صوت بالباترول ضيق صدري((النصيحة لاهنتو))

[من العيون]

السلام عليكم-الموديل 2007 سلقة
اذا عشقت بالواحد ومشيت اسمع طقة تحت الرجلين
وكذالك اذا عشقت للخلف ومشيت اسمع نفس الطقة
وش المشكلة ونتم عارفين وقت مكاشيت ماهو وقت خرابات وتنكد

[PATROL 2006]

ما عندك مشكله انا معي باترول سلقه 2006 من طلعته من المعرض وهو كذا مع العلم اني انا الي شاريه وكاله
هذا ينتج من الحركه العكسية للجير عادي لا يضيق صدرك

[عاشق السيل]

وعليكم السلام ورحمة الله وبركاته ،،،

أهم شي أخوي لايضيق صدرك وأنا متأكد إن الشغلة سهلة جدا ،، كل ماعليك إنك تنزل لحفرة تغيير الزيت وتخلي واحد يرجع ويقدم بالموتر وأكيد تبي تشوف وش اللي يطق !!!

رغم إني ماأفدتك لكن تقبل مروري يالغالي ...

[m1m]

غالبا يكون الصوت من جلد عامود التوازن وإذا في الخلف يكون من جلد شداد الدفرنس

[عبدالله2009]

هههههههههههههههه

الله يكون بعونك

تصدق هذي الضحكة عشان تخفف ... الي فيك وبعدين تشوف الحل

قد صارت لي .... وضاق صدري مرة

قلت هذي مليون في المية عكس ... والا قير ... وخصوصا اذا دقيت الريوس يقعد يطقطق اوقات

طبعا انا سيارتي لاند كروزر ... وترى الطقه يحس فيها الراكب اكثر من السائق

المهم اني جمعت دراهمي ... وولمت حوالي 2000 ريال
وتفضيت لها

ووديها عند واحد ما شاء الله تبارك الله ... خبير في الجيوب ما شاء الله عليه ...في بالجرشي عسى ربي يحفظها من كل سوء ويحفظ امنها واهلها

يوم وصلت عندة الي يقول الشغلة سهله جدا ... وبناخذ منك 20 ريال
يا ولد وش السالفة ... قال هذي الكنداسة تطق في البدي من تحت خصوصا..... اذا عشقت الريوس

كل الي يبغى لها لحام ... وربك لك الحمد

وعرفت لها .... سرت اذا تنومست على الموتر ... وتطلع الطقة.... لحام يثبت الي انفك وصلى الله وبارك

[ابو ريان الصقر]

السلام عليكم ورحمه الله وبركاته
انا صارت معي ورحت للصناعيه
ولقيت كرسي القير وشيال الكنداسه وغيرتها وراح الصوت وارجو ان اكون افدتك

[rooco]

هذي والله العـاالم ، يبيلـك ، تشد (ربـاطات الدفرنس) ، فيـه نوعين ، شي يجي طويل ، وشي قصيـرر ،، انا صاارت معي قبل يوميـن ، وصلحتهـاا أمس ، وصاارت لي ساالفـه ،، ويوم شديت الطـوويل رااح الصـووت ، ورجع مووتري مثل مااكـاان

[أبو تايه]

السلام عليكم ورحمة الله وبركاته
يمكن الصوت من1- الصليبات وده عند ميزان و2-خله يشوف العمود عن المخرطه يمكن فيه ميلان
او 3-عشق الدبل على الخفيف وقدم ورجع
الصوت يزيد ولا لا اذا زاد الصوت
هذا خراب في جنزير الدبل و لا ارجع الى التشيك على الخطوة رقم 1 او2

[المميـز]

المكشاتيين ماقصروا الله يعطيهم العافيه

ومايشوف شر المبروك

[من العيون]

شكرا للجميع
وكثر الله خيركم

[مسايف الطعس]

لاتتعب نفسك موترك جديد

رح شحم الصلبان وعامود الدبل وعامود الكردان في اقرب مشحمه وقضينا

ب10 ريال

نصيحه شحم وجرب وادع لي

[السوبر9]

المشكله من الصلبان تأكد منها وشكرا