دلوني على افضل فراش بر

[فتى البره]

مساكم الله بالخير الله لايهينكم ابيكم تعلموني وش افضل فراش

بر خصوصا الي يكون عملي ودافي في عز البرد اهم شي عندي

يكون دافي وعملي.

دمتم بود ومحبه

[ابن مسعوده]

افراش شريته من دار الفراسه صراح ممتاز له اكثر من ثلاث سنوات معي ضد البرد والمطر مجربه

http://www.7mar.cc/get-11-2008-2111ldir.jpg

دار الفراسه الي بمخرج 15 بعد مركز الهرم سعره 240 قبل ثلاث سنوات ألحين مدري

[باترول98]

افضل فراش للبر من جميع النواحي وبلاخص البرد لو تجلس جواء افريزر مادريت عن البرد :cool:
هو الفراش الامريكي

[محمد العبدالسلام]

انا عندي لك اقتراح وانت واحكم بنفسك

روح للغرابي حقين الخيام اسأل عن شراع فراش تنزاني مقاس 303 اصلي بشرط يكون بدون شئ فقط شراع راح تلاقيه من 90-100 ريال واشتر لك بطانيه غاطين ولا مطرحه من الاولات وقم بخياطتها داخل الفراش وصدقني التكلفه ماراح تتجاوز 200 ريال وانس شئ اسمه قطب شمالي ولا جنوبي.

[دغيم1]

السلام عليكم ورحمة الله وبركاته
حياك الله أخي الكريم
كثيرا مايتطرق بعض الأعضاء مع بداية كل شتاء عن أفضل فراش للبر
فهناك الكثير من الأنواع
منها الجيد ومنها غير ذلك
ويوجد لدى الدريويش أنواع جيدة وكثيره
وهناك لدى برق الحياء والسنيدي ورحلة
وغيرهم ولكن إحرص على الا يكون بداخله البوليستر العادي وذلك أنه بعد فترة قصيرة يخرب ويصبح قطع متجمعة يعيق النوم الجيد
وكما ذكر أخي - أبن نجد
عليك بشراء بطانية غاطين كوري أصلي - أو أسباني مورا
وشراع تنزاني أصلي وقم بخياطتها مع إختيار نوعية السحاب الجيدة العريضة مع وضع جراب للمفاتيح والجوال والوسادة وجراب للفراش نفسة
تمنياتي لك بفراش جميل واحلام سعيدة
تقبل تحياتي

[الهمده]

والله انا فصلت من مصنع البراك فراش 260 ريال وخليتهم طال عمرك يبطنونه من جوى وتنزاني والحمد لله له الحين اكثر من سنتين معي ماشا الله حتى يوم يجي البرد الي قبل العام في عيد الاضحى ماشاء الله كفى ووفى بدون بطانيات وغيره
وفيه واحد من العيال شراء فراش بقيمة تذكرة لمصر ويمدحه بالحيل من الفراسه <<<<<<<< تراه هذي مداعبه لانه كان سالفتنا بالبر هو وافراشه عاد حنا وصيناه قلنا اشتر بطانيه ببوردنق والا رحله من الرياض للقصيم اذا كان ناوي يودي المدام لاهله خخخخخخخخخخخخخخخخخخخخخخخخخخخخخخخخخ

[منتعش]

يوجد أنواع كثيرة وبأسعار مختلفة من 80 - 400 ريال
وأنصحك لا تتعدى الدريويش ممتاز

[المبردي]

طلبك غير موجود ومتل ما تفضل الاخوان ما للك الا الترهيم شراع تنزاني وخيط فيه
البطانيه الي تبرد كبدك وسلامتك يا الغالي

[mr_ams]

السلام عليكم
يليت تحطون صوره الدريويش و وين احصله

[إعصار]

الخليج .. ولا الدريويش


اتكلم عن فراشي .. الخليج ..


حق السنيدي ..

فيه مقاس شبابي .. ومقاس رجالي ..


تلقاه في برق الحيا .. والبرية ..

صدقني من طلع ومشتريات الدريويش نازلة ..

وهذا ما جبته من جيبي ..

هذا كلام صاحب محل رحلات كبير ..


وسعر الشبابي والله العالم ..230 .. والرجالي 280 ..

