اخوي وشاكرة مرورك.. وثنائك.

الابداع اقدمه في القادم ان شاء الله ..

[قصيمي مغترب]

انا اعرف الحلى واعرف السليق اللى يصلح بالرز المصري
انا اقصد الرز بالحليب اللى يذكرونة هو رز عادي يعنى بسمتى بس مطبوخ بالحليب
انا داري انك تقصد سليق الطائف لا مو مهب هذا طلبي
ولك جزيل الشكر على وسع صدرك معي

[sultan22222]

مشكور مكرونه تشهي الله يعطيك العافيه وبالصحه والعافيه ..........

[سيف العدالة1]

يعطيك العافيه
على المجهووووود

[فتى النفود]

يعطيكـ العافيه
تسلــم

موفق بإذن الله

[مخاريز الرماح]

جزاك الله خيـــــــــــــــــرا

[ml7_najd]

قصيمي مغترب... حياك الله اخوي اسفه والله الرز بالحليب اللي ذكرتها مامرت على .. احاول اسألك عنها ان شاء الله..

الاخ الكريم.... sultan22222
حياك الله وشاكره لك مرورك وتعليقك..من ذوقك

[عاشق السيل]

ملح نجد ،،،،،

لازلت أنتظر مواضيع فيها صور !!!!!!!!

[المطلاع2]

يعطيك العافيه

[ml7_najd]

الاخ الكريم.. عاشق السيل

ابشر ان شاء الله في القريب طلبك مجاب..

الاخ الكريم..المطلاع2

حياك الله و الله يعافيك شاكرة مرورك..

[عاشق السيل]

أختي ملح نجد ،،،

لو أنا داري إن المسألة فيها إحراج كان ماقلت شي :j !!!!

آيام سوري :D !!!!!

وبعدين ليش مقفلة الرسايل الخاصة :mad: ؟؟؟؟

[ml7_najd]

أختي ملح نجد ،،،





لو أنا داري إن المسألة فيها إحراج كان ماقلت شي :j !!!!


آيام سوري :D !!!!!


وبعدين ليش مقفلة الرسايل الخاصة :mad: ؟؟؟؟





ايام سوري ولا لبناني:rolleyes:

[عاشق السيل]

برضو لازالت الرسايل مقفلة !!!!

عارف إني أزعجتك لكن قصدي علشان تجيك رسايل من الأعضاء وماتقولين وش هالجحدة !!!!

وآيام لبنا مستوي <<<<< أتحداك تفهمينها !!

[ml7_najd]

الاخ الكريم.. الجرئ
الاخ الكريم.. فتى النفوذ
الاخ الكريم..مخاريز الرماح

الله يعافيكم جميعا ويجزاكم خير.. وشكرا على الردود.. والمشاركه.. وحياكم الله..

[ml7_najd]

اخوي عاشق السيل

انا اعرف لبنا بينار..:cool: واحذروا التقليد

[عاشق السيل]

ملكعة بزود ......................................... أستسلم !!!!