الاسعار ماني متأكد منها .. بس حولها ..

[FMO]

ياشباب دلوني علئ محل في الدمام يبيع الفرش الطيبه

انا خابر محل علئ طريق الدمام المطار السريع

اذا

[(مواصل)]

فراش القاضي الفصول الاربعه
تروح للقاضي وتقول له يوريك مديل الفصول الاربعه ونم وارتاح بصراحه دافي بالمره

[البر بريرة]

لا تتعدى الدريويش ممتاز جداً و مجرب

[FMO]

الايدعشري لاهنت

الدريويش وينه ياالبر بريره

[عاشق السيل]

أنا عندي الدريويش شاريه بـ 200 ريال من عشر سنوات وأنواع الكرف والطلعات والتحميل والتنزيل والحمد لله ماشفت منه أي مشاكل ،، وخاصة جودة السحابات اللي يشتكي منها كثر من الناس اللي مامعهم الدريويش ،،

بس عيبه إنه دافي لكن مايقارن بالفرش الجديدة مثل حقات السنيدي والقاضي ،،،

وانتبه أخوي تاخذ فرو داخلي تراه يمتلي رمل ،، خلك على البولستر مثل فراش ابن مسعوده بأول رد ،،،

وتقبل مروري يالغالي .........

[_هب ريح _]

إذا بغيت جودة عاااااالية فراش الدريويش


وإذا بغيت تدفي عمرك صح فراش السنيدي الغالي

[أبوسلطان1]

يأخوان لاتحكم على الفراش انه دافي لين يجيك درجة البرودة 3 و4 تحت الصفر على سنتين وانا أطلع في عيد الأظحى درجة البروده 3 و4 تحت الصفر الجسم دافي بس الأقدام أنس موت برد والله لا القاظي ولا الفصول العشره :D ينفع هذا يبغالك ياطويل العمر فراش امريكي مكتوب عليه انواع العوازل وغالبا يجيك بلستر معالج وأغلب الفرش الأمريكية المعزوله تحتوي على أنواع من المواد المخلوطة مع البلا ستيك وأنا أشوف كثير من الأنواع الأمريكية لايتمتع بالوسع والسبب في ذلك , الجسم له حرارة اذا كان ا لفراش وسيع وغير معزول راح يكون بارد.فيعتبرون أن الجسم ضروري لعملية التدفئة.
وأكثر الأنواع لا تحتوي على عزل مدروس وصحيح وكل فترة تجدونا في تغيير..
(أختر فراشك وفق دراسة علمية حتى لا تتجه لكثرة التغيير)

[HuSsEiNoH]

يأخوان لاتحكم على الفراش انه دافي لين يجيك درجة البرودة 3 و4 تحت الصفر على سنتين وانا أطلع في عيد الأظحى درجة البروده 3 و4 تحت الصفر الجسم دافي بس الأقدام أنس موت برد والله لا القاظي ولا الفصول العشره :D ينفع هذا يبغالك ياطويل العمر فراش امريكي مكتوب عليه انواع العوازل وغالبا يجيك بلستر معالج وأغلب الفرش الأمريكية المعزوله تحتوي على أنواع من المواد المخلوطة مع البلا ستيك وأنا أشوف كثير من الأنواع الأمريكية لايتمتع بالوسع والسبب في ذلك , الجسم له حرارة اذا كان ا لفراش وسيع وغير معزول راح يكون بارد.فيعتبرون أن الجسم ضروري لعملية التدفئة.
وأكثر الأنواع لا تحتوي على عزل مدروس وصحيح وكل فترة تجدونا في تغيير..
(أختر فراشك وفق دراسة علمية حتى لا تتجه لكثرة التغيير)



الله يعافيك على التفصيل والشرح الوافي

لكن ؟!!!!!!!!!!!!!!


لكن وين احصل الفراش الامريكي

[باترول98]

تحصله اخوي عند الهدف في شارع التخصصي

[زين المعاني]

و الله وانا اخوك انا لي سنتين معي فرااش السنيدي و الله تماااااااام بس فيه عيب انه من الدفا الي فيه اذا بغيت تقوم منه ماتقدر لانه دااافي بالحيل

شووووري عليك لا يفوتك ترااااااه دااااافي الى ابعد الحدود

[ابرااااهام]

انا عن تجربه

القاضي النفود الكبير


الافضل

فيه ميزات ودافي وفي الجو المعتدل فيه تهويه وناموسيه الخ



صراحه خيال
فراش القاضي خيال

[فتى البره]

الشكر لكم جميعاً على المشاركه الفعاله

لاكن عزالله زادت الحيره الحين السنيدي القاضي امريكي افصل بطانيه

ماقصرتو وبيض الله وجيهكم.

[راعي اليتامى]

يعطيك العافية اخي العزيز

فتى البره

ع الموضوع المهم وانا بصراحة محتار مثلك

ابقى اشتري لي فراش للبر وماني عارف شسوي

بس ياريت أحد من الأخوان يفيدنا وين نقدر نفصل فراش

انا من سكان المنطقة الشرقية/الظهران....

[جمعان 22]

الفرشات الاجنبية ....... بعضها مخصص للبرد 5 تحت الصفر وأكثر

ولكن يعيبها صغر الحجم ..... ويميزها ذلك ايضا

هي خفيفة ... تشيلها على ظهرك طول اليوم عادي .. صغير الحجم

.. وهي ايضا غير واسعة للنوم مثل فرشاتنا المعروفة ..... اسعارها مرتفعة جدا




اذا بغيت اكياس النوم هذه ... فستجدها في الانترنت ..ستقرأ مواصفاتها بالضبط ..وكم درجة الحرارة التي تتحملها

اذا وجدت شيئا ... فأبحث عنه في المحلات التي تبيع هذه الفرش ( لا اظن انك ستجد شيئا ) ..فاذا كانوا بنفس السعر ... توكل على الله

اما اذا كانت اغلى ب بضعف او ضعفين او غيره ..كالعادة

فاطلبها من الموقع وبتجيك الى باب البيت


انظر

http://www.cabelas.com/cabelas/en/templates/product/standard-item.jsp?_DARGS=/cabelas/en/common/catalog/item-link.jsp_A&_DAV=MainCatcat20075-cat20144&id=0059236518625a&navCount=11&podId=0059236&parentId=cat20144&masterpathid=&navAction=push&catalogCode=8IS&rid=&parentType=index&indexId=cat601233&hasJS=true

يقولك الرجال تتمل الى 0 فهرنهايت ...... 17 تحت الصفر سيليزي ههههه

[الفصول الأربع]

· فراش نوم الصمان :
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من القماش القطني عالي الجودة.
الطبقة الداخلية : من الصوف العادي.
الوزن بالكيلو: النفرين(13)،العريض(9)،العادي(7)
ويأتي بمقاسات : 180×240،1.20×2.40 متر ، 1×2.20 متر.

· فراش نوم الشمال:-
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من القماش القطني عالي الجودة.
الطبقة الداخلية : من الفرو الدافئ والناعم.
الوزن بالكيلو: (11)
ويأتي بمقاس واحد وهو 1,20 × 2,40 متر.
فراش نوم الفصول الأربعة :
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من القماش القطني عالي الجودة وطبقة أضافية من القماش القطني لأستخدامه في فترة الصيف.
الطبقة الداخلية : من الصوف العادي.
ويأتي بمقاسات : 1.20×2.40 متر ، 1.0×2.20 متر ، 1.50×2.40
كما يمكن استخدامه في الصيف والشتــاء.
الوزن بالكيلو : الخاص(14.5)،العريض(10.0)،العادي(8.0)
فراش نوم الربيع :
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من القماش القطني عالي الجودة.
الطبقة الداخلية : من الصوف العادي.
ويأتي بمقاس : 1 × 2 متر .
الوزن بالكيلو:4.100


· فراش النفود: ( الكبسولة):
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من قماش البوليستر.
الطبقة الداخلية : من الصوف الصناعي.
ويأتي بمقاس : 1 × 2 متر .
الوزن بالكيلو: 3
ويتمتع بشكله والوانه الجذابه بالاضافة لسهولة التحكم فيه من داخل الفراش ووجود فتحات تهوية على الجوانب قابلة للاغلاق بسحابات مع وجود طبقة من قماش التور مانع للحشرات لمنطقة الرأس.
· فراش نوم الوسمي :
يتميز بخفة وزنه حيث يحتوي على طبقتين الداخلية من الاسفنج اللين والخارجية من قماش البوليستر والذي يمنع تسرب المياه الى الداخل.
ويأتي بمقاس 0.90×2 متر
الوزن بالكيلو:1
http://www.mekshat.com/pix/upload02/images57/mk38320_alshamal.jpg

http://www.mekshat.com/pix/upload02/images57/mk38320_alrabeaa.jpg

http://www.mekshat.com/pix/upload02/images57/mk38320_alsumman%20big.jpg

http://www.mekshat.com/pix/upload02/images57/mk38320_alwasmi.jpg

http://www.mekshat.com/pix/upload02/images57/mk38320_alsumman%20small.jpg

[الساهر20]

اهم شي انتبه من الفرووووووووووووووووووو تراه ولا بريال بالنفود

[الهمده]

يأخوان لاتحكم على الفراش انه دافي لين يجيك درجة البرودة 3 و4 تحت الصفر على سنتين وانا أطلع في عيد الأظحى درجة البروده 3 و4 تحت الصفر الجسم دافي بس الأقدام أنس موت برد والله لا القاظي ولا الفصول العشره :D
اخوي عندي لك طريقه لبرودة الاقدام اذا جيت تنام ياطويل العمر والسلامه جب كماده وحط به ماحار وخله عند رجليك واذا قمت الصبح توضء منه والحمدلله تراه فكره جيده وتدفي الرجلين الشتاء جايك وانت جرب

[HuSsEiNoH]

تحصله اخوي عند الهدف في شارع التخصصي

هذا كندي مدري ايرلندي انا ابي الاصلي

[جمعان 22]

فرشات الوسمي وشلونها في البرد ؟؟؟

وزنها ممتاز وخفيف وشكلها ما تاخذ حيز في السيارة

[الفصول الأربع]

فراش نوم الوسمي مايصلح للبرد وهو فراش صيفي

[هاوي المواتر]

فصل من عند السنيدي انصحك ...

[إعصار]

لاتقرب القاضي ..


ررررررفع أسعاره شي خيالي ..خصوصآ الخيام ..



والشباب في المنتدى مقاطعين بضائعه ..


حتى ييقضي الله أمرآ كان مفعولا ..



وييوضحون للناس سبب دقيق ومفصل بسبب أرتفاع الأسعار ..


موب يوم جاء الموسم ترفع السعر رفع خيالي ..


ولا والي يزيد الطين بلة .. يرفعون على بضائع قديمة ..




رديت لأني شفت الاخ الفصول الأربعة والله العالم لة صلة بالقاضي ينزل صور للفرش ..



نصيحة مرة أخرى .. فراش الخليج ..حق السنيدي ..




والمعذرة على الأزعاج ..:)

[بيرق العزة]

صراحه القاضي غالي حيل كل شغله لا خيام ولا فرش ولا مواعين
غالي شديد اي عليك الله ما تحفظ لنا شويه يالقاضي رحم الله امراً اذا باع سمح واذا اشترى سمحاً
ياخي ماتحفظ لنا شويه والمشكله ان شغله جيد بس ماهو عملي لا خيام ولا غيرها الجودة بالشكل والافكار اما غيرها غسل يدك يكفي حبال الخيام ما تاخذ سنه لا بيرقها ولا تنهات ولا صمان ولا شمال ولا جنوب كله خلاخل والبلاء من داخل

[xl7]

الدريويش وبس سعره من 350 الى 400 ريال

[حامدي السيح]

انا تعبت بالفرش وكنت ادور الرخيص ولافيه فايده واخر شي شريت الدريويش بولستر عز الله انه الفراش تبيه في الشتاء والا في الصيف وانا شاريه حول 330 قبل 4 سنوات

[قلب الهامور]

· فراش نوم الصمان :
الطبقة السفلية : من قماش بلاستيكي عازل لمنع تسرب المياه
الطبقة الوسطى : طبقة عازلة .
الطبقة العلوية: من القماش القطني عالي الجودة.
الطبقة الداخلية : من الصوف العادي

والله ماتندم وختصر الوقت على نفسك.
موقعهم في الدمام

[المسافر2006]

الله يعطيكم العافيه

[s3ed]

السلام عليكم

مشاركة بسيطة مني

هذة افضل شركة عالمية لمعدات التسلق الجبلي ومعتمدة عالميا

عندهم الكثير من المنتجات

هذا جزء من ال الفرش او السليب باق

يتحمل درجات برودة مادون الصفر


الحجم غالبا يكون ضيق عشان الجسم يدفي نفسة

اهم شي وجود العوازل الحراراية من بولسر وبلاستك لتوليد الحرارة



http://www.thenorthface.com/catalog/sc-gear/equipment-sleeping-bags.html

[خيال الغلبا]

الفصول الأربعة مندوب القاضي هنا

ليه ماذكرت اسعار الفرشاة اللي انت عارضها

تدري ليه لأنك تعرف انها اسعار جشعة وخيالية ومبالغ فيها

[براءة طفل]

ممكن اشارك بشي فكرت فيه وشكلي بحاول اجربه

فيه لحاف شريته من إيكيا له عدة درجات يبداء من 1 الى 5

كل ما زاد الرقم زادت درجة الدفئ

ويحتوي على حشوة من ريش وزغب الطيور

اخذت منه درجة 2 وهو ما يسمى الربيعي واخذت على ما اعتقد رقم 4

بصراحة رقم اربعة ما قدرت استعمله بالبيت مهما وصلت درجة البرد

ممكن تخذ منه نفرين وهو يجي مقاس 220x200 وتفصل عليه شراع تنزاني

على ما اعتقد انه بيكون شي غير من الدفئ وخاصة اذا اخذت درجة خمسة وهي الاعلى من الدفئ

وهالشي بسويه ان شاء الله واذا الله قدرني بعطيكم الأفادة


من مميزاته انه خفيف الوزن وحجمه بدون الشراع صغير جداً مقارنة بالبطانيات المعروفة

[طويق2009]

الفراش الامريكي اللي في محلات الرماية
100 ب 100

[البرار]

والله فراش الدريويش ..... يمدحونه بس أنا ما جربته .

[المطلاع2]

الدريويش ممتاز

[tooto]

انا عندي لك اقتراح وانت واحكم بنفسك

روح للغرابي حقين الخيام اسأل عن شراع فراش تنزاني مقاس 303 اصلي بشرط يكون بدون شئ فقط شراع راح تلاقيه من 90-100 ريال واشتر لك بطانيه غاطين ولا مطرحه من الاولات وقم بخياطتها داخل الفراش وصدقني التكلفه ماراح تتجاوز 200 ريال وانس شئ اسمه قطب شمالي ولا جنوبي.د

والله اللي ما كذبه
انا معي زي ما ذكر الرجال بس الفرو اللي فيه فرو الدرويش من 4 سنوات
<<<< لا وخوك مليان
وما فيه واحد ما تسلفه من
ما فيه الا العافيه وقيمته 180 ريال

[كودو]

نصيحه ابعد عن الفرو حساسيه ويمسك الرمل

[عاشق المطر]

السلام عليكم
سبق ان قمت بطرح موضوع عن افضل انواع الفرش قبل فتره وكان النقاش جميل ومفيد
جدا حيث تعرفت على اغلب صفات الفرش الموجوده في السوق وهنا الرابط:
http://www.mekshat.com/vb/showthread.php?t=159008

وكنت في حيره من امري في اختيار النوع المناسب لان الفروقات ليست كبيره
ولكن استقر القرار على فراش الدريويش الكبير بقيمة 290 ريال من محل داخل سوق الغرابي بجوار محل ابن همام للشرع..
حيث نصحني بفراش الدريويش من ناحية الجوده والقوه والتدفئه وقد ذكر لي معلومه قد تخفى
على اغلب الاخوان ولا اعلم عن مدى صحتها من عدمها الا وهي ان فراش القاضي صناعه صينيه وهذا ما جعلني احرص على فراش الدريويش رغم وزنه الثقيل نوعا ما لكن هذا دليل
على جودته ومتانته وقد عدت له بعد تجربه سابقه استمرت حوالي 8 سنوات وكان متينا
ومتماسكا لابعد الحدود..
تحياتي

[المريعي]

الله يعطيكم العافية حيرتونا وش ناخذ؟